ਚੰਡੀਗੜ੍ਹ, 12 ਸਤੰਬਰ 2024: ਬਠਿੰਡਾ (Bathinda) ਜ਼ਿਲ੍ਹੇ ‘ਚ ਨਸ਼ੇ ਦੇ ਖਾਤਮੇ ਲਈ ਪੁਲਿਸ ਅਤੇ ਡਰੱਗ ਕੰਟਰੋਲ ਟੀਮ ਵੱਲੋਂ ਮੁਹਿੰਮ ਵਿੱਢੀ ਗਈ ਹੈ | ਡਰੱਗ ਕੰਟਰੋਲ ਟੀਮ ਨੇ ਭੁੱਚੋ ਮੰਡੀ ਦੇ ਬੱਸ ਸਟੈਂਡ ਨੇੜੇ ਇੱਕ ਮਹਾਦੇਵ ਮੈਡੀਕੋਜ਼ ‘ਤੇ ਛਾਪੇਮਾਰੀ ਕੀਤੀ ਹੈ | ਇਹ ਬੀਤੇ ਦਿਨ ਕਾਰਵਾਈ ਡਰੱਗ ਕੰਟਰੋਲ ਅਫਸਰ ਗੁਨਦੀਪ ਬਾਂਸਲ ਦੀ ਅਗਵਾਈ ‘ਚ ਕੀਤੀ ਹੈ |

ਡਰੱਗ ਕੰਟਰੋਲ ਟੀਮ ਨੂੰ ਛਾਪੇਮਾਰੀ ਦੌਰਾਨ ਦੁਕਾਨ ‘ਚੋਂ 150 ਨਸ਼ੀਲੇ ਕੈਪਸੂਲ ਬਰਾਮਦ ਹੋਏ ਹਨ | ਇਸ ਕਾਰਵਾਈ ਦੌਰਾਨ ਵੱਡੀ ਗਿਣਤੀ ‘ਚ ਪੁਲਿਸ ਮੁਲਾਜ਼ਮ ਵੀ ਤਾਇਨਾਤ ਕੀਤੇ ਗਏ | ਡੀਸੀ ਬਠਿੰਡਾ (Bathinda) ਦੇ ਹੁਕਮਾਂ ਦੀ ਉਲੰਘਣਾ ਕਰਨ ਦੇ ਦੋਸ਼ ਹੇਠ ਮੁਲਜ਼ਮਾਂ ਖ਼ਿਲਾਫ਼ ਕੇਸ ਵੀ ਦਰਜ ਕੀਤਾ ਗਿਆ ਹੈ। ਡਰੱਗ ਕੰਟਰੋਲ ਟੀਮ ਨੇ ਨਸ਼ੀਲੇ ਕੈਪਸੂਲ ਨੂੰ ਕਬਜ਼ੇ ‘ਚ ਲੈ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।