ਚੰਡੀਗੜ੍ਹ, 28 ਫਰਵਰੀ 2023: ਪੰਜਾਬ ਵਿੱਚ ਲਗਾਤਾਰ ਵਧ ਰਹੇ ਸੜਕੀ ਹਾਦਸੇ (Road Accidents) ਚਿੰਤਾ ਦਾ ਵਿਸ਼ਾ ਹੈ | ਪੰਜਾਬ ਦੀਆਂ ਵੱਖ-ਵੱਖ ਥਾਵਾਂ ਤੋਂ ਰੋਜ਼ਾਨਾ ਸੜਕ ਹਾਦਸੇ ਦੀ ਖ਼ਬਰਾਂ ਆਉਂਦੀਆ ਹਨ | ਆਏ ਦਿਨ ਸੜਕ ਹਾਦਸੇ ਨਾਲ ਕੋਈ ਨਾ ਕੋਈ ਆਪਣੀ ਜਾਨ ਤੋਂ ਹੱਥ ਧੋ ਬੈਠਦਾ ਹੈ। ਅਜਿਹਾ ਇਕ ਹੋਰ ਮਾਮਲਾ ਬਰਨਾਲਾ ਤੋਂ ਸਾਹਮਣੇ ਆਇਆ ਹੈ | ਬਰਨਾਲਾ ਢਿਲਵਾਂ ਸਕੂਲ ਨਵੋਦਿਆ ਵਿੱਚ ਪੜ੍ਹ ਰਹੀ ਅਪਣੀ ਬੇਟੀ ਨੂੰ ਅਪਣੀ ਸਕੂਟਰੀ ਐਕਟੀਵਾ ‘ਤੇ ਮਿਲਣ ਜਾ ਰਹੇ ਜਗਤਾਰ ਸਿੰਘ ਤੇ ਉਸ ਦੀ ਪਤਨੀ ਨੂੰ ਢਿਲਵਾਂ ਪਟਰੋਲ ਪੰਪ ਕੋਲ ਇੱਕ ਤੇਜ਼ ਰਫਤਾਰ ਨਾਲ ਜਾ ਰਹੀ ਕਾਰ ਨੇ ਪਿਛੋਂ ਜੋਰਦਾਰ ਟੱਕਰ ਮਾਰ ਦਿੱਤੀ |
ਇਸ ਦਰਦਨਾਕ ਹਾਦਸੇ ਵਿੱਚ ਐਕਟੀਵਾ ਸਵਾਰ ਜਗਤਾਰ ਸਿੰਘ ਦੀ ਪਤਨੀ ਨਵਦੀਪ ਕੌਰ ਨੇ ਮੌਕੇ ‘ਤੇ ਹੀ ਦਮ ਤੋੜ ਦਿੱਤਾ ਅਤੇ ਗੰਭੀਰ ਜ਼ਖਮੀ ਜਗਤਾਰ ਸਿੰਘ ਨੂੰ ਸਿਵਲ ਹਸਪਤਾਲ ਬਰਨਾਲਾ ਵਿੱਚ ਲਿਆਂਦਾ ਗਿਆ, ਹਾਲਤ ਗੰਭੀਰ ਦੇਖਦਿਆਂ ਤੇ ਜਗਤਾਰ ਸਿੰਘ ਨੂੰ ਆਦੇਸ਼ ਹਸਪਤਾਲ ਵਿਖੇ ਰੈਫਰ ਕਰ ਦਿੱਤਾ , ਪਰ ਖੂਨ ਬੰਦ ਨਾ ਹੋਣ ਕਾਰਨ ਉਸ ਨੂੰ ਆਦੇਸ਼ ਹਸਪਤਾਲ ਵਿੱਚੋ ਵੀ ਡੀਐਮਸੀ ਲੁਧਿਆਣਾ ਰੈਫਰ ਕਰ ਦਿੱਤਾ, ਪਰ ਜਖਮਾਂ ਦੀ ਤਾਂਵ ਨਾ ਝੱਲਦੇ ਹੋਏ ਜਗਤਾਰ ਸਿੰਘ ਨੇ ਵੀ ਡੀਐਮਸੀ ਲੁਧਿਆਣਾ ਪਹੁੰਚਦੇ ਹੀ ਦਮ ਤੋੜ ਦਿੱਤਾ |
ਇਸ ਹਾਦਸੇ (Road Accidents) ਤੋਂ ਬਾਅਦ ਮ੍ਰਿਤਕ ਪਰਿਵਾਰ ‘ਤੇ ਦੁੱਖਾਂ ਦਾ ਪਹਾੜ ਟੁੱਟ ਗਿਆ | ਜਗਤਾਰ ਸਿੰਘ ਦੇ ਤਿੰਨ ਬੱਚੇ ਹਨ, ਜਿਹਨਾ ਵਿੱਚ ਇੱਕ ਬੇਟਾ ਦੋ ਬੇਟੀਆ ਜੋ ਕਿ ਬਹੁਤ ਛੋਟੇ ਹਨ, ਇਨ੍ਹਾਂ ਬੱਚਿਆਂ ਦੇ ਸਰ ਤੋਂ ਮਾਪਿਆਂ ਦਾ ਸਾਇਆ ਉੱਠ ਗਿਆ | ਇਸ ਹਾਦਸੇ ਤੋਂ ਬਾਅਦ ਸ਼ਹਿਰ ਦਾ ਮਾਹੌਲ ਗਮਗੀਨ ਹੋ ਗਿਆ | ਜਗਤਾਰ ਸਿੰਘ ਐਸਡੀ ਕਾਲਜ ਵਿੱਚ ਮੁਲਾਜਮ ਸੀ ਤੇ ਜੰਡਾ ਵਾਲਾ ਰੋਡ ਦੋ ਦਰਵਾਜੇ ਵਿੱਚ ਰਵਿਦਾਸੀਆ ਗੁਰੁਦਆਰਾ ਸਾਹਿਬ ਕੋਲ ਰਹਿੰਦਾ ਸੀ |
