ਚੰਡੀਗੜ੍ਹ, 18 ਫਰਵਰੀ 2025: RRB Recruitment 2025: ਰੇਲਵੇ ਭਰਤੀ ਬੋਰਡ (RRB) ਨੇ ਮਨਿਸਟਰੀਲ ਅਤੇ ਐਸੋਲੇਟੇਡ ਸ਼੍ਰੇਣੀ ਭਰਤੀ 2025 ਲਈ ਰਜਿਸਟ੍ਰੇਸ਼ਨ ਦੀ ਆਖਰੀ ਤਾਰੀਖ਼ ਵਧਾ ਦਿੱਤੀ ਹੈ। ਹੁਣ ਉਮੀਦਵਾਰ 21 ਫਰਵਰੀ, 2025 ਤੱਕ ਆਪਣੇ ਫਾਰਮ ਆਨਲਾਈਨ ਜਮ੍ਹਾਂ ਕਰਵਾ ਸਕਦੇ ਹਨ। ਪਹਿਲਾਂ ਰਜਿਸਟ੍ਰੇਸ਼ਨ ਦੀ ਆਖਰੀ ਤਾਰੀਖ਼ 6 ਫਰਵਰੀ ਸੀ, ਜਿਸ ਨੂੰ ਬਾਅਦ ‘ਚ ਵਧਾ ਕੇ 16 ਫਰਵਰੀ ਅਤੇ ਹੁਣ 21 ਫਰਵਰੀ, 2025 ਕਰ ਦਿੱਤਾ ਗਿਆ ਹੈ। ਇਸ ਭਰਤੀ ਮੁਹਿੰਮ ਦਾ ਉਦੇਸ਼ 1,036 ਅਸਾਮੀਆਂ ਨੂੰ ਭਰਨਾ ਹੈ। ਨੋਟੀਫਿਕੇਸ਼ਨ ਦੇ ਮੁਤਾਬਕ ਅਰਜ਼ੀ ਫਾਰਮ ਸੁਧਾਰ ਵਿੰਡੋ (ਬਿਨੈ-ਪੱਤਰ ਤੋਂ ਬਿਨਾਂ) 24 ਫਰਵਰੀ ਨੂੰ ਖੁੱਲ੍ਹੇਗੀ ਅਤੇ 5 ਮਾਰਚ ਨੂੰ ਬੰਦ ਹੋਵੇਗੀ। ਅਰਜ਼ੀ ਫਾਰਮਾਂ ਨੂੰ ਸੋਧ ਫੀਸ ਦੇ ਨਾਲ 6 ਤੋਂ 15 ਮਾਰਚ ਦੇ ਵਿਚਕਾਰ ਸੋਧਿਆ ਜਾ ਸਕਦਾ ਹੈ।
RRB ਭਰਤੀ 2025 ਲਈ ਅਰਜ਼ੀ ਫੀਸ (Application Fee for RRB Recruitment 2025)
ਅਪਲਾਈ ਕਰਨ ਲਈ, ਪੀਡਬਲਯੂਬੀਡੀ, ਔਰਤਾਂ, ਟ੍ਰਾਂਸਜੈਂਡਰ ਅਤੇ ਸਾਬਕਾ ਸੈਨਿਕ ਉਮੀਦਵਾਰਾਂ ਅਤੇ ਐਸਸੀ/ਐਸਟੀ/ਘੱਟ ਗਿਣਤੀ ਭਾਈਚਾਰਿਆਂ/ਆਰਥਿਕ ਤੌਰ ‘ਤੇ ਪੱਛੜੇ ਵਰਗਾਂ (ਈਬੀਸੀ) ਦੇ ਉਮੀਦਵਾਰਾਂ ਨੂੰ 250 ਰੁਪਏ ਦੀ ਅਰਜ਼ੀ ਫੀਸ ਦੇਣੀ ਪਵੇਗੀ। ਬਾਕੀ ਸਾਰੇ ਉਮੀਦਵਾਰਾਂ ਲਈ ਅਰਜ਼ੀ ਫੀਸ 500 ਰੁਪਏ ਹੈ।
RRB ਭਰਤੀ 2025 ਲਈ ਚੋਣ ਪ੍ਰਕਿਰਿਆ
ਇਸ ਭਰਤੀ ਦੀ ਚੋਣ ਪ੍ਰਕਿਰਿਆ ਵਿੱਚ ਇੱਕ ਸਿੰਗਲ ਸਟੇਜ ਕੰਪਿਊਟਰ ਅਧਾਰਤ ਟੈਸਟ (CBT) ਸ਼ਾਮਲ ਹੈ, ਜਿਸ ਤੋਂ ਬਾਅਦ ਪ੍ਰਦਰਸ਼ਨ ਜਾਂ ਅਧਿਆਪਨ ਹੁਨਰ ਟੈਸਟ, ਅਨੁਵਾਦ ਟੈਸਟ ਅਤੇ ਦਸਤਾਵੇਜ਼ ਤਸਦੀਕ/ਮੈਡੀਕਲ ਜਾਂਚ ਹੁੰਦੀ ਹੈ। ਸੀਬੀਟੀ ‘ਚ 100 ਸਵਾਲ ਹੋਣਗੇ ਜਿਨ੍ਹਾਂ ਨੂੰ 90 ਮਿੰਟਾਂ ਦੇ ਅੰਦਰ ਪੂਰਾ ਕਰਨਾ ਹੋਵੇਗਾ, ਜਿਸ ‘ਚ ਬੈਂਚਮਾਰਕ ਦਿਵੀਆਂਗ ਉਮੀਦਵਾਰਾਂ ਨੂੰ (ਕੁੱਲ 120 ਮਿੰਟ) ਦੀ ਵਰਤੋਂ ਕਰਕੇ 30 ਮਿੰਟ ਵਾਧੂ ਦਿੱਤੇ ਜਾਣਗੇ।
RRB ਭਰਤੀ 2025 ਲਈ ਕਿਵੇਂ ਅਪਲਾਈ ਕਰੀਏ ? (How to Apply for RRB Recruitment ?)
RRB ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾਓ।
ਹੁਣ ਹੋਮਪੇਜ ‘ਤੇ ਉਪਲਬੱਧ “Apply Online” ਲਿੰਕ ‘ਤੇ ਕਲਿੱਕ ਕਰੋ।
ਇੱਥੇ ਲੌਗਇਨ ਕਰਕੇ ਆਪਣੇ ਆਪ ਨੂੰ ਰਜਿਸਟਰ ਕਰੋ।
ਅਰਜ਼ੀ ਫਾਰਮ ‘ਚ ਨਿੱਜੀ, ਵਿਦਿਅਕ ਅਤੇ ਪੋਸਟ ਨਾਲ ਸਬੰਧਤ ਵੇਰਵੇ ਭਰੋ।
ਸਾਰੇ ਲੋੜੀਂਦੇ ਦਸਤਾਵੇਜ਼ਾਂ (ਫੋਟੋ, ਦਸਤਖਤ, ਆਦਿ) ਦੀਆਂ ਸਕੈਨ ਕੀਤੀਆਂ ਕਾਪੀਆਂ ਅਪਲੋਡ ਕਰੋ।
ਇਸ ਤੋਂ ਬਾਅਦ ਫਾਰਮ ਫੀਸ ਔਨਲਾਈਨ ਅਦਾ ਕਰੋ।
ਅੰਤ ‘ਚ ਫਾਰਮ ਜਮ੍ਹਾਂ ਕਰੋ ਅਤੇ ਭਵਿੱਖ ਦੇ ਸੰਦਰਭ ਲਈ ਇਸਦਾ ਪ੍ਰਿੰਟਆਊਟ ਲਓ |
Read More: ਰੇਲਵੇ ਭਰਤੀ ਬੋਰਡ ਨੇ ਭਰਤੀ ਨੋਟੀਫਿਕੇਸ਼ਨ ਕੀਤਾ ਜਾਰੀ, ਇਹਨਾਂ ਅਸਾਮੀਆਂ ‘ਤੇ ਕਰੋ ਅਪਲਾਈ
