ਦੇਸ਼, 29 ਦਸੰਬਰ 2025: Vijay Hazare Trophy 2025-26: ਵਿਜੇ ਹਜ਼ਾਰੇ ਟਰਾਫੀ ਦੇ ਤੀਜੇ ਦੌਰ ਦੇ ਮੈਚ ਸੋਮਵਾਰ ਨੂੰ ਛੇ ਵੱਖ-ਵੱਖ ਥਾਵਾਂ ‘ਤੇ ਖੇਡੇ ਜਾ ਰਹੇ ਹਨ। ਇਨ੍ਹਾਂ ‘ਚ ਅਹਿਮਦਾਬਾਦ, ਰਾਜਕੋਟ, ਸੌਰਾਸ਼ਟਰ, ਜੈਪੁਰ, ਅਲੂਰ, ਬੰਗਲੁਰੂ ਅਤੇ ਰਾਂਚੀ ਸ਼ਾਮਲ ਹਨ। ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਇਸ ਦੌਰ ‘ਚ ਨਹੀਂ ਖੇਡ ਰਹੇ ਹਨ।
ਜੈਪੁਰ ‘ਚ ਪੰਜਾਬ ਨੇ ਉੱਤਰਾਖੰਡ ਨੂੰ 270 ਦੌੜਾਂ ਦਾ ਟੀਚਾ ਦਿੱਤਾ। ਟੀਮ ਨੇ 50 ਓਵਰਾਂ ‘ਚ 8 ਵਿਕਟਾਂ ‘ਤੇ 269 ਦੌੜਾਂ ਬਣਾਈਆਂ। ਸਲਿਲ ਅਰੋੜਾ ਨੇ 65 ਦੌੜਾਂ ਬਣਾਈਆਂ। ਇਸ ਦੌਰਾਨ, ਮੁੰਬਈ ਨੇ ਛੱਤੀਸਗੜ੍ਹ ਨੂੰ 38.1 ਓਵਰਾਂ ‘ਚ 142 ਦੌੜਾਂ ‘ਤੇ ਆਊਟ ਕਰ ਦਿੱਤਾ। ਸ਼ਮਸ ਮੁਲਾਨੀ ਨੇ 5 ਵਿਕਟਾਂ ਅਤੇ ਕਪਤਾਨ ਸ਼ਾਰਦੁਲ ਠਾਕੁਰ ਨੇ 4 ਵਿਕਟਾਂ ਲਈਆਂ। ਕਪਤਾਨ ਅਮਨਦੀਪ ਖਰੇ ਨੇ 63 ਦੌੜਾਂ ਬਣਾਈਆਂ।
ਇੱਥੇ ਰਾਜਕੋਟ ‘ਚ ਉੱਤਰ ਪ੍ਰਦੇਸ਼ ਨੇ ਬੜੌਦਾ ਵਿਰੁੱਧ 45.4 ਓਵਰਾਂ ‘ਚ 4 ਵਿਕਟਾਂ ‘ਤੇ 304 ਦੌੜਾਂ ਬਣਾਈਆਂ। ਧਰੁਵ ਜੁਰੇਲ ਸੈਂਕੜੇ ‘ਤੇ ਬੱਲੇਬਾਜ਼ੀ ਕਰ ਰਿਹਾ ਹੈ। ਰਿੰਕੂ ਸਿੰਘ 62 ਦੌੜਾਂ ਬਣਾ ਕੇ ਆਊਟ ਹੋਇਆ। ਦੋਵਾਂ ਨੇ 120 ਗੇਂਦਾਂ ‘ਤੇ 131 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।
ਵਿਜੇ ਹਜ਼ਾਰੇ ਟਰਾਫੀ ਦਾ ਤੀਜਾ ਮੈਚ ਸੋਮਵਾਰ ਨੂੰ ਹਿਮਾਚਲ ਪ੍ਰਦੇਸ਼ ਅਤੇ ਮਹਾਰਾਸ਼ਟਰ ਵਿਚਾਲੇ ਜੈਪੁਰ ਦੇ ਸਵਾਈ ਮਾਨਸਿੰਘ ਸਟੇਡੀਅਮ ‘ਚ ਖੇਡਿਆ ਜਾ ਰਿਹਾ ਹੈ। ਮਹਾਰਾਸ਼ਟਰ ਦੇ ਓਪਨਰ ਅਤੇ ਭਾਰਤੀ ਕ੍ਰਿਕਟਰ ਪ੍ਰਿਥਵੀ ਸ਼ਾਅ ਦੇ ਫੀਲਡਿੰਗ ਕਰਦੇ ਸਮੇਂ ਹੱਥ ‘ਚ ਸੱਟ ਲੱਗ ਗਈ।
ਸੌਰਾਸ਼ਟਰ ਨੇ ਦਿੱਲੀ ਨੂੰ 321 ਦੌੜਾਂ ਦਾ ਟੀਚਾ ਦਿੱਤਾ। ਟੀਮ ਨੇ 50 ਓਵਰਾਂ ‘ਚ 7 ਵਿਕਟਾਂ ‘ਤੇ 320 ਦੌੜਾਂ ਬਣਾਈਆਂ। ਵਿਸ਼ਵਰਾਜ ਸਿੰਘ ਜਡੇਜਾ ਨੇ 115 ਦੌੜਾਂ ਬਣਾਈਆਂ। ਰੁਚਿਤ ਅਹੀਰ 95 ਦੌੜਾਂ ਬਣਾ ਕੇ ਨਾਬਾਦ ਰਹੇ।
ਰਾਜਕੋਟ ਦੇ ਵਿਕਟਕੀਪਰ-ਬੱਲੇਬਾਜ਼ ਧਰੁਵ ਜੁਰੇਲ ਨੇ ਬੜੌਦਾ ਖ਼ਿਲਾਫ਼ ਮੈਚ ‘ਚ ਸੈਂਕੜਾ ਲਗਾਇਆ। ਰਿੰਕੂ ਸਿੰਘ 62 ਦੌੜਾਂ ਬਣਾ ਕੇ ਆਊਟ ਹੋਏ। ਦੋਵਾਂ ਨੇ ਸੈਂਕੜਾ ਸਾਂਝੇਦਾਰੀ ਵੀ ਕੀਤੀ। ਉੱਤਰ ਪ੍ਰਦੇਸ਼ ਨੇ ਬੜੌਦਾ ਖ਼ਿਲਾਫ਼ 45.4 ਓਵਰਾਂ ‘ਚ 4 ਵਿਕਟਾਂ ‘ਤੇ 304 ਦੌੜਾਂ ਬਣਾਈਆਂ।
Read More: AUS ਬਨਾਮ ENG: ਇੰਗਲੈਂਡ ਦੀ ਪਹਿਲੀ ਪਾਰੀ 110 ਦੌੜਾਂ ‘ਤੇ ਸਮਾਪਤ, ਆਸਟ੍ਰੇਲੀਆ ਕੋਲ 42 ਦੌੜਾਂ ਦੀ ਬੜ੍ਹਤ
