ਚੰਡੀਗੜ੍ਹ, 23 ਮਈ 2025: ਪੰਜਾਬ ਕਿੰਗਜ਼ (Punjab Kings) ਟੀਮ ਮਾਲਕਾਂ ਵਿਚਕਾਰ ਵਿਵਾਦ ਸ਼ੁਰੂ ਹੋ ਗਿਆ ਹੈ। ਟੀਮ ਦੀ ਸਹਿ-ਮਾਲਕ ਪ੍ਰੀਤੀ ਜ਼ਿੰਟਾ (Preity Zinta) ਅਦਾਲਤ ਪਹੁੰਚ ਗਈ ਹੈ। ਉਨ੍ਹਾਂ ਨੇ ਟੀਮ ਦੇ ਸਹਿ-ਨਿਰਦੇਸ਼ਕ ਮੋਹਿਤ ਬਰਮਨ ਅਤੇ ਨੇਸ ਵਾਡੀਆ ਵਿਰੁੱਧ ਚੰਡੀਗੜ੍ਹ ਦੀ ਇੱਕ ਅਦਾਲਤ ‘ਚ ਕਾਨੂੰਨੀ ਕੇਸ ਦਾਇਰ ਕੀਤਾ ਹੈ। ਇਹ ਮਾਮਲਾ ਅਜਿਹੇ ਸਮੇਂ ਸਾਹਮਣੇ ਆਇਆ ਹੈ ਜਦੋਂ ਟੀਮ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) 2025 ‘ਚ ਸ਼ਾਨਦਾਰ ਫਾਰਮ ਵਿੱਚ ਹੈ।
ਸ਼੍ਰੇਅਸ ਅਈਅਰ ਦੀ ਅਗਵਾਈ ਵਾਲੀ ਪੰਜਾਬ ਕਿੰਗਜ਼ ਨੇ ਪਲੇਆਫ ਲਈ ਕੁਆਲੀਫਾਈ ਕਰ ਲਿਆ ਹੈ। ਉਨ੍ਹਾਂ ਦੇ 12 ਮੈਚਾਂ ‘ਚ 17 ਅੰਕ ਹਨ ਅਤੇ ਉਹ ਆਈਪੀਐਲ 2025 ਅੰਕ ਸੂਚੀ ‘ਚ ਤੀਜੇ ਸਥਾਨ ‘ਤੇ ਹਨ। ਪੰਜਾਬ ਕਿੰਗਜ਼ ਅਜੇ ਦੋ ਮੈਚ ਬਾਕੀ ਹਨ।
ਪ੍ਰੀਤੀ ਜ਼ਿੰਟਾ (Preity Zinta) ਵੱਲੋਂ ਦਾਇਰ ਪਟੀਸ਼ਨ ‘ਚ 21 ਅਪ੍ਰੈਲ ਨੂੰ ਹੋਈ ਵਿਸ਼ੇਸ਼ ਆਮ ਮੀਟਿੰਗ ਦੀ ਵੈਧਤਾ ਨੂੰ ਚੁਣੌਤੀ ਦਿੱਤੀ ਗਈ ਹੈ। ਇਹ ਦੋਸ਼ ਹੈ ਕਿ ਟੀਮ ਦੇ ਹੋਰ ਸਹਿ-ਨਿਰਦੇਸ਼ਕਾਂ ਨੇ ਨਿਯਮਾਂ ਦੀ ਉਲੰਘਣਾ ਕਰਕੇ ਮੀਟਿੰਗ ਕੀਤੀ। ਬਾਲੀਵੁੱਡ ਸਟਾਰ ਪ੍ਰੀਤੀ ਜ਼ਿੰਟਾ, ਮੋਹਿਤ ਬਰਮਨ ਅਤੇ ਨੇਸ ਵਾਡੀਆ ਕੇਪੀਐਚ ਡ੍ਰੀਮ ਕ੍ਰਿਕਟ ਪ੍ਰਾਈਵੇਟ ਲਿਮਟਿਡ ਦੇ ਡਾਇਰੈਕਟਰ ਹਨ। ਇਹੀ ਕੰਪਨੀ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਫਰੈਂਚਾਇਜ਼ੀ ਪੀਬੀਕੇਐਸ (ਪੰਜਾਬ ਕਿੰਗਜ਼) ਦੀ ਮਾਲਕ ਹੈ।
ਨਿਊਜ਼ ਏਜੰਸੀ ਆਈਏਐਨਐਸ ਦੀ ਇੱਕ ਰਿਪੋਰਟ ਦੇ ਮੁਤਾਬਕ ਪ੍ਰੀਤੀ ਜ਼ਿੰਟਾ ਨੇ ਕਿਹਾ ਹੈ ਕਿ 21 ਅਪ੍ਰੈਲ ਨੂੰ ਹੋਈ ਈਜੀਐਮ (ਵਿਸ਼ੇਸ਼ ਜਨਰਲ ਮੀਟਿੰਗ) ਵਿੱਚ ਕੰਪਨੀ ਐਕਟ, 2013 ਅਤੇ ਹੋਰ ਸਕੱਤਰੇਤ ਨਿਯਮਾਂ ਦੇ ਤਹਿਤ ਉਚਿਤ ਪ੍ਰਕਿਰਿਆਵਾਂ ਦੀ ਪਾਲਣਾ ਨਹੀਂ ਕੀਤੀ ਗਈ। ਅਦਾਕਾਰਾ ਅਤੇ ਕਾਰੋਬਾਰੀ ਪ੍ਰੀਤੀ ਜ਼ਿੰਟਾ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਨੇ 10 ਅਪ੍ਰੈਲ ਨੂੰ ਇੱਕ ਈਮੇਲ ਰਾਹੀਂ ਮੀਟਿੰਗ ‘ਤੇ ਇਤਰਾਜ਼ ਜਤਾਇਆ ਸੀ, ਪਰ ਸੰਦੇਸ਼ ਨੂੰ ਨਜ਼ਰਅੰਦਾਜ਼ ਕਰ ਦਿੱਤਾ ਗਿਆ। ਉਨ੍ਹਾਂ ਦੋਸ਼ ਲਾਇਆ ਕਿ ਮੋਹਿਤ ਬਰਮਨ ਨੇ ਨੇਸ ਵਾਡੀਆ ਦੇ ਸਮਰਥਨ ਨਾਲ ਮੀਟਿੰਗ ਦਾ ਆਯੋਜਨ ਕੀਤਾ ਸੀ।
ਮੁਨੀਸ਼ ਖੰਨਾ ਦੀ ਡਾਇਰੈਕਟਰ ਵਜੋਂ ਨਿਯੁਕਤੀ ਦਾ ਵਿਰੋਧ
ਹਾਲਾਂਕਿ ਪ੍ਰੀਤੀ ਜ਼ਿੰਟਾ (Preity Zinta) ਅਤੇ ਸਾਥੀ ਨਿਰਦੇਸ਼ਕ ਕਰਨ ਪਾਲ ਮੀਟਿੰਗ ‘ਚ ਮੌਜੂਦ ਸਨ, ਪਰ ਉਨ੍ਹਾਂ ਨੇ ਇਸਨੂੰ ਗੈਰ-ਕਾਨੂੰਨੀ ਘੋਸ਼ਿਤ ਕਰਨ ਲਈ ਅਦਾਲਤ ‘ਚ ਪਟੀਸ਼ਨ ਦਾਇਰ ਕੀਤੀ ਹੈ। ਚੁੱਕਿਆ ਇੱਕ ਮੁੱਦਾ ਮੁਨੀਸ਼ ਖੰਨਾ ਦੀ ਨਿਰਦੇਸ਼ਕ ਵਜੋਂ ਨਿਯੁਕਤੀ ਕਰਨਾ ਹੈ। ਇਹ ਇੱਕ ਅਜਿਹਾ ਕਦਮ ਹੈ ਜਿਸਦਾ ਪ੍ਰੀਤੀ ਜ਼ਿੰਟਾ ਅਤੇ ਕਰਨ ਪਾਲ ਦੋਵਾਂ ਨੇ ਵਿਰੋਧ ਕੀਤਾ।
ਪ੍ਰੀਤੀ ਜ਼ਿੰਟਾ ਨੇ ਆਪਣੀ ਪਟੀਸ਼ਨ ‘ਚ ਮੁਨੀਸ਼ ਖੰਨਾ ਨੂੰ ਡਾਇਰੈਕਟਰ ਵਜੋਂ ਕੰਮ ਕਰਨ ਤੋਂ ਰੋਕਣ ਅਤੇ ਕੰਪਨੀ ਨੂੰ ਉਸ ਮੀਟਿੰਗ ਦੌਰਾਨ ਲਏ ਗਏ ਕਿਸੇ ਵੀ ਫੈਸਲੇ ਨੂੰ ਲਾਗੂ ਕਰਨ ਤੋਂ ਰੋਕਣ ਦੀ ਮੰਗ ਕੀਤੀ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਅਦਾਲਤ ਨੂੰ ਬੇਨਤੀ ਕੀਤੀ ਹੈ ਕਿ ਕੰਪਨੀ ਨੂੰ ਹੋਰ ਬੋਰਡ ਜਾਂ ਆਮ ਮੀਟਿੰਗਾਂ ਕਰਨ ਤੋਂ ਰੋਕਿਆ ਜਾਵੇ, ਜਦੋਂ ਤੱਕ ਕਿ ਉਹ ਅਤੇ ਕਰਨ ਪਾਲ ਦੋਵੇਂ ਮੌਜੂਦ ਨਾ ਹੋਣ ਅਤੇ ਮੁਨੀਸ਼ ਖੰਨਾ ਨੂੰ ਬਾਹਰ ਨਾ ਰੱਖਿਆ ਜਾਵੇ, ਜਦੋਂ ਤੱਕ ਮਾਮਲਾ ਹੱਲ ਨਹੀਂ ਹੋ ਜਾਂਦਾ।
Read More: IPL Playoff 2025: ਪੰਜਾਬ ਕਿੰਗਜ਼ ਤੇ ਗੁਜਰਾਤ ਟਾਈਟਨਸ ਸਮੇਤ ਤਿੰਨ ਟੀਮਾਂ ਲਈ ਪਲੇਆਫ ਦਾ ਰਸਤਾ ਸਾਫ਼
