ਚੰਡੀਗੜ੍ਹ, 25 ਮਾਰਚ 2025: PBKS vs GT: ਇੰਡੀਅਨ ਪ੍ਰੀਮੀਅਰ ਲੀਗ 2025 (IPL 2025) ਦੇ 18ਵੇਂ ਸੀਜ਼ਨ ਦਾ ਪੰਜਵਾਂ ਮੈਚ ਅੱਜ ਗੁਜਰਾਤ ਟਾਈਟਨਸ (GT) ਅਤੇ ਪੰਜਾਬ ਕਿੰਗਜ਼ (PBKS) ਵਿਚਕਾਰ ਖੇਡਿਆ ਜਾਵੇਗਾ। ਇਹ ਮੈਚ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ‘ਚ ਸ਼ਾਮ 7:30 ਵਜੇ ਸ਼ੁਰੂ ਹੋਵੇਗਾ ਅਤੇ ਮੈਚ ਲਈ ਟਾਸ 7:00 ਵਜੇ ਹੋਵੇਗਾ |
ਗੁਜਰਾਤ ਨੇ ਆਪਣੇ ਘਰੇਲੂ ਮੈਦਾਨ ਨਰਿੰਦਰ ਮੋਦੀ ਸਟੇਡੀਅਮ ‘ਚ ਕੁੱਲ 16 ਮੈਚ ਖੇਡੇ। ਇਸ ‘ਚ 9 ਜਿੱਤੇ ਅਤੇ 7 ਹਾਰ ਗਏ। ਟੀਮ ਨੇ ਇਸ ਮੈਦਾਨ ‘ਤੇ ਆਪਣਾ ਪਹਿਲਾ ਆਈਪੀਐਲ ਖਿਤਾਬ ਵੀ ਜਿੱਤਿਆ। 2022 ‘ਚ ਆਪਣੇ ਪਹਿਲੇ ਸੀਜ਼ਨ ‘ਚ ਟੀਮ ਨੇ ਫਾਈਨਲ ‘ਚ ਰਾਜਸਥਾਨ ਰਾਇਲਜ਼ (RR) ਨੂੰ 7 ਵਿਕਟਾਂ ਨਾਲ ਹਰਾ ਕੇ ਖਿਤਾਬ ਜਿੱਤਿਆ ਸੀ।
ਗੁਜਰਾਤ ਦਾ ਬੱਲੇਬਾਜ਼ੀ ਵਿਭਾਗ ਬਹੁਤ ਮਜ਼ਬੂਤ ਹੈ, ਟੀਮ ਨੇ ਇਸ ਸੀਜ਼ਨ ‘ਚ ਜੋਸ ਬਟਲਰ ਨੂੰ ਸ਼ਾਮਲ ਕਰਕੇ ਸ਼ੁਰੂਆਤ ਨੂੰ ਮਜ਼ਬੂਤ ਕੀਤੀ। ਟੀਮ ਨੂੰ ਵਿਕਟਕੀਪਿੰਗ ਦਾ ਇੱਕ ਮਜ਼ਬੂਤ ਵਿਕਲਪ ਵੀ ਮਿਲਿਆ। ਫਿਨਿਸ਼ਿੰਗ ਲਾਈਨ-ਅੱਪ ‘ਚ ਸ਼ੇਰਫਾਨ ਰਦਰਫੋਰਡ, ਸ਼ਾਹਰੁਖ ਖਾਨ, ਰਾਹੁਲ ਤੇਵਤੀਆ, ਰਾਸ਼ਿਦ ਖਾਨ ਅਤੇ ਗਲੇਨ ਫਿਲਿਪਸ ਵਰਗੇ ਸਥਾਪਿਤ ਖਿਡਾਰੀ ਵੀ ਸ਼ਾਮਲ ਹਨ।
ਦੂਜੇ ਪਾਸੇ ਪੰਜਾਬ ਕਿੰਗਜ਼ ਕੋਲ ਸ਼੍ਰੇਅਸ ਅਈਅਰ ਦੇ ਰੂਪ ‘ਚ ਇੱਕ ਸਥਿਰ ਕਪਤਾਨ ਅਤੇ ਮੱਧਕ੍ਰਮ ਦਾ ਬੱਲੇਬਾਜ਼ ਹੈ। ਵਢੇਰਾ, ਮੈਕਸਵੈੱਲ, ਸ਼ਸ਼ਾਂਕ, ਜੈਨਸਨ ਅਤੇ ਸ਼ੈੱਡ ਫਿਨਿਸ਼ਿੰਗ ਨੂੰ ਮਜ਼ਬੂਤ ਬਣਾ ਰਹੇ ਹਨ। ਅਰਸ਼ਦੀਪ ਸਿੰਘ, ਚਹਿਲ, ਬਰਾੜ, ਯਸ਼ ਠਾਕੁਰ ਅਤੇ ਯਾਂਸਨ ਵੀ ਗੇਂਦਬਾਜ਼ੀ ਨੂੰ ਮਜ਼ਬੂਤ ਕਰ ਰਹੇ ਹਨ।
ਅਹਿਮਦਾਬਾਦ ਸਟੇਡੀਅਮ ਦੀ ਪਿੱਚ ਰਿਪੋਰਟ (PBKS vs GT)
ਅਹਿਮਦਾਬਾਦ ਦੀ ਪਿੱਚ ਬੱਲੇਬਾਜ਼ੀ ਲਈ ਅਨੁਕੂਲ ਮੰਨੀ ਜਾਂਦੀ ਹੈ। ਹੁਣ ਤੱਕ ਇੱਥੇ 35 ਆਈਪੀਐਲ ਮੈਚ ਖੇਡੇ ਜਾ ਚੁੱਕੇ ਹਨ। 15 ਵਿੱਚ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਅਤੇ 20 ਵਿੱਚ ਪਿੱਛਾ ਕਰਨ ਵਾਲੀ ਟੀਮ ਜਿੱਤ ਗਈ। ਇੱਥੇ ਸਭ ਤੋਂ ਵੱਧ ਟੀਮ ਸਕੋਰ 233/3 ਹੈ, ਜੋ ਗੁਜਰਾਤ ਟਾਈਟਨਜ਼ ਨੇ 2023 ਵਿੱਚ ਮੁੰਬਈ ਇੰਡੀਅਨਜ਼ ਵਿਰੁੱਧ ਬਣਾਇਆ ਸੀ। ਪਿੱਚ ਰਿਕਾਰਡ ਅਤੇ ਤ੍ਰੇਲ ਦੇ ਕਾਰਕ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਟਾਸ ਜਿੱਤਣ ਵਾਲੀ ਟੀਮ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕਰ ਸਕਦੀ ਹੈ।
ਅਹਿਮਦਾਬਾਦ ਵਿਖੇ ਮੌਸਮ ਰਿਪੋਰਟ
ਮੰਗਲਵਾਰ ਨੂੰ ਅਹਿਮਦਾਬਾਦ ‘ਚ ਮੌਸਮ ਬਹੁਤ ਗਰਮ ਰਹੇਗਾ। ਦਿਨ ਭਰ ਤੇਜ਼ ਧੁੱਪ ਛਾਈ ਰਹੇਗੀ। ਮੀਂਹ ਪੈਣ ਦੀ ਬਿਲਕੁਲ ਵੀ ਸੰਭਾਵਨਾ ਨਹੀਂ ਹੈ। ਮੈਚ ਵਾਲੇ ਦਿਨ ਇੱਥੇ ਤਾਪਮਾਨ 24 ਤੋਂ 41 ਡਿਗਰੀ ਸੈਲਸੀਅਸ ਤੱਕ ਰਹਿ ਸਕਦਾ ਹੈ |
Read More: DC ਬਨਾਮ LSG: ਦਿੱਲੀ ਕੈਪੀਟਲਜ਼ ਦੇ ਆਸ਼ੂਤੋਸ਼ ਸ਼ਰਮਾ ਨੇ ਲਖਨਊ ਤੋਂ ਖੋਹਿਆ ਜਿੱਤਿਆ ਮੈਚ
