ਚੰਡੀਗੜ੍ਹ, 11 ਅਪ੍ਰੈਲ 2024: (RCB vs MI) ਇੰਡੀਅਨ ਪ੍ਰੀਮੀਅਰ ਲੀਗ (RCB) 2024 ਵਿੱਚ ਅੱਜ ਮੁੰਬਈ ਇੰਡੀਅਨਜ਼ (MI) ਦਾ ਸਾਹਮਣਾ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਨਾਲ ਹੋਵੇਗਾ। 17ਵੇਂ ਸੀਜ਼ਨ ਦਾ 25ਵਾਂ ਮੈਚ ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ ‘ਚ ਸ਼ਾਮ 7:30 ਵਜੇ ਸ਼ੁਰੂ ਹੋਵੇਗਾ। ਇਸ ਮੈਚ ਦਾ ਟਾਸ ਕੁਝ ਸਮੇਂ ਬਾਅਦ ਹੋਵੇਗਾ। ਵਿਲ ਜੈਕਸ ਆਰਸੀਬੀ ਲਈ ਡੈਬਿਊ ਕਰਨਗੇ। ਵਿਰਾਟ ਕੋਹਲੀ ਅਤੇ ਜਸਪ੍ਰੀਤ ਬੁਮਰਾਹ ਜਦੋਂ ਵੀ ਆਹਮੋ-ਸਾਹਮਣੇ ਆਉਂਦੇ ਹਨ ਤਾਂ ਦੋਵਾਂ ਵਿਚਾਲੇ ਦਿਲਚਸਪ ਮੁਕਾਬਲਾ ਦੇਖਣ ਨੂੰ ਮਿਲੇਗਾ |

ਇਹ ਮੁੰਬਈ ਦਾ ਪੰਜਵਾਂ ਅਤੇ ਬੈਂਗਲੁਰੂ ਦਾ ਛੇਵਾਂ ਮੈਚ ਹੋਵੇਗਾ। ਮੁੰਬਈ ਦੇ 4 ਵਿੱਚੋਂ 3 ਹਾਰਾਂ ਅਤੇ ਸਿਰਫ਼ ਇੱਕ ਜਿੱਤ ਤੋਂ ਦੋ ਅੰਕ ਹਨ। ਆਰਸੀਬੀ ਨੇ ਪਿਛਲੇ 5 ਮੈਚਾਂ ‘ਚੋਂ ਸਿਰਫ 1 ਜਿੱਤਿਆ ਅਤੇ ਬਾਕੀ 4 ਮੈਚ ਹਾਰੇ। ਬੈਂਗਲੁਰੂ ਦੇ ਵੀ ਦੋ ਅੰਕ ਹਨ। ਚੰਗੀ ਰਨ ਰੇਟ ਦੇ ਕਾਰਨ, ਮੁੰਬਈ ਅੰਕ ਸੂਚੀ ਵਿੱਚ 8ਵੇਂ ਨੰਬਰ ‘ਤੇ ਹੈ ਅਤੇ ਬੈਂਗਲੁਰੂ 9ਵੇਂ ਨੰਬਰ ‘ਤੇ ਹੈ।