ਚੰਡੀਗੜ੍ਹ, 01 ਮਾਰਚ 2024: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਝਾਰਖੰਡ (Jharkhand) ਦੌਰੇ ‘ਤੇ ਹਨ ਅਤੇ ਉਹ ਧਨਬਾਦ ਪਹੁੰਚ ਗਏ ਹਨ। ਪ੍ਰਧਾਨ ਮੰਤਰੀ ਸਿੰਦਰੀ ਵਿੱਚ 8 ਹਜ਼ਾਰ 939 ਕਰੋੜ ਰੁਪਏ ਦੀ ਲਾਗਤ ਨਾਲ ਸਥਾਪਿਤ ਨਵੀਂ ਖਾਦ ਫੈਕਟਰੀ ਦੇਸ਼ ਨੂੰ ਸਮਰਪਿਤ ਕਰਨਗੇ। ਇਸ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਨੇ ਫੈਕਟਰੀ ਦਾ ਨਿਰੀਖਣ ਕੀਤਾ। ਗੋਰਖਪੁਰ ਅਤੇ ਰਾਮਗੁੰਡਮ ਵਿਖੇ ਖਾਦ ਪਲਾਂਟਾਂ ਦੇ ਮੁੜ ਸੁਰਜੀਤ ਹੋਣ ਤੋਂ ਬਾਅਦ ਦੇਸ਼ ਵਿੱਚ ਇਹ ਤੀਜਾ ਖਾਦ ਪਲਾਂਟ ਹੈ।

ਪ੍ਰਧਾਨ ਮੰਤਰੀ ਸੂਬੇ (Jharkhand) ਵਿੱਚ 35 ਹਜ਼ਾਰ 700 ਕਰੋੜ ਰੁਪਏ ਦੀਆਂ ਵੱਖ-ਵੱਖ ਯੋਜਨਾਵਾਂ ਦੀ ਸ਼ੁਰੂਆਤ ਅਤੇ ਨੀਂਹ ਪੱਥਰ ਰੱਖਣਗੇ। ਵੀਡੀਓ ਕਾਨਫਰੰਸਿੰਗ ਰਾਹੀਂ ਮੋਹਨਪੁਰ-ਹੰਸਡੀਹਾ ਨਵੀਂ ਰੇਲਵੇ ਲਾਈਨ ਅਤੇ ਦੇਵਘਰ-ਡਿਬਰੂਗੜ੍ਹ ਰੇਲਗੱਡੀ ਦਾ ਉਦਘਾਟਨ ਕਰਨਗੇ। ਪ੍ਰਧਾਨ ਮੰਤਰੀ ਧਨਬਾਦ ਰੇਲਵੇ ਡਿਵੀਜ਼ਨ ਲਈ ਲਗਭਗ 13 ਹਜ਼ਾਰ 700 ਕਰੋੜ ਰੁਪਏ ਦੀਆਂ ਯੋਜਨਾਵਾਂ ਦਾ ਨੀਂਹ ਪੱਥਰ ਰੱਖਣਗੇ। ਪੀਐਮ ਮੋਦੀ ਹਰਲ ਫੈਕਟਰੀ ਦਾ ਉਦਘਾਟਨ ਕਰਨ ਤੋਂ ਬਾਅਦ ਬਰਵਾਡਾ ਵਿੱਚ ਇੱਕ ਵਿਸ਼ਾਲ ਜਨ ਸਭਾ ਨੂੰ ਸੰਬੋਧਿਤ ਕਰਨਗੇ। ਪੀਐਮ ਮੋਦੀ ਦੇ ਦੌਰੇ ਨੂੰ ਲੈ ਕੇ ਸੁਰੱਖਿਆ ਦੇ ਸਖ਼ਤ ਇੰਤਜ਼ਾਮ ਕੀਤੇ ਗਏ ਹਨ।