ਚੰਡੀਗੜ੍ਹ, 01 ਮਾਰਚ 2025: SA vs ENG: ਆਈ.ਸੀ.ਸੀ ਚੈਂਪੀਅਨਜ਼ ਟਰਾਫੀ 2025 (ICC Champions Trophy 2025 ਦਾ 11ਵਾਂ ਮੈਚ ਅੱਜ ਦੱਖਣੀ ਅਫਰੀਕਾ ਅਤੇ ਇੰਗਲੈਂਡ ਵਿਚਾਲੇ ਖੇਡਿਆ ਜਾਵੇਗਾ। ਇਹ ਮੈਚ ਕਰਾਚੀ ਦੇ ਨੈਸ਼ਨਲ ਸਟੇਡੀਅਮ ‘ਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 2:30 ਵਜੇ ਸ਼ੁਰੂ ਹੋਵੇਗਾ। ਦੱਖਣੀ ਅਫਰੀਕਾ ਨੇ ਹੁਣ ਤੱਕ ਖੇਡੇ ਗਏ ਦੋ ਮੈਚ ਜਿੱਤੇ ਹਨ ਅਤੇ ਇੱਕ ਮੈਚ ਮੀਂਹ ਕਾਰਨ ਰੱਦ ਹੋ ਗਿਆ ਸੀ। ਦੱਖਣੀ ਅਫਰੀਕਾ ਦੇ 3 ਅੰਕ ਹਨ। ਜਦੋਂ ਕਿ ਇੰਗਲੈਂਡ ਨੂੰ ਆਪਣੇ ਦੋਵੇਂ ਲੀਗ ਮੈਚਾਂ ‘ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ।
2025 ਦੀ ਚੈਂਪੀਅਨਜ਼ ਟਰਾਫੀ ‘ਚ ਇੰਗਲੈਂਡ ਟੀਮ ਦਾ ਪ੍ਰਦਰਸ਼ਨ ਸ਼ਰਮਨਾਕ ਰਿਹਾ ਹੈ। ਇੰਗਲੈਂਡ ਪਹਿਲੇ ਦੌਰ’ਚ ਹੀ ਬਾਹਰ ਹੋ ਗਈ। ਇੰਗਲਿਸ਼ ਟੀਮ ਇਸ ਟੂਰਨਾਮੈਂਟ ‘ਚ ਦੋ ‘ਚੋਂ ਦੋ ਮੈਚ ਹਾਰ ਚੁੱਕੀ ਹੈ। ਇੰਗਲੈਂਡ ਦਾ ਸਾਹਮਣਾ 2025 ਦੀ ਚੈਂਪੀਅਨਜ਼ ਟਰਾਫੀ ‘ਚ ਆਸਟ੍ਰੇਲੀਆ ਦੇ ਨਾਲ-ਨਾਲ ਅਫਗਾਨਿਸਤਾਨ ਨਾਲ ਹੋਇਆ ਸੀ ਅਤੇ ਟੀਮ ਬਾਹਰ ਹੋ ਗਈ ਸੀ।
ਉਸਨੂੰ ਦੱਖਣੀ ਅਫਰੀਕਾ ਵਿਰੁੱਧ ਆਖਰੀ ਗਰੁੱਪ ਰਾਊਂਡ ਮੈਚ (SA vs ENG) ਖੇਡਣਾ ਹੈ। ਇੰਗਲੈਂਡ ਦੀ ਟੀਮ ਨੂੰ ਉਦੋਂ ਝਟਕਾ ਲੱਗਾ ਜਦੋਂ ਨਿਯਮਤ ਚਿੱਟੀ ਗੇਂਦ ਦੇ ਕਪਤਾਨ ਜੋਸ ਬਟਲਰ ਨੇ ਕਪਤਾਨੀ ਤੋਂ ਅਸਤੀਫਾ ਦੇਣ ਦਾ ਐਲਾਨ ਕੀਤਾ। ਦੱਖਣੀ ਅਫਰੀਕਾ ਵਿਰੁੱਧ ਮੈਚ ਬਟਲਰ ਦਾ ਕਪਤਾਨ ਵਜੋਂ ਆਖਰੀ ਮੈਚ ਹੋਵੇਗਾ। ਜਦੋਂ ਤੋਂ ਬਟਲਰ ਨਿਯਮਤ ਕਪਤਾਨ ਬਣਿਆ ਹੈ, ਉਦੋਂ ਤੋਂ ਹੀ ਇੰਗਲਿਸ਼ ਟੀਮ ਨੂੰ ਵਨਡੇ ਫਾਰਮੈਟ ‘ਚ ਜਿੱਤਾਂ ਨਾਲੋਂ ਜ਼ਿਆਦਾ ਹਾਰਾਂ ਦਾ ਸਾਹਮਣਾ ਕਰਨਾ ਪਿਆ ਹੈ।
Read More: Jos Buttler: ਜੋਸ ਬਟਲਰ ਨੇ ਇੰਗਲੈਂਡ ਟੀਮ ਦੀ ਕਪਤਾਨੀ ਛੱਡੀ, ਫੈਸਲੇ ਦਾ ਦੱਸਿਆ ਵੱਡਾ ਕਾਰਨ
