ਚੰਡੀਗੜ੍ਹ, 08 ਸਤੰਬਰ 2023: ਰਾਹੁਲ ਗਾਂਧੀ (Rahul Gandhi) ਲਗਭਗ ਇੱਕ ਹਫ਼ਤੇ ਲਈ ਯੂਰਪ ਦੌਰੇ ‘ਤੇ ਹਨ, ਆਪਣੇ ਦੌਰੇ ਦੇ ਦੂਜੇ ਦਿਨ ਉਨ੍ਹਾਂ ਨੇ ਬ੍ਰਸੇਲਜ਼ ਪ੍ਰੈਸ ਕਲੱਬ ਵਿਖੇ ਪੱਤਰਕਾਰਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਅਮਰੀਕਾ, ਯੂਰਪ ਅਤੇ ਭਾਰਤ ਨੂੰ ਚੀਨ ਦੇ ਉਤਪਾਦਨ ਮਾਡਲ ਦੇ ਲਈ ਇੱਕ ਵਿਕਲਪੀ ਮਾਡਲ ਬਣਾਉਣ ਦੀ ਲੋੜ ਹੈ।
ਬ੍ਰਸੇਲਜ਼ ਦੇ ਪ੍ਰੈੱਸ ਕਲੱਬ ‘ਚ ਰਾਹੁਲ ਗਾਂਧੀ ਨੇ ਕਿਹਾ ਕਿ ਇਸ ਸਮੇਂ ਭਾਰਤ ‘ਚ ਮਹਾਤਮਾ ਗਾਂਧੀ ਅਤੇ ਨੱਥੂਰਾਮ ਗੋਡਸੇ ਦੇ ਵਿਜ਼ਨ ‘ਚ ਲੜਾਈ ਚੱਲ ਰਹੀ ਹੈ। ਲੋਕਤੰਤਰ ਅਤੇ ਸੰਸਥਾਵਾਂ ‘ਤੇ ਹਮਲੇ ਹੋ ਰਹੇ ਹਨ। ਹਿੰਸਾ-ਵਿਤਕਰੇ ਵਿਚ ਵਾਧਾ ਹੋਇਆ ਹੈ। ਘੱਟ ਗਿਣਤੀਆਂ, ਦਲਿਤਾਂ, ਆਦਿਵਾਸੀਆਂ ਅਤੇ ਨੀਵੀਆਂ ਜਾਤਾਂ ‘ਤੇ ਹਮਲੇ ਹੋ ਰਹੇ ਹਨ।
ਰਾਹੁਲ ਗਾਂਧੀ (Rahul Gandhi) ਆਪਣੇ ਯੂਰਪ ਦੌਰੇ ਦੌਰਾਨ ਉਹ ਯੂਰਪੀਅਨ ਯੂਨੀਅਨ (ਈਯੂ) ਦੇ ਸੰਸਦ ਮੈਂਬਰਾਂ, ਵਿਦਿਆਰਥੀਆਂ ਅਤੇ ਭਾਰਤੀ ਪ੍ਰਵਾਸੀਆਂ ਨਾਲ ਮੀਟਿੰਗਾਂ ਕਰਨਗੇ। ਕਾਂਗਰਸ ਆਗੂ ਨੇ ਕਿਹਾ, ਚੀਨ ਗ੍ਰਹਿ ਦਾ ਵਿਸ਼ੇਸ਼ ਦ੍ਰਿਸ਼ ਪੇਸ਼ ਕਰ ਰਿਹਾ ਹੈ। ਉਹ ਬੈਲਟ ਐਂਡ ਰੋਡ ਇਨੀਸ਼ੀਏਟਿਵ (ਬੀਆਰਆਈ) ਦਾ ਵਿਚਾਰ ਮੇਜ਼ ‘ਤੇ ਰੱਖ ਰਿਹਾ ਹੈ। ਅਜਿਹਾ ਕਰਨ ਦਾ ਇੱਕ ਕਾਰਨ ਇਹ ਹੈ ਕਿ ਇਹ ਵਿਸ਼ਵ ਉਤਪਾਦਨ ਦਾ ਕੇਂਦਰ ਬਣ ਗਿਆ ਹੈ।
ਰਾਹੁਲ ਨੇ ਕਿਹਾ ਕਿ ਭਾਜਪਾ ਸਰਕਾਰ ਇੰਡੀਆ ਗਠਜੋੜ ਤੋਂ ਘਬਰਾਈ ਹੋਈ ਹੈ। ਅਸੀਂ ਭਾਰਤ ਦੀ ਆਵਾਜ਼ ਹਾਂ। ਪ੍ਰਧਾਨ ਮੰਤਰੀ ਇਸ ਗੱਲ ਤੋਂ ਡਰੇ ਹੋਏ ਹਨ, ਇਸੇ ਲਈ ਉਹ ਦੇਸ਼ ਦਾ ਨਾਂ ਬਦਲਣਾ ਚਾਹੁੰਦੇ ਹਨ। ਇਹ ਸਾਰਾ ਮਾਮਲਾ ਅਡਾਨੀ ‘ਤੇ ਮੇਰੀ ਪ੍ਰੈੱਸ ਕਾਨਫਰੰਸ ਤੋਂ ਬਾਅਦ ਹੋਇਆ, ਤਾਂ ਜੋ ਦੇਸ਼ ਦਾ ਧਿਆਨ ਇਸ ਪਾਸੇ ਤੋਂ ਹਟਾਇਆ ਜਾ ਸਕੇ।
