ਚੰਡੀਗੜ੍ਹ, 20 ਅਪ੍ਰੈਲ 2025: ਪੰਜਾਬ ‘ਚ 29 ਅਪ੍ਰੈਲ, ਦਿਨ ਮੰਗਲਵਾਰ ਨੂੰ ਜਨਤਕ ਛੁੱਟੀ ਹੋਵੇਗੀ। ਪੰਜਾਬ ਸਰਕਾਰ ਨੇ ਇਹ ਫੈਸਲਾ 29 ਅਪ੍ਰੈਲ ਨੂੰ ਭਗਵਾਨ ਸ਼੍ਰੀ ਪਰਸ਼ੂਰਾਮ ਜੀ ਦੇ ਜਨਮ ਦਿਵਸ ਸਬੰਧੀ ਲਿਆ ਹੈ। ਇਸ ਦਿਨ ਸਾਰੇ ਸਕੂਲਾਂ, ਕਾਲਜਾਂ, ਸਰਕਾਰੀ ਦਫ਼ਤਰਾਂ ਅਤੇ ਹੋਰ ਵਪਾਰਕ ਇਕਾਈਆਂ ‘ਚ ਛੁੱਟੀ ਰਹੇਗੀ। ਪੰਜਾਬ ਸਰਕਾਰ ਵੱਲੋਂ ਜਾਰੀ ਛੁੱਟੀਆਂ ਦੀ ਸੂਚੀ ‘ਚ 29 ਅਪ੍ਰੈਲ ਵੀ ਸ਼ਾਮਲ ਹੈ।
ਭਗਵਾਨ ਪਰਸ਼ੂਰਾਮ ਵੀ ਭਗਵਾਨ ਵਿਸ਼ਨੂੰ ਦੇ ਦਸ਼ ਅਵਤਾਰਾਂ ‘ਚੋਂ ਇੱਕ ਹਨ। ਜਿਨ੍ਹਾਂ ਦਾ ਜਨਮਦਿਨ ਵੈਸ਼ਾਖ ਮਹੀਨੇ ਦੇ ਸ਼ੁਕਲ ਪਕਸ਼ ਦੀ ਤੀਜੀ ਤਾਰੀਖ ਨੂੰ ਮਨਾਇਆ ਜਾਂਦਾ ਹੈ। ਪਰਸ਼ੂਰਾਮ, ਮਹਾਰਿਸ਼ੀ ਜਮਦਗਨੀ ਅਤੇ ਰੇਣੂਕਾ ਦਾ ਪੁੱਤਰ, ਭਗਵਾਨ ਵਿਸ਼ਨੂੰ ਦਾ ਛੇਵਾਂ ਅਵਤਾਰ ਸੀ। ਭਗਵਾਨ ਪਰਸ਼ੂਰਾਮ ਬਾਰੇ ਮਾਨਤਾ ਹੈ ਕਿ ਉਹ ਉਨ੍ਹਾਂ ਅੱਠ ਚਿਰੰਜੀਵੀਆਂ ‘ਚੋਂ ਇੱਕ ਹਨ ਜੋ ਅਜੇ ਵੀ ਧਰਤੀ ‘ਤੇ ਮੌਜੂਦ ਹਨ।
Read More: Punjab Holiday: ਪੰਜਾਬ ਸਰਕਾਰ ਵੱਲੋਂ ਭਲਕੇ ਸੂਬੇ ਭਰ ‘ਚ ਸਰਕਾਰੀ ਛੁੱਟੀ ਦਾ ਐਲਾਨ
