ਚੰਡੀਗੜ੍ਹ, 10 ਨਵੰਬਰ 2023: ਵਨਡੇ ਵਿਸ਼ਵ ਕੱਪ 2023 ਵਿੱਚ ਦੱਖਣੀ ਅਫਰੀਕਾ (South Africa) ਨੇ ਆਪਣੇ ਆਖਰੀ ਮੈਚ ਵਿੱਚ ਅਫਗਾਨਿਸਤਾਨ ਨੂੰ 5 ਵਿਕਟਾਂ ਨਾਲ ਹਰਾਇਆ ਹੈ । ਦੱਖਣੀ ਅਫਰੀਕਾ ਨੇ ਟੂਰਨਾਮੈਂਟ ਵਿੱਚ ਆਪਣੀ 7ਵੀਂ ਜਿੱਤ ਦਰਜ ਕੀਤੀ ਅਤੇ 14 ਅੰਕਾਂ ਨਾਲ ਸੈਮੀਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ। ਦੂਜੇ ਪਾਸੇ ਅਫਗਾਨਿਸਤਾਨ ਦਾ ਸਫਰ 5 ਹਾਰਾਂ ਅਤੇ 4 ਜਿੱਤਾਂ ਨਾਲ ਖਤਮ ਹੋਇਆ। ਟੀਮ ਅੰਕ ਸੂਚੀ ਵਿੱਚ ਛੇਵੇਂ ਸਥਾਨ ’ਤੇ ਰਹੀ।

ਦੱਖਣੀ ਅਫਰੀਕਾ (South Africa) ਦੇ ਕਵਿੰਟਨ ਡੀ ਕਾਕ ਨੇ ਸ਼ੁੱਕਰਵਾਰ ਨੂੰ 41 ਦੌੜਾਂ ਬਣਾਈਆਂ, ਜਿਸ ਨਾਲ ਉਹ ਟੂਰਨਾਮੈਂਟ ਦਾ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ ਖਿਡਾਰੀ ਵੀ ਬਣ ਗਿਆ। ਹੁਣ ਉਸ ਦੇ ਨਾਂ 591 ਦੌੜਾਂ ਹਨ। ਉਸ ਦੀ ਟੀਮ ਦੇ ਗੇਰਾਲਡ ਕੂਟੀਜ਼ ਦੇ ਨਾਂ ਸਿਰਫ 7 ਮੈਚਾਂ ‘ਚ 18 ਵਿਕਟਾਂ ਹਨ। ਸ਼੍ਰੀਲੰਕਾ ਦੇ ਦਿਲਸ਼ਾਨ ਮਦੁਸ਼ੰਕਾ 9 ਮੈਚਾਂ ‘ਚ 21 ਵਿਕਟਾਂ ਲੈ ਕੇ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਹਨ।