ਪਟਿਆਲਾ, 15 ਸਤੰਬਰ 2025: ਉੱਤਰੀ ਭਾਰਤ ਦੇ ਨਾਮਵਰ ਪਟਿਆਲਾ ਸਥਿਤ ਰਾਜਿੰਦਰਾ ਜਿੰਮਖਾਨਾ ਐਂਡ ਮਹਿੰਦਰਾ ਕਲੱਬ ‘ਚ ਹੋਏ ਲੱਖਾਂ ਰੁਪਏ ਦੇ ਘਪਲੇ ਦੀ ਖ਼ਬਰ ਸਾਹਮਣੇ ਆਈ ਹੈ | ਕਲੱਬ ਦੇ ਵੀਵੀਆਈਪੀ ਮੈਂਬਰਾਂ ਨੇ ਇਸ ਮਾਮਲੇ ‘ਤੇ ਹੈਰਾਨੀ ਪ੍ਰਗਟ ਕੀਤੀ ਹੈ ਕਿ ਇਹ ਆਖਿਰ ਕਿਸ ਤਰ੍ਹਾਂ। ਦੂਜੇ ਪਾਸੇ ਕਲੱਬ ਦੇ ਮੌਜੂਦਾ ਪ੍ਰਧਾਨ ਦੀਪਕ ਕੰਪਾਨੀ ਤੇ ਮੀਤ ਪ੍ਰਧਾਨ ਵਿਕਾਸ ਪੁਰੀ ਨੇ ਘਪਲਾ ਕਰਨ ਵਾਲੇ ਦੋ ਐਡੀਟਰਾਂ ਖ਼ਿਲਾਫ ਪਟਿਆਲਾ ਵਿਖੇ ਧੋਖਾਧੜੀ ਦਾ ਕੇਸ ਰਜਿਸਟਰਡ ਕਰਵਾਇਆ ਹੈ।
ਰਾਜਿੰਦਰਾ ਜਿੰਮਖਾਨਾ ਐਂਡ ਮਹਿੰਦਰਾ ਕਲੱਬ ‘ਚ ਲੰਬੇ ਸਮੇਂ ਤੋਂ ਗੋਇਲ ਐਂਡ ਐਸੋੋਸੀਏਟ ਕੰਪਨੀ ਅਤੇ ਇਕ ਹੋਰ ਕੰਪਨੀ ਗੋਇਲ ਮਹਾਜਨ ਐਂਡ ਐਸੋਸੀਏਟ ਸਾਲ ਦੇ ਲੱਖਾਂ ਰੁਪਏ ਦੇ ਲੈਣ ਦੇਣ ਦਾ ਬਤੌਰ ਸੀਏ ਕੰਮਕਾਜ ਦੇਖਦੀ ਸੀ। ਇਨ੍ਹਾਂ ਕੰਪਨੀਆਂ ਦੇ ਪ੍ਰੋਪਰਾਈਟਰ ਅਸੋਕ ਗੋਇਲ, ਨੀਰਜ ਜਿੰਦਲ ਤੇ ਰਾਜੀਵ ਗੋਇਲ ਹਨ, ਜਿਹੜੇ ਕਿ ਬਤੌਰ ਐਡੀਟਰ ਤੇ ਸੀਏ ਸਮੁੱਚੇ ਕਲੱਬ ਦਾ ਫਾਈਨਾਂਸ਼ੀਅਲ ਸਿਸਸਟਮ ਦੇਖਦੇ ਸਨ।
ਇਨ੍ਹਾਂ ਪ੍ਰੋਪਰਾਈਟਰ ਨੇ ਆਪਸ ‘ਚ ਮਿਲੀਭੁਗਤ ਕਰਕੇ ਧੋਖਾਧੜੀ ਕਰਦੇ ਹੋਏ, ਰਾਜਿੰਦਰਾ ਜਿੰਮਖਾਨਾ ਐਂਡ ਮਹਿੰਦਰਾ ਕਲੱਬ ਤੇ ਮੋਟੇ ਪੈਸੇ ਹੜੱਪ ਲਏ ਤੇ ਕਲੱਬ ਦੇ ਖਾਤੇ ‘ਚੋਂ ਗੋਇਲ ਮਹਾਜਨ ਐਂਡ ਐਸੋਸੀਏਟ ਕੰਪਨੀ ‘ਚ 5 ਲੱਖ 21 ਹਜ਼ਾਰ 663 ਰੁਪਏ ਦੀ ਰਕਮ ਬਿਨਾਂ ਕਿਸੇ ਇਜਾਜ਼ਤ ਤੋਂ ਤਬਦੀਲ ਕਰ ਲਈ । ਇਸਤੋਂ ਇਲਾਵਾ ਬਿਨਾਂ ਵੱਖ-ਵੱਖ ਤਾਰੀਖਾਂ ‘ਚ ਹੋੋੋਰ ਵੀ ਲੱਖਾਂ ਰੁਪਏ ਸਿਫਟ ਹੋਏ ਹਨ। ਇਸਦੇ ਨਾਲ ਹੀ ਗੋੋਇਲ ਐਂਡ ਐਸੋਸੀਏਟ ਦੇ ਪ੍ਰੋੋਪਰਾਈਟਰ ਅਸੋੋੋਕ ਗੋਇਲ, ਨੀਰਜ ਕੁਮਾਰ ਆਦਿ ਨੇ ਆਪਣੀ ਆਡੀਟ ਦੀ ਇਕ ਸਾਲ ਦੀ ਫੀਸ ਡੇਢ ਲੱਖ ਤੋੋਂ ਵਧਾ ਕੇ 1 ਲੱਖ 80 ਹਜ਼ਾਰ ਕਰ ਲਈ ਤੇ ਫਿਰ ਟੈਕਸਾਂ ਸਮੇਤ 1 ਲੱਖ 93 ਹਜ਼ਾਰ ਕਰ ਲਈ ਤੇ ਫਿਰ ਕਲੱਬ ਦੇ ਖਾਤੇ ‘ਚੋਂ ਟਰਾਂਸਫਰ ਕਰ ਲਏ।
ਗੋਇਲ ਐਂਡ ਐਸੋਸੀਏਟ ਕੰਪਨੀਆਂ ਦੇ ਇਨਾ ਪ੍ਰੋਪਰਾਟੀਟਰਜ ਨੇ ਕਲੱਬ ਨੂੰ ਗੁੰਮਰਾਹ ਕਰਦੇ ਹੋਏ, ਰਜਿਸਟ੍ਰੇਸ਼ਨ ਹਾਊਸ ਅਤੇ ਕਾਊਟਿੰਗ ਹਾਊਸ ਦੇ ਨਾਮ ਫਰਜੀ ਬਿੱਲ ਰਿਕਾਰਡ ਐਂਟਰੀਆਂ ‘ਚ ਪਾ ਦਿੱਤੇ ਅਤੇ ਇਹ ਫਰਾਡ ਪਿਛਲੇ ਕਈ ਸਾਲਾਂ ਤੋਂ ਲਗਾਤਾਰ ਜਾਰੀ ਹੈ।
ਜਦੋਂ 19-10-2024 ਨੂੰ ਦੀਪਕ ਕੰਪਾਨੀ ਦੀ ਅਗਵਾਈ ‘ਚ ਰਾਜਿੰਦਰਾ ਜਿੰਮਖਾਨਾ ਐਂਡ ਮਹਿੰਦਰਾ ਕਲਬ ਦਾ ਨਵੀ ਮੈਨੇਜਮੈਂਟ ਨੇ ਚਾਰਜ ਸੰਭਾਲਿਆ ਤਾਂ ਉਸੇ ਦਿਨ ਕਲੱਬ ਦੀ ਏਜੀਐਮ ‘ਚ ਇਨ੍ਹਾਂ ਐਡੀਟਰਾਂ ਨੂੰ ਬਰਖਾਸਤ ਕਰ ਦਿੱਤਾ ਗਿਆ ਅਤੇ ਨਵੇ ਐਡੀਟਰ ਕਮ ਸੀਏ ਲਗਾਉਣ ਲਈ ਵੀ ਮਤਾ ਪਾਸ ਕੀਤਾ ਗਿਆ ਸੀ। ਇਸਤੋਂ ਬਾਅਦ ਇਨ੍ਹਾਂ ਦੋਵੇ ਕੰਪਨੀਆਂ ਦੇ ਅਸੋਕ ਗੋੋੋਇਲ, ਨੀਰਜ ਜਿੰਦਲ ਅਤੇ ਹੋਰ ਆਪਣੀ ਇਹ ਬਰਖਾਸਤੀ ਰੋਕਣ ਲਈ ਆਰਓਸੀ ਕੋਲ ਚਲੇ ਗਏ ਅਤੇ ਇਨ੍ਹਾਂ ਨੇ ਬਰਖਾਸਤਗੀ ਤੋ ਬਾਅਦ ਵੀ ਕਲੱਬ ਦੀ ਮੈਨੇਜਮੈਂਟ ਨੂੰ ਹਿਸਾਬ ਕਿਤਾਬ ਨਹੀ ਦਿੱਤਾ।
ਇਸਤੋਂ ਬਾਅਦ ਕਲੱਬ ਦੀ ਮੈਨੇਜਮੈਂਟ ਕਮੇਟੀ ਦੇ ‘ਚੋਂ 12 ‘ਚੋਂ 9 ਮੈਂਬਰਾਂ ਨੇ ਸਰਵਸੰਮਤੀ ਨਾਲ ਮਤਾ ਪਾ ਕੇ ਇਨ੍ਹਾਂ ਖਿਲਾਫ਼ ਕਾਰਵਾਈ ਆਰੰਭੀ ਅਤੇ ਕਲੱਬ ਦੇ ਮੌਜੂਦਾ ਪ੍ਰਧਾਨ ਦੀਪਕ ਕੰਪਾਨੀ ਤੇ ਮੀਤ ਪ੍ਰਧਾਨ ਵਿਕਾਸ ਪੁਰੀ ਆਪਣਾ ਪੂਰਾ ਕੇਸ ਲੈ ਕੇ ਪਟਿਆਲਾ ਦੇ ਐਸਐਸਪੀ ਕੋੋਲ ਪੁੱਜੇ। ਐਸਐਸਪੀ ਪਟਿਆਲਾ ਨੇ ਇਸ ਕੇਸ ਨੂੰ ਗੰਭੀਰਤਾ ਨਾਲ ਲੈਦੇ ਇਸਦੀ ਜਾਂਚ ਇਕ ਸੀਨੀਅਰ ਆਈਪੀਐਸ ਨੂੰ ਮਾਰਕ ਕੀਤੀ।
ਇਸ ਜਾਂਚ ‘ਚ ਪਾਇਆ ਗਿਆ ਕਿ ਉਕਤ ਵਿਅਕਤੀਆਂ ਨੇ ਕਲੱਬ ਨਾਲ ਲੱਖਾਂ ਰੁਪਏ ਦਾ ਧੋਖਾ ਕੀਤਾ ਹੈ, ਜਿਸਤੋਂ ਬਾਅਦ ਪਟਿਆਲਾ ਪੁਲਿਸ ਨੇ ਅਸੋਕ ਗੋਇਲ, ਨੀਰਜ ਜਿੰਦਲ ਅਤੇ ਇਲਾ ਦੀਆਂ ਕੰਪਨੀਆਂ ਗੋੋਇਲ ਮਹਾਜਨ ਐਂਡ ਐਸੋੋਸੀਏਟ ਤੇ ਦੂਜੀ ਫਰਮ ਖਿਲਾਫ਼ ਧੋਖਾਧੜੀ ਅਤੇ ਰਿਕਾਰਡ ਨਾਲ ਛੇੜਛਾੜ ਦੇ ਦੋਸ਼ ‘ਚ ਧਾਰਾ ਆਈਪੀਸੀ 1860 ਤਹਿਤ 406, 420, 465, 467, 468, 471, 120ਬੀ 7 ਧਾਰਾਵਾਂ ਤਹਿਤ ਧੋਖਾਧੜੀ, ਰਿਕਾਰਡ ਨਾਲ ਛੇੜਛਾੜ ਕਰਨ ਦਾ ਕੇਸ ਬੀਤੇ ਕੱਲ੍ਹ ਨੂੰ ਪਟਿਆਲਾ ਵਿਖੇ ਦਰਜ ਕਰ ਲਿਆ ਹੈ। ਕਲੱਬ ‘ਚ ਹੋੋਏ ਵੱਡੇ ਧੋਖੇ ਕਾਰਨ ਵੱਡੀ ਹਲਚਲ ਦਾ ਮਾਹੌਲ ਹੈ। ਪਟਿਆਲਾ ਪੁਲਿਸ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਕੇਸ ਪੂਰੀ ਜਾਂਚ ਉਪਰੰਤ ਦਰਜ ਕੀਤਾ ਹੈ ਤੇ ਮੁਲਜ਼ਮਾਂ ਨੂੰ ਛੇਤੀ ਹੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।
ਘਪਲੇ ਮਾਮਲੇ ‘ਚ ਵੱਡੇ ਖ਼ੁਲਾਸੇ ਹੋਣ ਦੀ ਸੰਭਾਵਨਾ
ਪੰਜਾਬ ਪੁਲਿਸ ਨੇ ਐਫ.ਆਈ.ਆਰ ਦਰਜ ਕਰਕੇ ਰਾਜਿੰਦਰਾ ਜਿੰਮਖਾਨਾ ਐਂਡ ਮਹਿੰਦਰਾ ਕਲੱਬ ਦੀ ਮੌਜੂਦਾ ਮੈਂਨੇਜਮੈਂਟ ਨੂੰ ਬਾਊਂਡ ਕਰ ਦਿੱਤਾ ਹੈ ਅਤੇ ਆਦੇਸ਼ ਦਿੱਤੇ ਹਨ ਕਿ ਸਾਲ 2015 ਤੋਂ ਲੈ ਕੇ ਅੱਜ ਤੱਕ ਲਗਭੱਗ 10 ਸਾਲ ਦਾ ਮੁਕੰਮਲ ਰਿਕਾਰਡ ਪੰਜਾਬ ਪੁਲਸ ਕੋਲ ਪੇਸ ਕੀਤਾ ਜਾਵੇ। ਇਨ੍ਹਾਂ 10 ਸਾਲਾਂ ‘ਚ ਕਲੱਬ ‘ਚ ਹਰ ਸਾਲ ਕਰੋੜਾ ਰੁਪਏ ਦੇ ਕੰਮ ਕਿਹੜੇ ਹੋਏ ਹਨ, ਕਿਸ ਤਰ੍ਹਾ ਹੋਏ ਹਨ, ਖਰਚੇ ਕਿਥੇ ਹੋਏ ਹਨ, ਕਿਥੋ ਇਨਕਮ ਆਈ ਹੈ।
ਪੰਜਾਬ ਪੁਲਿਸ ਦੇ ਦੋ ਸੀਨੀਅਰ ਅਧਿਕਾਰੀਆਂ ਨੇ ਜਾਂਚ ਉਪਰੰਤ ਪਾਇਆ ਹੈ ਕਿ ਇਹ ਗੱਲ ਲੱਖਾਂ ‘ਚ ਨਹੀ, ਇਥੇ ਘਪਲਾ ਕਰੋੜਾ ਰੁਪਏ ‘ਚ ਹੈ। ਪੰਜਾਬ ਪੁਲਿਸ ਹੁਣ ਦੁੱਧ ਦਾ ਦੁੱਧ ਤੇ ਪਾਣੀ ਦਾ ਪਾਣੀ ਕਰਨ ‘ਚ ਲੱਗੀ ਹੋਈ ਹੈ। ਪੁਲਿਸ ਦੀ ਐਫ.ਆਈ.ਆਰ ਨਾਲ ਕਈ ਵੱਡੇ ਮਗਰਮੱਛ ਕਾਬੂ ਹੋੋਣ ਦੀ ਸੰਭਾਵਨਾ ਹੈ, ਜਿਨ੍ਹਾਂ ਨੇ ਇਥੇ ਘਪਲੇ ਕੀਤੇ ਹਨ। ਕਲੱਬ ਦੇ ਪੁਰਾਣੇ ਮੈਨੇਜਮੈਂਟ ਦੇ ਕਈ ਅਧਿਕਾਰੀਆਂ ‘ਚ ਵੱਡੀ ਘੁਸਰ ਮੁਸਰ ਚੱਲ ਰਹੀ ਹੈ। ਜੇਕਰ ਪੰਜਾਬ ਪੁਲਿਸ ਪਿਛਲੇ 10 ਸਾਲਾਂ ਦੇ ਰਿਕਾਰਡ ਦੀ ਜਾਂਚ ਸਹੀ ਢੰਗ ਨਾਲ ਕਰ ਗਈ ਤਾਂ ਇਹ ਘਪਲੇ ਕਰੋੜਾਂ ‘ਚ ਹੋ ਸਕਦੇ ਹਨ।
ਰਾਜਿੰਦਰਾ ਜਿੰਮਖਾਨਾ ਐਂਡ ਮਹਿੰਦਰਾ ਕਲੱਬ ਦੇ ਮੌਜੂਦਾ ਪ੍ਰਧਾਨ ਦੀਪਕ ਕੰਪਾਨੀ ਨਾਲ ਸੰਪਰਕ ਬਣਾਇਆ ਤਾਂ ਉਨ੍ਹਾਂ ਆਖਿਆ ਕਿ ਕਲੱਬ ਦੇ ਸਮੁੱਚੇ ਫਾਈਨਾਂਸ ਦਾ ਆਡੀਟ ਕਰਨ ਵਾਲੀਆਂ ਇਹ ਦੋਵੇ ਕੰਪਨੀਆਂ ਪਿਛਲੇ ਤਿੰਨ ਦਹਾਕਿਆਂ ਤੋਂ ਕਲੱਬ ‘ਚ ਗੋਲ ਮੋਲ ਕਰ ਰਹੀਆਂ ਹਨ। ਉਨ੍ਹਾਂ ਆਖਿਆ ਕਿ ਜਦੋਂ ਅਕਤੂਬਰ 2024 ‘ਚ ਸਾਡੀ ਮੈਨੇਜਮੈਂਟ ਆਈ, ਸਾਨੂੰ ਸਮੁੱਚੇ ਕਲੱਬ ਦੇ ਮੈਂਬਰਾਂ ਨੇ ਪੂਰੇ ਬਹੁਮਤ ਨਾਲ ਚੁਣਿਆ ਤਾਂ ਉਸੇ ਦਿਨ ਹੀ ਫੈਸਲਾ ਹੋਇਆ ਸੀ ਕਿ ਅਸੀਂ ਇਕ ਨਵੀ ਟੀਮ ਐਡੀਟਰਾਂ ਦੀ ਲੈ ਕੇ ਆਵਾਂਗੇ ਤੇ ਇਨ੍ਹਾਂ ਨੂੰ ਬਰਖਾਸਤ ਕੀਤਾ ਗਿਆ ਸੀ।
ਉਨਾ ਆਖਿਆ ਕਿ ਇਸਦੇ ਬਾਵਜੂਦ ਵੀ ਇਨ੍ਹਾਂ ਦੋਵੇ ਫਰਮਾਂ ਨੇ ਕਲੱਬ ਦੀ ਮੈਨੇਜਮੈਂਟ ਨੂੰ ਸਾਰਾ ਰਿਕਾਰਡ ਨਹੀ ਸੌਂਪਿਆ, ਸਗੋਂ ਕਲੱਬ ਦੇ 8 ਡਾਇਰੈਕਟਰਾਂ ਖ਼ਿਲਾਫ ਪਟਿਆਲਾ ਪੁਲਿਸ ਕੋੋੋਲ ਅਰਜੀ ਦੇ ਦਿੱਤੀ ‘ਤੇ ਨਾਲ ਆਰਓਸੀ ਕੋਲ ਚਲੇ ਗਏ।
ਜਦੋਂ ਸਾਨੂੰ ਪੁਲਿਸ ਨੇ ਬੁਲਾਇਆ ਤਾਂ ਅਸੀ ਸਮੁੱਚਾ ਰਿਕਾਰਡ ਉਨ੍ਹਾਂ ਸਾਹਮਣੇ ਪੇਸ਼ ਕੀਤਾ, ਜਿਸ ‘ਚ ਇਹ ਲੱਖਾਂ ਦੇ ਘਪਲੇ ਤਾਂ ਪਹਿਲੇ ਸਟੈਪ ‘ਚ ਹੀ ਸਾਹਮਣੇ ਆ ਗਏ। ਉਨ੍ਹਾਂ ਆਖਿਆ ਕਿ ਅਸੀ ਇਸ ‘ਚ ਕੁਝ ਨਹੀ ਕਰ ਰਹੇ, ਜੋ ਸਾਡੇ ਕੋਲੋਂ ਪੁਲਿਸ ਨੇ ਮੰਗਿਆ ਸੀ, ਅਸੀ ਪੁਲਿਸ ਨੂੰ ਦੇ ਦਿੱਤਾ ਤੇ ਇਨ੍ਹਾਂ ਫਰਮਾਂ ਦੇ ਖਿਲਾਫ਼ ਧੋੋਖਾਧੜੀ ਦਾ ਕੇਸ ਰਜਿਸਟਰਡ ਹੋ ਗਿਆ। ਉਨ੍ਹਾਂ ਆਖਿਆ ਕਿ ਕਲੱਬ ਨਾਲ ਹਜਾਰਾਂ ਮੈਂਬਰ ਜੁੜੇ ਹੋੋਏ ਹਨ। ਉਹ ਕਲੱਬ ਨੂੰ ਆਪਣਾ ਪਰਿਵਾਰ ਸਮਝਦੇ ਹਨ ਤੇ ਸਾਰੇ ਮੈਂਬਰ ਚਾਹੁੰਦੇ ਹਨ ਕਿ ਦੁੱਧ ਦਾ ਦੁੱਧ ਤੇ ਪਾਣੀ ਦਾ ਪਾਣੀ ਹੋਵੇ। ਇਥੇ ਲੋਕਾਂ ਦਾ ਪੈਸਾ ਕੋਈ ਵੀ ਲੁੱਟ ਕੇ ਨਾ ਲੈ ਕੇ ਜਾਵੇ। ਉਨ੍ਹਾਂ ਕਿਹਾ ਕਿ ਪਿਛਲੇ ਸਾਲਾਂ ਦਾ ਰਿਕਾਰਡ ਛੇਤੀ ਹੀ ਰਿਕਾਰਡ ਵੀ ਪੰਜਾਬ ਪੁਲਿਸ ਕੋੋੋਲ ਪੇਸ ਕਰਾਂਗੇ।
Read More: Delhi News: CM ਆਤਿਸ਼ੀ ਦਾ ਦਾਅਵਾ, ਨਵੀਂ ਦਿੱਲੀ ਸੀਟ ‘ਤੇ ਵੋਟਰ ਸੂਚੀ ‘ਚ ਹੋ ਰਿਹੈ ਘਪਲਾ
