ਚੰਡੀਗੜ੍ਹ, 30 ਜਨਵਰੀ 2025: Ranji Trophy News: ਰਣਜੀ ਟਰਾਫੀ 2024-25 ‘ਚ ਗਰੁੱਪ ਦੌਰ ਦਾ ਆਖਰੀ ਮੈਚ ਅੱਜ ਤੋਂ ਸ਼ੁਰੂ ਹੋਵੇਗਾ। ਵਿਰਾਟ ਕੋਹਲੀ ਇਸ ਦੌਰ ‘ਚ ਖੇਡ ਰਹੇ ਹਨ ਅਤੇ ਇਸੇ ਕਰਕੇ ਉਨ੍ਹਾਂ ਦੀ ਸਭ ਤੋਂ ਵੱਧ ਚਰਚਾ ਹੋ ਰਹੀ ਹੈ। ਵਿਰਾਟ 2012 ਤੋਂ ਬਾਅਦ ਦਿੱਲੀ ਲਈ ਰਣਜੀ ਖੇਡ ਰਹੇ ਹਨ। ਉਨਾਂ ਦੀ ਟੀਮ ਅਰੁਣ ਜੇਤਲੀ ਸਟੇਡੀਅਮ ‘ਚ ਦਿੱਲੀ ਦਾ ਸਾਹਮਣਾ ਕਰੇਗੀ। ਇਸ ਤੋਂ ਇਲਾਵਾ ਕੇਐਲ ਰਾਹੁਲ, ਸ਼ੁਭਮਨ ਗਿੱਲ, ਮੁਹੰਮਦ ਸਿਰਾਜ ਅਤੇ ਕੁਲਦੀਪ ਯਾਦਵ ਵੀ ਐਕਸ਼ਨ ‘ਚ ਨਜ਼ਰ ਆਉਣਗੇ।
ਹੁਣ ਤੱਕ ਉਪੇਂਦਰ ਯਾਦਵ 43 ਅਤੇ ਕਰਨ ਸ਼ਰਮਾ 26 ਦੌੜਾਂ ਬਣਾ ਕੇ ਨਾਬਾਦ ਹਨ। ਦਿੱਲੀ ਦੇ ਗੇਂਦਬਾਜ਼ਾਂ ਨੇ ਰੇਲਵੇ ਦੀਆਂ ਪੰਜ ਵਿਕਟਾਂ ਲਈਆਂ ਹਨ। ਕਰਨਾਟਕ ਦੇ ਕਪਤਾਨ ਮਯੰਕ ਅਗਰਵਾਲ ਨੇ ਹਰਿਆਣਾ ਵਿਰੁੱਧ ਏਲੀਟ ਗਰੁੱਪ ਸੀ ਮੈਚ ‘ਚ ਆਪਣੇ ਘਰੇਲੂ ਦਰਸ਼ਕਾਂ ਦੇ ਸਾਹਮਣੇ ਅਰਧ ਸੈਂਕੜਾ ਜੜਿਆ ਹੈ। ਸਟਾਰ ਬੱਲੇਬਾਜ਼ ਕੇਐਲ ਰਾਹੁਲ ਵੀ ਉਸਦਾ ਚੰਗਾ ਸਾਥ ਦੇ ਰਹੇ ਹਨ।
ਦਿੱਲੀ ਅਤੇ ਰੇਲਵੇ ਵਿਚਾਲੇ ਮੈਚ ਲਈ ਪਹਿਲੇ ਦਿਨ ਦੁਪਹਿਰ ਦੇ ਖਾਣੇ ਵੇਲੇ ਰੇਲਵੇ 87/5 ‘ਤੇ ਹੈ। ਕਰਨ ਸ਼ਰਮਾ ਉਪੇਂਦਰ ਯਾਦਵ ਦੇ ਨਾਲ ਕ੍ਰੀਜ਼ ‘ਤੇ ਹਨ। ਪਹਿਲੇ ਸੈਸ਼ਨ ‘ਚ 27 ਓਵਰ ਖੇਡੇ ਗਏ। ਸਿਧਾਂਤ ਸ਼ਰਮਾ ਅਤੇ ਮਨੀ ਗਰੇਵਾਲ ਨੇ 2-2 ਵਿਕਟਾਂ ਲਈਆਂ ਹਨ। ਤੇਜ਼ ਗੇਂਦਬਾਜ਼ ਨਵਦੀਪ ਸੈਣੀ ਨੇ ਇੱਕ ਵਿਕਟ ਲਈ।
ਇਸ ਤੋਂ ਇਲਾਵਾ, ਮੁੰਬਈ ਬਨਾਮ ਮੇਘਾਲਿਆ ਮੈਚ ਅਤੇ ਵਿਦਰਭ ਬਨਾਮ ਹੈਦਰਾਬਾਦ ਮੈਚ (Ranji Trophy) ਸਭ ਤੋਂ ਰੋਮਾਂਚਕ ਹੋਣ ਵਾਲੇ ਹਨ। ਮੁੰਬਈ ਦੇ ਤੇਜ਼ ਗੇਂਦਬਾਜ਼ ਸ਼ਾਰਦੁਲ ਠਾਕੁਰ ਨੇ ਰਣਜੀ ਟਰਾਫੀ ‘ਚ ਹੈਟ੍ਰਿਕ ਲਈ ਹੈ। ਉਨ੍ਹਾਂ ਨੇ ਮੇਘਾਲਿਆ ਵਿਰੁੱਧ ਆਪਣੇ ਦੂਜੇ ਓਵਰ ‘ਚ ਇਹ ਉਪਲਬਧੀ ਹਾਸਲ ਕੀਤੀ। ਸ਼ਾਰਦੁਲ ਨੇ ਪਾਰੀ ਦੇ ਤੀਜੇ ਓਵਰ ਦੀਆਂ ਆਖਰੀ ਤਿੰਨ ਗੇਂਦਾਂ ‘ਤੇ ਤਿੰਨ ਵਿਕਟਾਂ ਲਈਆਂ। ਉਹ ਰਣਜੀ ਟਰਾਫੀ ‘ਚ ਹੈਟ੍ਰਿਕ ਲੈਣ ਵਾਲਾ ਮੁੰਬਈ ਦਾ 5ਵਾਂ ਗੇਂਦਬਾਜ਼ ਹੈ। ਇਸ ਮੈਚ ‘ਚ ਇੱਕ ਸਮੇਂ ਮੇਘਾਲਿਆ ਦਾ ਸਕੋਰ 2 ਦੌੜਾਂ ਦੇ ਨੁਕਸਾਨ ‘ਤੇ 6 ਵਿਕਟਾਂ ਸੀ।
Read More: Ranji Trophy: ਵਿਰਾਟ ਕੋਹਲੀ ਦੀ 12 ਸਾਲਾਂ ਬਾਅਦ ਰਣਜੀ ਟਰਾਫੀ ‘ਚ ਵਾਪਸੀ
