ਸਪੋਰਟਸ, 25 ਅਗਸਤ 2025: ਬੰਗਲਾਦੇਸ਼ ਦੇ ਮਹਾਨ ਆਲਰਾਊਂਡਰ ਸ਼ਾਕਿਬ ਅਲ ਹਸਨ ਟੀ-20 ਕ੍ਰਿਕਟ ‘ਚ 500 ਵਿਕਟਾਂ ਲੈਣ ਵਾਲੇ ਦੁਨੀਆ ਦੇ ਪੰਜਵੇਂ ਗੇਂਦਬਾਜ਼ ਬਣ ਗਏ ਹਨ।
ਅਫਗਾਨਿਸਤਾਨ ਦੇ ਰਾਸ਼ਿਦ ਖਾਨ 660 ਵਿਕਟਾਂ ਨਾਲ ਟੀ-20 ‘ਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਹਨ। ਸ਼ਾਕਿਬ ਨੇ ਇਸ ਮੈਚ ‘ਚ ਆਪਣੀ ਛੇਵੀਂ ਗੇਂਦ ‘ਤੇ 500 ਵਿਕਟਾਂ ਪੂਰੀਆਂ ਕੀਤੀਆਂ।
ਸ਼ਾਕਿਬ ਨੇ ਕੈਰੇਬੀਅਨ ਪ੍ਰੀਮੀਅਰ ਲੀਗ (ਸੀਪੀਐਲ 2025) ‘ਚ ਐਂਟੀਗੁਆ ਅਤੇ ਬਾਰਬੁਡਾ ਫਾਲਕਨਜ਼ ਲਈ ਖੇਡਦੇ ਹੋਏ ਸੇਂਟ ਕਿਟਸ ਅਤੇ ਨੇਵਿਸ ਪੈਟ੍ਰਿਅਟਸ ਦੇ ਖਿਲਾਫ ਇਹ ਉਪਲਬੱਧੀ ਹਾਸਲ ਕੀਤੀ।
ਉਨ੍ਹਾਂ ਨੇ ਸਿਰਫ ਦੋ ਓਵਰ ਗੇਂਦਬਾਜ਼ੀ ਕੀਤੀ, 11 ਦੌੜਾਂ ਦੇ ਕੇ 3 ਵਿਕਟਾਂ ਲਈਆਂ। ਉਸਦੀ ਸ਼ਾਨਦਾਰ ਗੇਂਦਬਾਜ਼ੀ ਨੇ ਫਾਲਕਨਜ਼ ਨੂੰ ਜਿੱਤ ਦਿਵਾਈ ਅਤੇ ਟੀਮ ਅੰਕ ਸੂਚੀ ‘ਚ ਸਿਖਰ ‘ਤੇ ਬਣੀ ਹੋਈ ਹੈ। ਸ਼ਾਕਿਬ ਨੂੰ 500 ਵਿਕਟਾਂ ਪੂਰੀਆਂ ਕਰਨ ਲਈ ਸਿਰਫ ਇੱਕ ਵਿਕਟ ਦੀ ਲੋੜ ਸੀ, ਜੋ ਉਨ੍ਹਾਂ ਨੇ ਆਪਣੀ ਛੇਵੀਂ ਗੇਂਦ ‘ਤੇ ਪ੍ਰਾਪਤ ਕੀਤੀ। ਸ਼ਾਕਿਬ ਨੇ ਨਾ ਸਿਰਫ਼ ਗੇਂਦ ਨਾਲ ਸਗੋਂ ਬੱਲੇ ਨਾਲ ਵੀ ਆਪਣੀ ਯੋਗਤਾ ਦਿਖਾਈ। ਟੀ-20 ਕ੍ਰਿਕਟ ‘ਚ 500 ਵਿਕਟਾਂ ਲੈਣ ਵਾਲੇ ਬਾਕੀ ਚਾਰ ਗੇਂਦਬਾਜ਼ਾਂ ਕੋਲ ਸ਼ਾਕਿਬ ਦੇ 7574 ਦੌੜਾਂ ਨਹੀਂ ਹਨ।
ਇਸ ਮੈਚ ‘ਚ ਸ਼ਾਕਿਬ ਨੇ 18 ਗੇਂਦਾਂ ‘ਚ 25 ਦੌੜਾਂ ਬਣਾਈਆਂ, ਜਿਸ ‘ਚ ਉਨ੍ਹਾਂ ਨੇ ਅਸ਼ਮੀਦ ਨੇਦ ਦੀ ਗੇਂਦ ‘ਤੇ ਲੌਂਗ-ਆਨ ‘ਤੇ ਇੱਕ ਛੱਕਾ ਅਤੇ ਅਗਲੀ ਗੇਂਦ ‘ਤੇ ਰਿਵਰਸ ਸਵੀਪ ‘ਤੇ ਇੱਕ ਚੌਕਾ ਲਗਾ ਕੇ ਫਾਲਕਨਜ਼ ਦੀ ਜਿੱਤ ਨੂੰ ਆਸਾਨ ਬਣਾ ਦਿੱਤਾ।
Read More: ਸ਼੍ਰੇਅਸ ਅਈਅਰ ਨੂੰ ਵਨਡੇ ਟੀਮ ਦਾ ਕਪਤਾਨ ਬਣਾਉਣ ਦੀ ਚਰਚਾਵਾਂ ‘ਤੇ BCCI ਨੇ ਤੋੜੀ ਚੁੱਪੀ
