ਚੰਡੀਗੜ੍ਹ, 11 ਜੂਨ 2024: ਜਲੰਧਰ ਪੱਛਮੀ (ਐਸ.ਸੀ) ਦੀ ਜ਼ਿਮਨੀ ਚੋਣ ਲਈ 10 ਜੁਲਾਈ ਨੂੰ ਵੋਟਾਂ ਪੈਣਗੀਆਂ। ਇਸ ਬਾਬਤ ਭਾਰਤੀ ਚੋਣ ਕਮਿਸ਼ਨ ਵੱਲੋਂ ਚੋਣ ਪ੍ਰੋਗਰਾਮ ਜਾਰੀ ਕਰ ਦਿੱਤਾ ਗਿਆ ਹੈ। ਇਸਦੇ ਨਾਲ ਹੀ ਪੰਜਾਬ ਦੇ ਚਾਰ ਵਿਧਾਇਕਾਂ (Punjab MLA) ਨੂੰ 20 ਜੂਨ ਤੱਕ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇਣਾ ਪਵੇਗਾ |
ਇਨ੍ਹਾਂ ਚਾਰ ਵਿਧਾਇਕਾਂ (Punjab MLA) ‘ਚ ਗੁਰਮੀਤ ਸਿੰਘ ਮੀਤ ਹੇਅਰ (ਵਿਧਾਨ ਸਭਾ ਹਲਕਾ-ਬਰਨਾਲਾ ), ਡਾ. ਰਾਜ ਕੁਮਾਰ ਚੱਬੇਵਾਲ (ਵਿਧਾਨ ਸਭਾ ਹਲਕਾ-ਚੱਬੇਵਾਲ ), ਅਮਰਿੰਦਰ ਸਿੰਘ ਰਾਜਾ ਵੜਿੰਗ (ਵਿਧਾਨ ਸਭਾ ਹਲਕਾ-ਗਿੱਦੜਬਾਹਾ) ਅਤੇ ਸੁਖਜਿੰਦਰ ਸਿੰਘ ਰੰਧਾਵਾ (ਵਿਧਾਨ ਸਭਾ ਹਲਕਾ-ਡੇਰਾ ਬਾਬਾ ਨਾਨਕ ) ਸ਼ਾਮਲ ਹਨ | ਕਿਉਂਕਿ ਇਹ ਚਾਰ ਵਿਧਾਇਕ ਲੋਕਮ ਸਭਾ ਚੋਣਾਂ ‘ਚ ਜਿੱਤ ਚੁੱਕੇ ਹਨ ਅਤੇ ਸੰਸਦ ਮੈਂਬਰ ਬਣੇ ਹਨ |