ਚੰਡੀਗੜ੍ਹ, 11 ਦਸੰਬਰ 2025: ਸ਼ਾਰੀਬ ਸਬਰੀ ਅਤੇ ਤੋਸ਼ੀ ਸਬਰੀ ਨੇ ਭਾਰਤ ਦਾ ਸਭ ਤੋਂ ਵੱਡਾ ਤੇ ਮਹੱਤਵਾਕਾਂਸ਼ੀ ਸੁਫੀ ਮਿਊਜ਼ਿਕਲ ਪ੍ਰੋਜੈਕਟ ‘ਰੂਹਾਨੀਅਤ’ ਦਾ ਉਦਘਾਟਨ ਕੀਤਾ | Opul Music ਦੇ ਤਹਿਤ ਲਾਂਚ ਕੀਤਾ ‘ਰੂਹਾਨੀਅਤ’ ਇੱਕ ਸ਼ਾਨਦਾਰ ਸਮਾਗਮ ਬਣਿਆ | ਇਸ ‘ਚ ਜਾਨ ਅਬ੍ਰਾਹਮ, ਸੋਨੂ ਨਿਗਮ, ਸੁਰੇਸ਼ ਵਾਡਕਰ, ਰਮੇਸ਼ ਤੌਰਾਨੀ, ਨੀਲ ਨਿਤਿਨ ਮੁਕੇਸ਼, ਹਰੀਹਰਨ ਜੌਨੀ ਲੀਵਰ, ਮੀਕਾ ਸਿੰਘ ਅਤੇ ਕਈ ਹੋਰ ਮਸ਼ਹੂਰ ਹਸਤੀਆਂ ਨੇ ਸ਼ਿਰਕਤ ਕੀਤੀ।
ਆਪਣੇ ਰੂਹਾਨੀ ਅੰਦਾਜ਼ ਵੱਲ ਵਾਪਸੀ ਕਰਦੇ ਹੋਏ ਮਸ਼ਹੂਰ ਕੰਪੋਜ਼ਰ, ਸਿੰਗਰ ਜੋੜੀ ਸ਼ਾਰੀਬ ਸਬਰੀ ਅਤੇ ਤੋਸ਼ੀ ਸਬਰੀ ਨੇ ਆਪਣਾ ਸੁਪਨਾ ਪ੍ਰੋਜੈਕਟ ਰੂਹਾਨੀਅਤ ਲੋਕ ਅਰਪਣ ਕੀਤਾ | ਦੱਸ ਗੀਤਾਂ ਦਾ ਇੱਕ ਸੁਫੀ ਐਲਬਮ, ਜਿਸ ‘ਚ ਰੂਹਾਨੀ ਤਾਕਤ, ਸੁਰੀਲੇ ਸੁਰ ਅਤੇ ਡੂੰਘੀ ਸ਼ਾਇਰੀ ਦੀ ਮਹਿਕ ਸਮਾਈ ਹੋਈ ਹੈ। ਮਾਹੀ ਅਤੇ ਸਮਝਾਵਾਂ ਵਰਗੀਆਂ ਹਿੱਟਾਂ ਲਈ ਜਾਣੇ ਜਾਣ ਵਾਲੇ ਸਬਰੀ ਬ੍ਰਦਰਜ਼ ਨੇ ਇਸ ਐਲਬਮ ਰਾਹੀਂ ਇਸ਼ਕ, ਭਗਤੀ ਅਤੇ ਆਤਮਕ ਸ਼ਾਂਤੀ ਦੀ ਸੁੰਦਰ ਯਾਤਰਾ ਪੇਸ਼ ਕੀਤੀ ਹੈ।
ਰੂਹਾਨੀਅਤ ‘ਚ ਮੀਕਾ ਸਿੰਘ, ਰਾਹੁਲ ਵੈਦਿਆ, ਹਰਸ਼ਦੀਪ ਕੌਰ, ਖਾਨ ਸਾਹਿਬ, ਨਕਸ਼ ਅਜ਼ੀਜ਼, ਰਾਜਾ ਹਸਨ, ਰਈਸ ਅਨਿਸ ਸਬਰੀ ਅਤੇ ਅਕਸ਼ਿਤਾ ਚੌਹਾਨ ਵਰਗੇ ਕਲਾਕਾਰ ਸਮੇਤ ਕਈ ਤਾਕਤਵਰ ਆਵਾਜ਼ਾਂ ਦਾ ਸੰਗਮ ਹੈ। ਹਰ ਇੱਕ ਟਰੈਕ ਆਪਣਾ ਖ਼ਾਸ ਰੰਗ ਲਿਆਉਂਦਾ ਹੈ — ਰੂਹਾਨੀ ਤੁਮਸੇ ਪਿਆਰ ਕਰਤੇ ਹੈਂ, ਜੋਸ਼ ਭਰਿਆ ਪਾਸ ਆ ਗਏ ਹੈਂ, ਭਗਤੀਮਈ ਮੁਰਸ਼ਦ, ਦਰਦ-ਭਰਿਆ ਧੋਖੇਬਾਜ਼ੀ, ਅਤੇ ਰੂਹ ਨੂੰ ਛੂਹਣ ਵਾਲਾ ਅੱਲਾਹ ਹੁ।
ਐਲਬਮ ਬਾਰੇ ਸ਼ਾਰੀਬ ਸਬਰੀ ਨੇ ਕਿਹਾ, “ਰੂਹਾਨੀਅਤ ਸਾਡਾ ਵਰ੍ਹਿਆਂ ਪੁਰਾਣਾ ਸੁਪਨਾ ਹੈ, ਇਹ ਇੱਕ ਵਿਸ਼ਵਾਸ, ਇਸ਼ਕ ਅਤੇ ਸੁਫ਼ੀ ਪਵਿੱਤਰਤਾ ਦੀ ਯਾਤਰਾ ਹੈ।” ਤੋਸ਼ੀ ਸਬਰੀ ਨੇ ਕਿਹਾ, “ਹਰ ਇਕ ਨੋਟ ਸਾਡੇ ਦਿਲੋਂ ਨਿਕਲਿਆ ਹੈ। ਅਸੀਂ ਚਾਹੁੰਦੇ ਹਾਂ ਕਿ ਇਹ ਐਲਬਮ ਹਰ ਸੁਣਨ ਵਾਲੇ ਦੇ ਦਿਲ ਨੂੰ ਛੂਹੇ ਅਤੇ ਰੂਹ ਤੱਕ ਪਹੁੰਚੇ।”
ਆਪਣੇ ਸੁਰੀਲੇ ਸੁਰਾਂ, ਡੂੰਘੀ ਸ਼ਾਇਰੀ ਅਤੇ ਰੂਹਾਨੀ ਤਾਕਤ ਨਾਲ, ਰੂਹਾਨੀਅਤ ਭਾਰਤ ਦੇ ਸਭ ਤੋਂ ਸ਼ਾਨਦਾਰ ਸੁਫੀ ਸੰਗੀਤਕ ਪ੍ਰੋਜੈਕਟਾਂ ਵਿੱਚੋਂ ਇੱਕ ਵਜੋਂ ਸਾਹਮਣੇ ਆਉਂਦਾ ਹੈ — ਕਲਾ, ਜਜ਼ਬਾਤ ਅਤੇ ਭਗਤੀ ਦਾ ਅਸਲ ਤਿਉਹਾਰ।
Read More: ਸਿੱਧੂ ਮੂਸੇਵਾਲਾ ਦਾ ਨਵਾਂ ਗੀਤ Barota ਰਿਲੀਜ਼, ਗੀਤ ਨੂੰ ਲੈ ਕੇ ਫ਼ੈਨਜ ‘ਚ ਕ੍ਰੇਜ਼
