ਚੰਡੀਗੜ੍ਹ, 5 ਅਪ੍ਰੈਲ 2025: PBKS ਬਨਾਮ RR: ਪੰਜਾਬ ਕਿੰਗਜ਼ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। ਕਪਤਾਨ ਸ਼੍ਰੇਅਸ ਅਈਅਰ ਨੇ ਕਿਹਾ ਕਿ ਉਨ੍ਹਾਂ ਦੀ ਟੀਮ ਬਿਨਾਂ ਕਿਸੇ ਬਦਲਾਅ ਦੇ ਇਹ ਮੈਚ ਖੇਡਣ ਲਈ ਉਤਰੀ ਹੈ। ਇਸ ਦੌਰਾਨ ਰਾਜਸਥਾਨ ਦੇ ਕਪਤਾਨ ਸੰਜੂ ਸੈਮਸਨ ਨੇ ਕਿਹਾ ਕਿ ਤੁਸ਼ਾਰ ਦੇਸ਼ਪਾਂਡੇ ਇਸ ਮੈਚ (PBKS vs RR) ‘ਚ ਸੱਟ ਕਾਰਨ ਨਹੀਂ ਖੇਡਣਗੇ। ਉਨ੍ਹਾਂ ਦੀ ਜਗ੍ਹਾ ਯੁੱਧਵੀਰ ਸਿੰਘ ਨੂੰ ਪਲੇਇੰਗ ਇਲੈਵਨ ‘ਚ ਸ਼ਾਮਲ ਕੀਤਾ ਗਿਆ ਹੈ।
ਰਾਜਸਥਾਨ ਰਾਇਲਜ਼ ਟੀਮ ‘ਚ ਸੰਜੂ ਸੈਮਸਨ ਦੀ ਕਪਤਾਨ ਵਜੋਂ ਵਾਪਸੀ ਉਸਦੀ ਟੀਮ ਦਾ ਮਨੋਬਲ ਵਧਾਏਗੀ, ਪਰ ਪੰਜਾਬ ਕਿੰਗਜ਼ ਦੀ ਜੇਤੂ ਮੁਹਿੰਮ ਨੂੰ ਰੋਕਣ ਲਈ ਉਸਦੇ ਬੱਲੇਬਾਜ਼ਾਂ ਨੂੰ ਵਧੀਆ ਪ੍ਰਦਰਸ਼ਨ ਕਰਨਾ ਪਵੇਗਾ। ਗੇਂਦਬਾਜ਼ਾਂ ਨੂੰ ਚੰਗੀ ਗੇਂਦਬਾਜ਼ੀ ਕਰਨੀ ਪਵੇਗੀ। ਚੇਨਈ ਮੈਚ ਨੂੰ ਛੱਡ ਦੇਈਏ ਤਾਂ ਜੋਫਰਾ ਆਰਚਰ ਕਾਫ਼ੀ ਮਹਿੰਗਾ ਸਾਬਤ ਹੋਇਆ ਹੈ। ਇਸ ਦੇ ਨਾਲ ਹੀ ਟੀਮ ਦੇ ਹੋਰ ਤੇਜ਼ ਗੇਂਦਬਾਜ਼ ਤੁਸ਼ਾਰ ਦੇਸ਼ਪਾਂਡੇ ਅਤੇ ਸੰਦੀਪ ਸ਼ਰਮਾ ਵੀ ਬਹੁਤ ਮਹਿੰਗੇ ਸਾਬਤ ਹੋਏ ਹਨ। ਉਨ੍ਹਾਂ ਸਾਰਿਆਂ ਨੂੰ ਇੱਕ ਟਾਈਟ ਲਾਈਨ ਅਤੇ ਲੰਬਾਈ ‘ਤੇ ਗੇਂਦਬਾਜ਼ੀ ਕਰਨੀ ਪਵੇਗੀ।
ਰਾਜਸਥਾਨ ਲਈ ਸਭ ਤੋਂ ਵੱਡੀ ਚੁਣੌਤੀ ਪੰਜਾਬ ਕਿੰਗਜ਼ ਦੇ ਕਪਤਾਨ ਸ਼੍ਰੇਅਸ ਅਈਅਰ ਹੋਣਗੇ, ਜਿਨ੍ਹਾਂ ਨੇ ਲਗਾਤਾਰ ਦੋ ਅਰਧ ਸੈਂਕੜੇ ਲਗਾ ਕੇ ਆਪਣੀ ਸ਼ਾਨਦਾਰ ਫਾਰਮ ਦਿਖਾਈ ਹੈ। ਸ਼੍ਰੇਅਸ ਨੇ ਆਈਪੀਐਲ 2024 ਵਿੱਚ 16 ਮੈਚਾਂ ‘ਚ ਇੰਨੇ ਛੱਕੇ ਮਾਰੇ। ਇੰਨਾ ਹੀ ਨਹੀਂ, ਸ਼੍ਰੇਅਸ ਨੇ ਆਪਣੀ ਕਪਤਾਨੀ ਹੁਨਰ ਦੀ ਇੱਕ ਵਧੀਆ ਉਦਾਹਰਣ ਵੀ ਪੇਸ਼ ਕੀਤੀ ਹੈ। ਜਿਸ ਤਰ੍ਹਾਂ ਉਨ੍ਹਾਂ ਨੇ ਪਹਿਲੇ ਦੋ ਮੈਚਾਂ ‘ਚ ਗਲੇਨ ਮੈਕਸਵੈੱਲ ਨੂੰ ਸਪਿਨ ਗੇਂਦਬਾਜ਼ ਵਜੋਂ ਵਰਤਿਆ, ਉਹ ਸ਼ਲਾਘਾਯੋਗ ਹੈ।
Read More: LSG ਬਨਾਮ MI: ਮੁੰਬਈ ਇੰਡੀਅਨਜ਼ ਦੀ ਡੈਥ ਓਵਰਾਂ ‘ਚ ਮਾੜੀ ਬੱਲੇਬਾਜ਼ੀ, 12 ਦੌੜਾਂ ਤੋਂ ਹਾਰ
