24 ਨਵੰਬਰ 2024: ਲੋੜੀਂਦੀ ਮੁਰੰਮਤ ਦੇ ਮੱਦੇਨਜ਼ਰ ਸ਼ਹਿਰ (city) ਦੇ ਵੱਖ-ਵੱਖ ਸਬ-ਸਟੇਸ਼ਨਾਂ ਅਧੀਨ ਪੈਂਦੇ ਫੀਡਰਾਂ ਦੀ ਮੁਰੰਮਤ ਦਾ ਕੰਮ 24 ਨਵੰਬਰ ਨੂੰ ਕੀਤਾ ਜਾ ਰਿਹਾ ਹੈ, ਜਿਸ ਕਾਰਨ ਦਰਜਨਾਂ ਇਲਾਕਿਆਂ ਵਿੱਚ ਬਿਜਲੀ ਸਪਲਾਈ (power supply) ਬੰਦ ਰੱਖੀ ਜਾਵੇਗੀ। ਇਸ ਲੜੀ ਤਹਿਤ 66 ਕੇ.ਵੀ. ਮਕਸੂਦਾਂ ਦੇ 11 ਕੇ.ਵੀ. ਆਊਟਗੋਇੰਗ (outgoing) ਫੀਡਰਾਂ ਦੀ ਸਪਲਾਈ ਸਵੇਰੇ 9 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ ਬੰਦ ਰਹੇਗੀ, ਜਿਸ ਕਾਰਨ ਭਗਤ ਸਿੰਘ ਕਲੋਨੀ, ਮੋਤੀ ਨਗਰ, ਸਬਜ਼ੀ ਮੰਡੀ, ਸ਼ੀਤਲ ਨਗਰ, ਸ਼ਾਂਤੀ ਵਿਹਾਰ, ਨਾਗਰਾ, ਰਤਨਾ ਨਗਰ, ਸ਼ਹੀਦ ਬਾਬੂ ਲਾਭ ਸਿੰਘ ਨਗਰ ਅਤੇ ਆਸ-ਪਾਸ ਦੇ ਇਲਾਕੇ ਪ੍ਰਭਾਵਿਤ ਹੋਣਗੇ।
ਇਨ੍ਹਾਂ ਸਬ-ਸਟੇਸ਼ਨਾਂ ਦੇ ਫੀਡਰਾਂ ਦੀ ਮੁਰੰਮਤ ਕਰਕੇ ਦੁਪਹਿਰ 1 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਮਕਸੂਦਾਂ, ਜਨਤਾ ਕਲੋਨੀ, ਰਵਿਦਾਸ ਨਗਰ, ਈਸ਼ਾ ਨਗਰ, ਵੇਰਕਾ ਮਿਲਕ ਪਲਾਂਟ, ਟੈਗੋਰ ਪਾਰਕ, ਗ੍ਰੇਟਰ ਕੈਲਾਸ਼, ਸੇਠ ਹੁਕਮ ਚੰਦ ਕਲੋਨੀ, ਫਰੈਂਡਜ਼ ਕਲੋਨੀ, ਰਾਇਲ ਐਨਕਲੇਵ ਅਤੇ ਆਲੇ-ਦੁਆਲੇ ਦੇ ਖੇਤਰ ਪ੍ਰਭਾਵਿਤ ਹੋਣਗੇ।
66 ਕੇ.ਵੀ ਬਬਰੀਕ ਚੌਕ ਸਬ ਸਟੇਸ਼ਨ ਤੋਂ ਚੱਲਦੇ 11 ਕੇ.ਵੀ. ਬਸਤੀ ਗੁਜਾਨ, ਜੁਲਕਾ ਅਸਟੇਟ, ਸ਼ਿਵਾਜੀ ਨਗਰ ਅਤੇ ਮਾਰਕੀਟ, ਬਸਤੀ ਦਾਨਿਸ਼ਮੰਡਾ, ਗਰੋਵਰ ਕਲੋਨੀ ਫੀਡਰਾਂ ਅਧੀਨ ਆਉਂਦੇ ਖੇਤਰਾਂ ਨੂੰ ਸਪਲਾਈ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਬੰਦ ਰਹੇਗੀ। ਗਾਜ਼ੀਪੁਰ ਫੀਡਰ ਅਧੀਨ ਆਉਂਦੇ ਇਲਾਕਿਆਂ ਨੂੰ ਸਪਲਾਈ ਸਵੇਰੇ 10 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬੰਦ ਰਹੇਗੀ।
66 ਕੇ.ਵੀ ਸਰਜੀਕਲ ਕੰਪਲੈਕਸ ਤੋਂ ਚੱਲ ਰਹੇ 11 ਕੇ.ਵੀ. ਵਰਿਆਣਾ 1-2, ਸਤਲੁਜ ਅਤੇ ਨੀਲਕਮਲ ਫੀਡਰਾਂ ਦੀ ਸਪਲਾਈ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਬੰਦ ਰਹੇਗੀ, ਜਿਸ ਨਾਲ ਲੈਦਰ ਕੰਪਲੈਕਸ, ਸਰਜੀਕਲ ਕੰਪਲੈਕਸ, ਪੰਨੂੰ ਫਾਰਮ, ਵਰਿਆਣਾ ਅਤੇ ਆਸਪਾਸ ਦੇ ਖੇਤਰ ਪ੍ਰਭਾਵਿਤ ਹੋਣਗੇ।
