ਚੰਡੀਗੜ੍ਹ, 23 ਮਈ 2024: ਬਰਨਾਲਾ ਜ਼ਿਲ੍ਹੇ ‘ਚ ਏ.ਸੀ ਸਰਵਿਸ ਕਰਨ ਦੇ ਬਹਾਨੇ ਘਰਾਂ ‘ਚ ਦਾਖਲ ਹੋ ਕੇ ਚੋਰੀ ਦੀ ਵਾਰਦਾਤ ਕਰਨ ਵਾਲਿਆਂ (thieves) ਨੂੰ ਸ਼ੱਕ ਹੋਣ ‘ਤੇ ਲੋਕਾਂ ਨੇ ਫੜ ਲਿਆ। ਸਖ਼ਤੀ ਨਾਲ ਪੁੱਛਗਿੱਛ ਦੌਰਾਨ ਜਿਵੇਂ ਹੀ ਉਨ੍ਹਾਂ ਨੇ ਆਪਣਾ ਜ਼ੁਰਮ ਕਬੂਲ ਕੀਤਾ ਤਾਂ ਲੋਕਾਂ ਨੇ ਪਹਿਲਾਂ ਦੋਵਾਂ ਚੋਰਾਂ ਦੀ ਕੁੱਟਮਾਰ ਕੀਤੀ ਅਤੇ ਬਾਅਦ ‘ਚ ਪੁਲਿਸ ਹਵਾਲੇ ਕਰ ਦਿੱਤਾ | ਪੁਲਿਸ ਨੇ ਦੋਵਾਂ ਚੋਰਾਂ ਨੂੰ ਗ੍ਰਿਫਤਾਰ ਕਰਕੇ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਦੋਵੇਂ ਚੋਰ ਪਿਛਲੇ ਕਈ ਦਿਨਾਂ ਤੋਂ ਕਸਬੇ ਵਿੱਚ ਲੋਕਾਂ ਦੇ ਘਰਾਂ ਵਿੱਚ ਏ.ਸੀ. ਠੀਕ ਕਰਨ ਦੇ ਬਹਾਨੇ ਚਾਰ ਘਰਾਂ ‘ਚ ਚੋਰੀ ਦੀਆਂ ਵਾਰਦਾਤਾਂ ਕਰ ਚੁੱਕੇ ਹਨ। ਇਹ ਦੋਵੇਂ ਇੰਨੇ ਚਲਾਕ ਹਨ ਕਿ ਪਹਿਲਾਂ ਠੰਡਾ ਪਾਣੀ ਮੰਗਦੇ ਹਨ ਅਤੇ ਫਿਰ ਪਾਣੀ ਪੀਣ ਦੇ ਬਹਾਨੇ ਘਰੋਂ ਗਹਿਣੇ ਅਤੇ ਹੋਰ ਕੀਮਤੀ ਸਮਾਨ ਚੋਰੀ ਕਰਕੇ ਭੱਜ ਜਾਂਦੇ ਹਨ।
ਇਸ ਮੌਕੇ ਰਮਨ ਵਰਮਾ ਨੇ ਦੱਸਿਆ ਕਿ ਜਦੋਂ ਫੜੇ ਗਏ ਚੋਰ (thieves) ਵਰਿੰਦਰਾ ਬੁੱਕ ਡਿਪੂ ਦੇ ਮਾਲਕ ਦੇ ਘਰ ਏਸੀ ਦੀ ਸਰਵਿਸ ਕਰਨ ਪਹੁੰਚੇ ਤਾਂ ਉਨ੍ਹਾਂ ਨੇ ਪਹਿਲਾਂ ਤਾਂ ਘਰ ਦੀ ਰੇਕੀ ਕੀਤੀ, ਬਾਅਦ ਵਿੱਚ ਇੱਕ ਵਿਅਕਤੀ ਨੇ ਸਰਵਿਸ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਦੂਜੇ ਨੇ ਠੰਡਾ ਪਾਣੀ ਮੰਗਵਾਉਣ ਲੱਗਾ । ਜਦੋਂ ਘਰ ਦਾ ਮਾਲਕ ਵਰਿੰਦਰ ਪਾਣੀ ਲੈਣ ਗਿਆ ਤਾਂ ਉਸ ਨੇ ਪਿੱਛੇ ਤੋਂ ਮੇਜ਼ ‘ਤੇ ਰੱਖੀ ਐਪਲ ਦੀ ਘੜੀ ਚੋਰੀ ਕਰ ਲਈ। ਇਸੇ ਤਰ੍ਹਾਂ ਰਿੰਕੂ ਦੇ ਘਰ ਵੀ ਏਸੀ ਸਰਵਿਸ ਕਰਵਾਉਣ ਦੇ ਬਹਾਨੇ ਠੰਡਾ ਪਾਣੀ ਮੰਗਿਆ ਅਤੇ ਫਿਰ ਸੋਨੇ ਦੀ ਚੇਨ ਲੈ ਕੇ ਭੱਜ ਗਿਆ।
ਘਟਨਾ ਤੋਂ ਬਾਅਦ ਦੋਵੇਂ ਵਿਅਕਤੀਆਂ ਨੂੰ ਏਸੀ ਦੀ ਸਰਵਿਸ ਕਰਵਾਉਣ ਦੇ ਬਹਾਨੇ ਦੁਬਾਰਾ ਬੁਲਾਇਆ ਗਿਆ। ਜਦੋਂ ਦੋਵੇਂ ਲੋਕ ਏਸੀ ਦੀ ਸਰਵਿਸ ਲੈਣ ਪਹੁੰਚੇ ਤਾਂ ਉੱਥੇ ਮੌਜੂਦ ਲੋਕਾਂ ਨੇ ਉਨ੍ਹਾਂ ਨੂੰ ਘੇਰ ਲਿਆ। ਸਖ਼ਤੀ ਨਾਲ ਪੁੱਛਗਿੱਛ ਤੋਂ ਬਾਅਦ ਦੋਵਾਂ ਚੋਰਾਂ ਨੇ ਆਪਣਾ ਗੁਨਾਹ ਕਬੂਲ ਕਰ ਲਿਆ। ਉਸ ਨੇ ਦੱਸਿਆ ਕਿ ਇਨ੍ਹਾਂ ਨੇ ਹੀ ਘੜੀ ਅਤੇ ਸੋਨੇ ਦੀ ਚੇਨ ਚੋਰੀ ਕਰ ਲਈ ਹੈ।
