ਲੁਧਿਆਣਾ, 14 ਜੁਲਾਈ 2025: ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਿਆ ‘ਚ ਬਿਜਲੀ ਗਰਜ ਨਾਲ ਮੀਂਹ ਪੈ ਰਿਹਾ ਹੈ | ਮੌਸਮ ਵਿਭਾਗ ਨੇ ਵੀ ਸੂਬੇ ਭਰ ‘ਚ 14 ਜੁਲਾਈ ਤੋਂ 202 ਜੁਲਾਈ ਤੱਕ ਭਾਰੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਹੈ | ਇਸ ਦਰਮਿਆਨ ਸੋਮਵਾਰ ਨੂੰ ਲੁਧਿਆਣਾ ਦੇ ਜਗਰਾਉਂ ‘ਚ ਭਾਰੀ ਮੀਂਹ ਦੌਰਾਨ ਇੱਕ ਪੁਲਿਸ ਮੁਲਾਜ਼ਮ ਦੇ ਘਰ ਨੂੰ ਬਿਜਲੀ ਡਿੱਗਣ ਕਾਰਨ ਵੱਡਾ ਨੁਕਸਾਨ ਹੋਇਆ। ਇਹ ਘਟਨਾ ਇੰਦਰਾ ਕਲੋਨੀ ਦੀ ਰਹਿਣ ਵਾਲੀ ਪੁਲਿਸ ਕਰਮਚਾਰੀ ਗੋਰਖਾ ਸ਼ਰਮਾ ਦੇ ਘਰ ਵਾਪਰੀ ਹੈ।
ਸੋਮਵਾਰ ਸਵੇਰੇ ਲਗਭਗ 10:30 ਵਜੇ, ਪੁਲਿਸ ਕਰਮਚਾਰੀ ਦੀ ਪਤਨੀ ਘਰ ਦੀ ਛੱਤ ‘ਤੇ ਸਾਮਾਨ ਰੱਖ ਰਹੀ ਸੀ। ਬਿਜਲੀ ਡਿੱਗਣ ਕਾਰਨ ਉਸਨੂੰ ਜ਼ੋਰਦਾਰ ਝਟਕਾ ਲੱਗਿਆ ਅਤੇ ਉਸਦਾ ਮੋਢਾ ਕਾਲਾ ਹੋ ਗਿਆ। ਛੱਤ ‘ਤੇ ਲੱਗਿਆ ਲੋਹੇ ਦਾ ਥੰਮ੍ਹ ਟੁੱਟ ਗਿਆ ਅਤੇ ਲੈਂਟਰ ‘ਚ ਵੀ ਤਰੇੜਾਂ ਆ ਗਈਆਂ।
ਘਰ ਦੇ ਸਾਰੇ ਇਲੈਕਟ੍ਰਾਨਿਕ ਉਪਕਰਣ ਪੂਰੀ ਤਰ੍ਹਾਂ ਨੁਕਸਾਨੇ ਗਏ ਹਨ। ਬਿਜਲੀ ਦਾ ਪ੍ਰਭਾਵ ਇੰਨਾ ਜ਼ਿਆਦਾ ਸੀ ਕਿ ਇਹ ਰਸੋਈ ਤੱਕ ਪਹੁੰਚ ਗਿਆ ਅਤੇ ਨੇੜਲੇ ਕਈ ਘਰਾਂ ‘ਚ ਵੀ ਫੈਲ ਗਿਆ।
ਤੇਜ਼ ਆਵਾਜ਼ ਤੋਂ ਡਰ ਕੇ, ਨੇੜੇ ਰਹਿਣ ਵਾਲੇ ਲੋਕ ਆਪਣੇ ਘਰਾਂ ਤੋਂ ਬਾਹਰ ਆ ਗਏ। ਗੁਆਂਢੀਆਂ ਦੇ ਅਨੁਸਾਰ, ਬਿਜਲੀ ਡਿੱਗਣ ਕਾਰਨ ਪੂਰਾ ਘਰ ਕੰਬ ਗਿਆ। ਸ਼ੁਰੂਆਤੀ ਮੁਲਾਂਕਣ ਅਨੁਸਾਰ, ਲਗਭਗ ਲੱਖਾਂ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਖੁਸ਼ਕਿਸਮਤੀ ਨਾਲ, ਇਸ ਹਾਦਸੇ ‘ਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ।
Read More: ਪੰਜਾਬ ‘ਚ ਫਿਰ ਬਦਲੇਗਾ ਮੌਸਮ, ਆਉਣ ਵਾਲੇ ਦਿਨਾਂ ‘ਚ ਭਾਰੀ ਮੀਂਹ ਦੀ ਚੇਤਾਵਨੀ
