ਚੰਡੀਗੜ੍ਹ, 14 ਮਾਰਚ 2025: Holi 2025: ਚੰਡੀਗੜ੍ਹ ਪੁਲਿਸ (Chandigarh Police) ਵੱਲੋਂ ਅੱਜ ਹੋਲੀ ਵਾਲੇ ਦਿਨ ਸ਼ਹਿਰ ‘ਚ ਕੁੱਲ 1300 ਪੁਲਿਸ ਮੁਲਾਜ਼ਮ ਤਾਇਨਾਤ ਕੀਤੇ ਜਾਣਗੇ। ਇਸ ਤੋਂ ਇਲਾਵਾ 10 ਡੀਐਸਪੀ, 27 ਇੰਸਪੈਕਟਰ, 16 ਐਸਐਚਓ ਅਤੇ 18 ਇੰਸਪੈਕਟਰ ਵੀ ਫੀਲਡ ‘ਚ ਹੋਣਗੇ। ਇਸ ਦੌਰਾਨ, ਸ਼ਹਿਰ ਦੀ ਐਸਐਸਪੀ ਕੰਵਰਦੀਪ ਕੌਰ ਖੁਦ ਚੌਕਸ ਰਹਿਣਗੇ ਕਿ ਜੇਕਰ ਕੋਈ ਸ਼ਰਾਰਤੀ ਅਨਸਰ ਹੋਲੀ ਨੂੰ ਵਿਗਾੜਦਾ ਪਾਇਆ ਜਾਂਦਾ ਹੈ, ਤਾਂ ਉਸ ਖ਼ਿਲਾਫ ਕਰਵਾਈ ਕੀਤਾ ਜਾਵੇਗੀ |
ਚੰਡੀਗੜ੍ਹ ਟ੍ਰੈਫਿਕ ਪੁਲਿਸ ਵੱਲੋਂ ਸ਼ਹਿਰ ‘ਚ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਵਾਲਿਆਂ ਲਈ ਨਾਕੇ ਵੀ ਸਥਾਪਤ ਕੀਤੇ ਜਾਣਗੇ। ਇਹ ਨਾਕੇ ਸ਼ਹਿਰ ਦੇ ਬਾਜ਼ਾਰਾਂ ਅਤੇ ਮੁੱਖ ਸੜਕਾਂ ‘ਤੇ ਸਥਾਪਤ ਕੀਤੇ ਜਾਣਗੇ। ਇਸ ਤੋਂ ਇਲਾਵਾ, ਪੁਲਿਸ ਸਟੇਸ਼ਨ ਕਲੋਨੀਆਂ ਦੇ ਆਲੇ-ਦੁਆਲੇ ਨਾਕਾਬੰਦੀ ਕਰੇਗਾ। ਪੁਲਿਸ ਨੇ ਸਪੱਸ਼ਟ ਕੀਤਾ ਕਿ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਕਿਸੇ ਵੀ ਵਿਅਕਤੀ ਵਿਰੁੱਧ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਹੋਲੀ (Holi) ਵਾਲੇ ਦਿਨ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਗਏ ਹਨ, ਸ਼ਹਿਰ ‘ਚ 64 ਥਾਵਾਂ ‘ਤੇ ਵਿਸ਼ੇਸ਼ ਨਾਕੇ ਲਗਾਏ ਜਾਣਗੇ।
ਚੰਡੀਗੜ੍ਹ ਸ਼ਹਿਰ ਦੀਆਂ ਕਲੋਨੀਆਂ, ਗੇਦੀ ਰੂਟ (11/12 ਟੀ ਪੁਆਇੰਟ ਤੋਂ ਮਟਕਾ ਚੌਕ), ਸੈਕਟਰ 9/10, ਸੁਖਨਾ ਝੀਲ, ਏਲਾਂਟੇ ਮਾਲ, ਸੈਕਟਰ 15, ਸੈਕਟਰ 11, 17, 22 ਅਤੇ 20 ਹੋਸਟਲਾਂ ਦੇ ਬਾਹਰ ਪੁਲਿਸ ਤਾਇਨਾਤ ਕੀਤੀ ਹੈ। ਪੁਲਿਸ ਕਰਮਚਾਰੀ ਵੀ ਸਿਵਲ ਵਰਦੀ ‘ਚ ਤਾਇਨਾਤ ਹੋਣਗੇ, ਜਦੋਂ ਕਿ ਮਹਿਲਾ ਪੁਲਿਸ ਕਰਮਚਾਰੀ ਹੋਸਟਲਾਂ ਅਤੇ ਪੀਜੀ ਦੇ ਆਲੇ-ਦੁਆਲੇ ਤਾਇਨਾਤ ਕੀਤੇ ਹਨ।
Read More: ਚੰਡੀਗੜ੍ਹ ਪੁਲਿਸ ‘ਤੇ CBI ਨੇ ASI ਨੂੰ ਰਿਸ਼ਵਤ ਲੈਂਦੇ ਕੀਤਾ ਕਾਬੂ
