ਚੰਡੀਗੜ, 01 ਮਈ 2025: Raid 2 Movie Review and Release updates: ਅਜੇ ਦੇਵਗਨ ਦੀ ਸਭ ਤੋਂ ਉਡੀਕੀ ਜਾ ਰਹੀ ਫਿਲਮ ‘ਰੇਡ 2’, ਜਿਸਦਾ ਫੈਨਜ਼ ਲੰਮੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਸਨ, ਅੱਜ ਰੇਡ 2 ਫਿਲਮ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋ ਚੁੱਕੀ ਹੈ। ਸਵੇਰ ਤੋਂ ਹੀ ਫਿਲਮ ਰੇਡ 2 ਨੂੰ ਚੰਗੇ ਰਿਵਿਊ ਮਿਲਣੇ ਸ਼ੁਰੂ ਹੋ ਗਏ ਹਨ। ਫਿਲਮ ‘ਚ ਰਿਤੇਸ਼ ਦੇਸ਼ਮੁਖ ਦੇ ਕਿਰਦਾਰ ਨੂੰ ਵੀ ਸ਼ਾਨਦਾਰ ਢੰਗ ਨਾਲ ਦਿਖਾਇਆ ਗਿਆ ਹੈ। ਇਸ ਤੋਂ ਇਲਾਵਾ ਸੰਜੇ ਦੱਤ ਅਤੇ ਮੌਨੀ ਰਾਏ ਦੀ ਫਿਲਮ ‘ਭੂਤਨੀ’ ਵੀ ਅੱਜ ਰਿਲੀਜ਼ ਹੋਈ ਹੈ। ਬਾਕਸ ਆਫਿਸ ‘ਤੇ ਦੋਵਾਂ ਵਿਚਕਾਰ ਬਹੁਤ ਵੱਡਾ ਮੁਕਾਬਲਾ ਹੋਣ ਵਾਲਾ ਹੈ। ਦੋਵਾਂ ਫਿਲਮਾਂ ‘ਚ ਸ਼ਾਨਦਾਰ ਕਲਾਕਾਰਾਂ ਨੂੰ ਕਾਸਟ ਕੀਤਾ ਗਿਆ ਹੈ।
ਜਿਕਰਯੋਗ ਹੈ ਕਿ ਰੇਡ 2 ਫਿਲਮ (Raid 2) ਦੀ ਐਡਵਾਂਸ ਬੁਕਿੰਗ ਕੁਝ ਦਿਨ ਪਹਿਲਾਂ ਸ਼ੁਰੂ ਗਈ ਸੀ ਅਤੇ ਰਿਲੀਜ਼ ਹੁੰਦਿਆਂ ਹੀ ਫਿਲਮ ਨੇ ਚੰਗਾ ਕਲੈਕਸ਼ਨ ਕਰ ਲਿਆ ਹੈ। ਸੈਕਾਨਿਲਕ ਦੇ ਮੁਤਾਬਕ ‘ਰੈੱਡ 2’ ਨੇ ਦੇਸ਼ ਭਰ ‘ਚ 1.5 ਲੱਖ ਟਿਕਟਾਂ ਵੇਚੀਆਂ ਹਨ, ਜਿਸ ਨਾਲ ਐਡਵਾਂਸ ਬੁਕਿੰਗ ਦੇ ਪਹਿਲੇ ਦਿਨ 4.3 ਕਰੋੜ ਰੁਪਏ ਦੀ ਕਮਾਈ ਹੋਈ ਹੈ। ਇਸ ਡੇਟਾ ‘ਚ ਬਲਾਕ ਸੀਟਾਂ ਸ਼ਾਮਲ ਨਹੀਂ ਹਨ।
ਬਲਾਕ ਸੀਟਾਂ ਨੂੰ ਸ਼ਾਮਲ ਕਰਦਿਆਂ ਫਿਲਮ ਨੇ ਐਡਵਾਂਸ ਬੁਕਿੰਗ ‘ਚ 7.2 ਕਰੋੜ ਰੁਪਏ ਕਮਾਏ ਹਨ। ਇਹ ਅੰਕੜੇ ਬੁੱਧਵਾਰ, 30 ਅਪ੍ਰੈਲ ਰਾਤ 8 ਵਜੇ ਤੱਕ ਦੇ ਹਨ। ਰਿਪੋਰਟਾਂ ਮੁਤਾਬਕ ਰੇਡ 2 ਦੇਸ਼ ਭਰ ‘ਚ 3500 ਤੋਂ ਵੱਧ ਸਕ੍ਰੀਨਾਂ ‘ਤੇ ਰਿਲੀਜ਼ ਹੋ ਚੁੱਕੀ ਹੈ।
ਸੋਸ਼ਲ ਮੀਡੀਆ ‘ਤੇ ਰੀਅਲ ਬਾਕਸ ਆਫਿਸ ਰਿਪੋਰਟ ਦੇ ਮੁਤਾਬਕ ਫਿਲਮ ਨੇ ਹੁਣ ਤੱਕ 17 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ। ਰੀਅਲ ਬਾਕਸ ਆਫਿਸ ਦੇ ਐਕਸ ਹੈਂਡਲ ਨੇ ਲਿਖਿਆ, “ਰੇਡ2 ਹੁਣ 17.00 ਕਰੋੜ ਦੀ ਓਪਨਿੰਗ ਵੱਲ ਵਧ ਰਿਹਾ ਹੈ ਅਤੇ ਇਹ ਇਸ ਸ਼ੈਲੀ ਦੀ ਫਿਲਮ ਲਈ ਸ਼ਾਨਦਾਰ ਹੈ।”
ਕਮਾਲ ਆਰ ਖਾਨ ਯਾਨੀ ਕੇਆਰਕੇ ਨੇ ਟਵੀਟ ਕਰਕੇ ‘ਰੈੱਡ 2′ ਦੇ ਪਹਿਲੇ ਦਿਨ ਦੀ ਭਵਿੱਖਬਾਣੀ ਸਾਂਝੀ ਕੀਤੀ ਸੀ। ਉਨ੍ਹਾਂ ਨੇ ਲਿਖਿਆ ਸੀ ਕਿ ਸਰਵੇਖਣ ਦੇ ਨਤੀਜੇ ਮੁਤਾਬਕ 48 ਫੀਸਦੀ ਲੋਕ ਫਿਲਮ Raid 2 ਦੇਖਣਾ ਪਸੰਦ ਕਰਨਗੇ, ਮਤਲਬ ਕਿ ਫਿਲਮ ਨੂੰ 12-15 ਕਰੋੜ ਰੁਪਏ ਦੀ ਚੰਗੀ ਓਪਨਿੰਗ ਮਿਲੇਗੀ’ ਅਤੇ ਲਾਈਫ ਟਾਈਮ ਕਾਰੋਬਾਰ 100 ਕਰੋੜ ਰੁਪਏ ਤੋਂ ਵੱਧ ਦਾ ਹੋ ਸਕਦਾ ਹੈ|
ਦਰਸ਼ਕ ‘ਰੇਡ 2’ ਨੂੰ ‘ਦਿ ਭੂਤਨੀ’ ਨਾਲੋਂ ਬਿਹਤਰ ਸਮੀਖਿਆਵਾਂ ਮਿਲਣ ਦੀ ਉਮੀਦ ਕਰ ਰਹੇ ਸਨ ਪਰ ਜਿਵੇਂ-ਜਿਵੇਂ ਦਿਨ ਬੀਤ ਰਹੇ ਹਨ, ਇਹ ਸਪੱਸ਼ਟ ਹੁੰਦਾ ਜਾ ਰਿਹਾ ਹੈ ਕਿ ਅਸਲ ‘ਚ ਕਿਹੜੀ ਫਿਲਮ ਬਿਹਤਰ ਹੈ। ਲੋਕ ‘ਦਿ ਭੂਤਨੀ’ ਦੀ ਬਹੁਤ ਪ੍ਰਸ਼ੰਸਾ ਕਰ ਰਹੇ ਹਨ।
ਰੇਡ 2 (Raid 2) ਪਹਿਲੇ ਦਿਨ ਆਪਣਾ ਜਾਦੂ ਬਖੇਰ ਰਹੀ ਹੈ। ਇਸ ਫਿਲਮ ਨੂੰ ਸੋਸ਼ਲ ਮੀਡੀਆ ‘ਤੇ ਚੰਗੀ ਪ੍ਰਤੀਕਿਰਿਆ ਮਿਲ ਰਹੀ ਹੈ। ਇੱਕ ਯੂਜ਼ਰ ਨੇ ਕਿਹਾ ਹੈ ਕਿ ਇਹ ਸ਼ਕਤੀਸ਼ਾਲੀ ਹੈ। ਦਰਸ਼ਕ ਕਹਿ ਰਹੇ ਹਨ ਕਿ ਇਹ ਫਿਲਮ ਫੂੱਲ ਪੈਸੇ ਵਸੂਲ ਵਾਲੀ ਹੈ। ਫਿਲਮ ਦੀ ਕਹਾਣੀ, ਅਦਾਕਾਰੀ ਅਤੇ ਨਿਰਦੇਸ਼ਨ ਸਭ ਦੀ ਪ੍ਰਸ਼ੰਸਾ ਹੋ ਰਹੀ ਹੈ।
‘ਰੈੱਡ 2’ ਨੂੰ ਲੈ ਕੇ ਮਿਲੀ-ਜੁਲੀ ਪ੍ਰਤੀਕਿਰਿਆਵਾਂ ਸਾਹਮਣੇ ਆ ਰਹੀਆਂ ਹਨ। ਕੁਝ ਲੋਕ ਇਸਦੀ ਪ੍ਰਸ਼ੰਸਾ ਕਰਦੇ ਨਹੀਂ ਥੱਕ ਰਹੇ ਹਨ ਜਦੋਂ ਕਿ ਕੁਝ ਇਸ ਦੀਆਂ ਕਮੀਆਂ ਨੂੰ ਸੂਚੀਬੱਧ ਕਰ ਰਹੇ ਹਨ। ਹੁਣ X ‘ਤੇ ਇੱਕ ਯੂਜ਼ਰ ਨੇ ਲਿਖਿਆ ਹੈ ਕਿ ਫਿਲਮ ਦੀ ਕਹਾਣੀ ਚੰਗੀ ਹੈ ਪਰ ਇਸਦਾ ਅਮਲ ਮਾੜਾ ਹੈ।
Read More: The Family Man 3: ਜੈਦੀਪ ਅਹਲਾਵਤ ਨੇ ‘ਦਿ ਫੈਮਿਲੀ ਮੈਨ ਸੀਜ਼ਨ 3’ ਬਾਰੇ ਦਿੱਤੀ ਅਪਡੇਟ
