ਚੰਡੀਗੜ੍ਹ, 27 ਅਗਸਤ 2025: “ਬਾਈਪਣ ਭਰੀ ਦੇਵਾ” ਦੀ ਬੇਮਿਸਾਲ ਕਾਮਯਾਬੀ ਤੋਂ ਬਾਅਦ, ਨਿਰਮਾਤਾ ਮਾਧੁਰੀ ਭੋਸਲੇ ਪੰਜਾਬੀ ਫ਼ਿਲਮ “ਬੜਾ ਕਰਾਰਾ ਪੂਦਣਾ” ਲੈ ਕੇ ਆ ਰਹੇ ਹਨ |ਉਪਾਸਨਾ ਸਿੰਘ, ਕੁਲਰਾਜ ਰੰਧਾਵਾ, ਸ਼ੀਬਾ, ਰਾਜ ਧਾਲੀਵਾਲ, ਮੰਨਤ ਸਿੰਘ ਅਤੇ ਕਮਲਜੀਤ ਨੀਰੂ ਦੇ ਨਾਲ ਇਹ ਫ਼ਿਲਮ ਭਾਈਚਾਰੇ, ਹਿੰਮਤ ਅਤੇ ਪੰਜਾਬੀ ਸੱਭਿਆਚਾਰ ਦੀ ਸ਼ਾਨ ਨੂੰ ਪ੍ਰਦਰਸ਼ਿਤ ਕਰਦੀ ਹੈ।
ਮਹਾਰਾਸ਼ਟਰ ‘ਚ ਦਰਸ਼ਕਾਂ ਵੱਲੋਂ ਪਸੰਦ ਕੀਤੀ ਫ਼ਿਲਮ “ਬਾਈਪਣ ਭਰੀ ਦੇਵਾ” ਤੋਂ ਮਗਰੋਂ ਹੁਣ ਨਿਰਮਾਤਾ ਮਾਧੁਰੀ ਭੋਸਲੇ (Emveebee Media) ਹੁਣ ਪੰਜਾਬੀ ਸਿਨੇਮਾ ‘ਚ ਆਪਣੀ ਨਵੀਂ ਪੇਸ਼ਕਸ਼ “ਬੜਾ ਕਰਾਰਾ ਪੂਦਣਾ” ਲੈ ਕੇ ਆ ਰਹੇ ਹਨ।
ਇਸ ਫ਼ਿਲਮ ਦੇ ਨਿਰਦੇਸ਼ਕ ਪਰਵੀਨ ਕੁਮਾਰ ਹਨ, ਜਦਕਿ ਗੁਰਮੀਤ ਸਿੰਘ ਦਾ ਰੂਹ ਨੂੰ ਛੂਹਣ ਵਾਲਾ ਮਿਊਜ਼ਿਕ ਇਸ ‘ਚ ਨਵੀਂ ਜਾਨ ਪਾਵੇਗਾ। ਫ਼ਿਲਮ ਕੁੜੀਆਂ, ਪਰਿਵਾਰਕ ਰਿਸ਼ਤਿਆਂ ਅਤੇ ਪੰਜਾਬ ਦੀ ਰੰਗਤ ਭਰੀ ਰੂਹ ਨੂੰ ਸਮਰਪਿਤ ਇਕ ਸੰਵੇਦਨਸ਼ੀਲ ਸਿਨੇਮੇਟਿਕ ਯਾਤਰਾ ਹੋਵੇਗੀ।
“ਬੜਾ ਕਰਾਰਾ ਪੂਦਣਾ” ਛੇ ਭੈਣਾਂ ਦੀ ਕਹਾਣੀ ਨੂੰ ਦਰਸਾਉਂਦੀ ਹੈ ਜੋ ਵਿਆਹਾਂ, ਨਿੱਜੀ ਮੁਸ਼ਕਿਲਾਂ ਅਤੇ ਅਣਸੁਲਝੇ ਟਕਰਾਵਾਂ ਕਰਕੇ ਇਕ-ਦੂਜੇ ਤੋਂ ਵਿਛੜ ਜਾਂਦੀਆਂ ਹਨ। ਕਿਸਮਤ ਉਨ੍ਹਾਂ ਨੂੰ ਮੁੜ ਮਿਲਾਉਂਦੀ ਹੈ ਜਦੋਂ ਉਹ ਅਚਾਨਕ ਆਏ ਗਿੱਧਾ ਮੁਕਾਬਲੇ ਲਈ ਇਕੱਠੀਆਂ ਹੁੰਦੀਆਂ ਹਨ। ਇਹ ਮੁਲਾਕਾਤ ਉਨ੍ਹਾਂ ਦੇ ਟੁੱਟੇ ਰਿਸ਼ਤਿਆਂ ਨੂੰ ਜੋੜਨ ਦਾ ਮੋੜ ਬਣਦੀ ਹੈ।
ਫ਼ਿਲਮ ‘ਚ ਉਪਾਸਨਾ ਸਿੰਘ, ਕੁਲਰਾਜ ਰੰਧਾਵਾ, ਸ਼ੀਬਾ, ਰਾਜ ਧਾਲੀਵਾਲ, ਮੰਨਤ ਸਿੰਘ ਅਤੇ ਕਮਲਜੀਤ ਨੀਰੂ ਵਰਗੇ ਕਾਬਲ-ਏ-ਤਾਰੀਫ਼ ਕਲਾਕਾਰ ਹਨ, ਜੋ ਹਾਸੇ, ਭਾਵਨਾਵਾਂ ਅਤੇ ਪੰਜਾਬੀ ਸੱਭਿਆਚਾਰ ਦੇ ਜਸ਼ਨ ਨਾਲ ਭਰਪੂਰ ਕਹਾਣੀ ਨੂੰ ਇੱਕ ਨਵਾਂ ਰੂਪ ਦਿੰਦੀਆਂ ਹਨ।
ਫਿਲਮ ‘ਚ ਰੂਹ ਨੂੰ ਸਕੂਨ ਦੇਣ ਵਾਲੇ ਗੀਤ, ਰੰਗ-ਬਿਰੰਗੇ ਲੋਕ ਨਾਚ ਅਤੇ ਪਰਿਵਾਰਕ ਏਕਤਾ ਦੇ ਵਿਸ਼ਵ ਭਰ ਦੇ ਸੁਨੇਹੇ ਨਾਲ, “ਬੜਾ ਕਰਾਰਾ ਪੂਦਣਾ” ਸਿਰਫ਼ ਪੰਜਾਬੀ ਦਰਸ਼ਕਾਂ ਦੀ ਹੀ ਨਹੀਂ ਸਗੋਂ ਦੁਨੀਆ ਭਰ ਦੇ ਉਹਨਾਂ ਦਰਸ਼ਕਾਂ ਦੇ ਦਿਲਾਂ ਨੂੰ ਛੂਹੇਗੀ ਜੋ ਆਪਣੇ ਨਿੱਜੀ ਰੁਝੇਵਿਆਂ ਦੇ ਕਰਕੇ ਆਪਣਿਆਂ ਤੋਂ ਦੂਰ ਹੋ ਜਾਂਦੇ ਹਨ।
ਪਰਵੀਨ ਕੁਮਾਰ ਇੱਕ ਪੰਜਾਬੀ ਫ਼ਿਲਮ ਡਾਇਰੈਕਟਰ ਅਤੇ ਲੇਖਕ ਪਰਿਵਾਰਕ ਮਨੋਰੰਜਨਕ ਫ਼ਿਲਮਾਂ ਅਤੇ ਕਾਮੇਡੀ-ਡਰਾਮਿਆਂ ਲਈ ਜਾਣੇ ਜਾਂਦੇ ਹਨ। ਉਨ੍ਹਾਂ ਨੇ ਆਪਣੀ ਪਛਾਣ ਫ਼ਿਲਮ ਦਾਰਾ (2016) ਨਾਲ ਬਣਾਈ ਅਤੇ “ਨੀ ਮੈਂ ਸੱਸ ਕੁੱਟਣੀ” (2022) ਵਰਗੀ ਸੁਪਰਹਿੱਟ ਕਾਮੇਡੀ ਰਾਹੀਂ ਆਪਣੇ ਆਪ ਨੂੰ ਹੋਰ ਮਜ਼ਬੂਤ ਕੀਤਾ ਹੈ।
ਇਸ ਪ੍ਰੇਰਣਾਦਾਇਕ ਸੁਨੇਹੇ, ਪੰਜਾਬੀ ਸਭਿਆਚਾਰ ਦੇ ਰੰਗੀਲੇ ਪਿਛੋਕੜ ਅਤੇ ਸ਼ਕਤੀਸ਼ਾਲੀ ਅਦਾਕਾਰੀਆਂ ਨਾਲ ਸਜੀ ਇਹ ਫ਼ਿਲਮ 26 ਸਤੰਬਰ, 2025 ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਹ ਪੰਜਾਬੀ ਸਿਨੇਮਾ ‘ਚ ਨਿਰਮਾਤਾ ਮਾਧੁਰੀ ਭੋਸਲੇ ਦੀ ਦੂਰਦਰਸ਼ੀ ਸੋਚ ਹੇਠ ਇਕ ਨਵਾਂ ਸੁਹਾਵਾ ਅਧਿਆਇ ਸਾਬਤ ਹੋਵੇਗੀ।
Read More: ਫਿਲਮ ‘ਦਿ ਬੰਗਾਲ ਫਾਈਲਜ਼’ ਦਾ ਟ੍ਰੇਲਰ ਹੋਇਆ ਰਿਲੀਜ਼, ਲਾਂਚ ਸਮਾਗਮ ਦੌਰਾਨ ਭਾਰੀ ਹੰਗਾਮਾ
