ਚੰਡੀਗੜ੍ਹ, 07 ਮਈ 2024: ਭਾਰਤੀ ਜਨਤਾ ਪਾਰਟੀ ਦੇ ਕੌਮੀ ਜਨਰਲ ਸਕੱਤਰ ਨੇ ਤਰੁਣ ਚੁੱਘ (Tarun Chugh) ਨੇ ਕਿਹਾ ਕਿ ਕਾਂਗਰਸ ਦੇ ਰਾਜ ਦੌਰਾਨ ਰਾਸ਼ਨ ਸੜਦਾ ਰਿਹਾ, ਗਰੀਬਾਂ ਦੇ ਬੱਚੇ ਭੁੱਖੇ ਮਰਦੇ ਰਹੇ ਅਤੇ ਕਾਂਗਰਸ ਅਨਾਜ ਦੇ ਗੁਦਾਮਾਂ ਨੂੰ ਤਾਲੇ ਲਗਾ ਕੇ ਬੈਠ ਜਾਂਦੀ ਸੀ। ਲੋਕ ਨਰਿੰਦਰ ਮੋਦੀ ਨੂੰ ਲੈ ਕੇ ਆਏ ਅਤੇ ਨਰਿੰਦਰ ਮੋਦੀ ਨੇ ਸਾਰੇ ਅਨਾਜ ਗੋਦਾਮਾਂ ਦੇ ਤਾਲੇ ਖੋਲ੍ਹ ਦਿੱਤੇ ਅਤੇ ਅੱਜ ਦੇਸ਼ ਵਿੱਚ ਮੁਫ਼ਤ ਰਾਸ਼ਨ ਦੀ ਸਕੀਮ ਚੱਲ ਰਹੀ ਹੈ।
ਚੁੱਘ ਨੇ ਕਿਹਾ ਕਿ ਦੇਸ਼ ਦੇ ਸੰਵਿਧਾਨ ਦੇ ਨਿਰਮਾਤਾਵਾਂ ਨੇ ਫੈਸਲਾ ਕੀਤਾ ਸੀ ਕਿ ਭਾਰਤ ਵਿੱਚ ਕਦੇ ਵੀ ਧਰਮ ਦੇ ਆਧਾਰ ‘ਤੇ ਰਾਖਵਾਂਕਰਨ ਨਹੀਂ ਦਿੱਤਾ ਜਾਵੇਗਾ ਪਰ ਹੁਣ ਕਾਂਗਰਸ ਸਮੇਤ ਸਮੁੱਚਾ ਇੰਡੀਆ ਗਠਜੋੜ ਪੱਛੜੀਆਂ ਸ਼੍ਰੇਣੀਆਂ ਅਤੇ ਦਲਿਤਾਂ ਦੇ ਰਾਖਵੇਂਕਰਨ ‘ਤੇ ਡਾਕਾ ਮਾਰ ਰਿਹਾ ਹੈ। ਖਾਸ ਵਰਗ ਧਰਮ ਦੇ ਆਧਾਰ ‘ਤੇ ਦੇਣਾ ਚਾਹੁੰਦਾ ਹੈ।
ਚੁੱਘ (Tarun Chugh) ਨੇ ਕਿਹਾ ਕਿ ਸਾਡੀ ਮੋਦੀ ਸਰਕਾਰ ਨੇ ਕਬਾਇਲੀ ਭਰਾਵਾਂ-ਭੈਣਾਂ ਦੀ ਚੜ੍ਹਦੀ ਕਲਾ, ਮਾਣ ਅਤੇ ਸਨਮਾਨ ਲਈ ਪਿਛਲੇ 10 ਸਾਲਾਂ ਵਿੱਚ ਇਮਾਨਦਾਰੀ ਨਾਲ ਯਤਨ ਕੀਤੇ ਹਨ। ਜਨ ਸਭਾ ਵਿੱਚ ਇਕੱਠੀ ਹੋਈ ਜਨਤਾ ਇਸ ਗੱਲ ਦਾ ਸਬੂਤ ਹੈ।
ਚੁੱਘ ਨੇ ਕਿਹਾ ਕਿ ਅੱਜ ਪਾਕਿਸਤਾਨ ਦੇ ਆਗੂ ਕਾਂਗਰਸ ਦੇ ਰਾਜਕੁਮਾਰ ਨੂੰ ਪ੍ਰਧਾਨ ਮੰਤਰੀ ਬਣਾਉਣ ਦੀ ਦੁਆ ਕਰ ਰਹੇ ਹਨ। ਪਰ ਇੱਕ ਮਜ਼ਬੂਤ ਭਾਰਤ ਹੁਣ ਇੱਕ ਮਜ਼ਬੂਤ ਸਰਕਾਰ ਚਾਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਪੂਰਾ ਭਾਰਤ ਕਹਿ ਰਿਹਾ ਹੈ, ਮਜ਼ਬੂਤ ਭਾਰਤ ਲਈ ਮਜ਼ਬੂਤ ਸਰਕਾਰ ਅਤੇ ਮਜ਼ਬੂਤ ਸਰਕਾਰ ਲਈ ਮੋਦੀ ਸਰਕਾਰ।
ਉਨ੍ਹਾਂ ਕਿਹਾ ਕਿ ਨਰਿੰਦਰ ਮੋਦੀ ਗਰੀਬੀ ਦੀ ਜ਼ਿੰਦਗੀ ਜੀ ਕੇ ਆਏ ਹਨ, ਇਸ ਲਈ ਪਿਛਲੇ 10 ਸਾਲਾਂ ਵਿੱਚ ਗਰੀਬ ਕਲਿਆਣ ਲਈ ਹਰ ਯੋਜਨਾ ਦੀ ਪ੍ਰੇਰਨਾ ਮੋਦੀ ਜੀ ਦੇ ਜੀਵਨ ਅਨੁਭਵ ਤੋਂ ਹੈ। ਅੱਜ ਜਦੋਂ ਮੋਦੀ ਜੀ ਲਾਭਪਾਤਰੀਆਂ ਨੂੰ ਮਿਲੇ ਤਾਂ ਉਹ ਖੁਸ਼ੀ ਦੇ ਹੰਝੂ ਵਹਾਏ। ਇਨ੍ਹਾਂ ਹੰਝੂਆਂ ਨੂੰ ਸਿਰਫ਼ ਉਹੀ ਸਮਝ ਸਕਦੇ ਹਨ ਜਿਨ੍ਹਾਂ ਨੇ ਗਰੀਬੀ ਵੇਖੀ ਹੈ, ਜਿਨ੍ਹਾਂ ਨੇ ਦੁੱਖਾਂ ਵਿੱਚ ਆਪਣਾ ਜੀਵਨ ਬਤੀਤ ਕੀਤਾ ਹੈ।
ਚੁੱਘ ਨੇ ਕਿਹਾ ਕਿ ਜਿੱਥੇ ਸਰਕਾਰਾਂ ਭ੍ਰਿਸ਼ਟ ਹੋਣ, ਉੱਥੇ ਬਜਟ ਭਾਵੇਂ ਕੋਈ ਵੀ ਹੋਵੇ, ਵਿਕਾਸ ਸੰਭਵ ਨਹੀਂ ਹੁੰਦਾ। ਪੰਜਾਬ ਵੀ ਇਸੇ ਸਥਿਤੀ ਵਿੱਚੋਂ ਲੰਘ ਰਿਹਾ ਹੈ, ਟਾਰਗੇਟ ਕਿਲਿੰਗ ਹੋ ਰਹੀਆਂ ਹਨ। ਮਾਫ਼ੀਆ ਸਰਗਰਮ ਹੈ। ਵਿੱਤੀ ਕਰਜ਼ਾ ਲਗਾਤਾਰ ਵਧ ਰਿਹਾ ਹੈ। ਸਰਕਾਰ ਗੂੜ੍ਹੀ ਨੀਂਦ ਵਿੱਚ ਸੁੱਤੀ ਹੈ।
