ਪੰਜਾਬ, 05 ਜੁਲਾਈ 2025: ਪੈਰਿਸ ਪੈਰਾਲੰਪਿਕਸ ‘ਚ ਭਾਰਤ ਦੀ ਨੁਮਾਇੰਦਗੀ ਕਰਨ ਵਾਲੀ ਪੈਰਾ ਬੈਡਮਿੰਟਨ ਖਿਡਾਰਨ ਪਲਕ ਕੋਹਲੀ ਏਸ਼ੀਅਨ ਪੈਰਾ ਬੈਡਮਿੰਟਨ ਚੈਂਪੀਅਨਸ਼ਿਪ 2025 ਦੇ ਫਾਈਨਲ ਮੈਚ ਦੌਰਾਨ ਗੰਭੀਰ ਜ਼ਖਮੀ ਹੋ ਗਈ ਸੀ, ਜਿਸ ਕਾਰਨ ਉਨ੍ਹਾਂ ਨੂੰ ਟੂਰਨਾਮੈਂਟ ਤੋਂ ਬਾਹਰ ਹੋਣਾ ਪਿਆ। ਜਿਕਰਯੋਗ ਹੈ ਕਿ ਪਲਕ ਕੋਹਲੀ ਜਲੰਧਰ ਦੀ ਰਹਿਣ ਵਾਲੀ ਹੈ।
ਮਹਿਲਾ ਸਿੰਗਲਜ਼ ਫਾਈਨਲ ਮੈਚ ਦੇ ਤੀਜੇ ਸੈੱਟ ‘ਚ ਖੇਡਦੇ ਸਮੇਂ ਪਲਕ ਆਪਣਾ ਸੰਤੁਲਨ ਗੁਆ ਬੈਠੀ, ਜਿਸ ਕਾਰਨ ਉਸਦਾ ਗੋਡਾ ਮੁੜ ਗਿਆ ਅਤੇ ਉਸਨੂੰ ਗੰਭੀਰ ਸੱਟ ਲੱਗ ਗਈ। ਜਦੋਂ ਉਸਨੂੰ ਹਸਪਤਾਲ ਲਿਜਾਇਆ ਗਿਆ, ਤਾਂ ਉਸਨੂੰ ਦੱਸਿਆ ਗਿਆ ਕਿ ਉਨ੍ਹਾਂ ਨੂੰ ਛੇਤੀ ਹੀ ਸਰਜਰੀ ਦੀ ਲੋੜ ਹੈ। ਇਸ ਹਾਦਸੇ ਤੋਂ ਬਾਅਦ, ਜਦੋਂ ਕਿ ਪਲਕ ਫਾਈਨਲ ਮੈਚ ਪੂਰਾ ਨਹੀਂ ਕਰ ਸਕੀ, ਉਹ ਆਉਣ ਵਾਲੇ ਟੂਰਨਾਮੈਂਟਾਂ ਤੋਂ ਵੀ ਬਾਹਰ ਹੋ ਗਈ।
ਸਰਜਰੀ ਤੋਂ ਬਾਅਦ, ਪਲਕ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਰਾਹੀਂ ਇੱਕ ਭਾਵਨਾਤਮਕ ਪੋਸਟ ਸਾਂਝੀ ਕੀਤੀ। ਉਨ੍ਹਾਂ ਨੇ ਲਿਖਿਆ, “ਇਹ ਸਭ ਸੰਭਾਲਣਾ ਬਹੁਤ ਮੁਸ਼ਕਿਲ ਹੈ। ਜਦੋਂ ਤੁਸੀਂ ਖਿਤਾਬ ਦੇ ਇੰਨੇ ਨੇੜੇ ਹੁੰਦੇ ਹੋ ਅਤੇ ਫਿਰ ਕੁਝ ਅਜਿਹਾ ਹੁੰਦਾ ਹੈ ਜੋ ਤੁਹਾਡੇ ਹੱਥ ‘ਚ ਨਹੀਂ ਹੁੰਦਾ। ਪਲਕ ਨੇ ਅੱਗੇ ਲਿਖਿਆ ਕਿ, ਇਹੀ ਖੇਡ ਹੈ, ਇਹੀ ਜ਼ਿੰਦਗੀ ਹੈ। ਮੇਰੀ ਸਰਜਰੀ ਹੋਈ ਹੈ ਅਤੇ ਹੁਣ ਮੈਂ ਰਿਕਵਰੀ ਦੇ ਰਾਹ ‘ਤੇ ਹਾਂ। ਮੈਂ ਵਾਅਦਾ ਕਰਦੀ ਹਾਂ ਕਿ ਮੈਂ ਮਜ਼ਬੂਤ ਅਤੇ ਬਿਹਤਰ ਵਾਪਸ ਆਵਾਂਗੀ।” ਪਲਕ ਨੇ ਆਪਣੇ ਸਮਰਥਕਾਂ, ਪ੍ਰਸ਼ੰਸਕਾਂ ਅਤੇ ਟੀਮ ਦਾ ਉਨ੍ਹਾਂ ਦੇ ਪਿਆਰ ਅਤੇ ਪ੍ਰਾਰਥਨਾਵਾਂ ਲਈ ਧੰਨਵਾਦ ਵੀ ਕੀਤਾ ਜਿਨ੍ਹਾਂ ਨੇ ਇਸ ਮੁਸ਼ਕਿਲ ਸਮੇਂ ਦੌਰਾਨ ਉਸਦਾ ਸਮਰਥਨ ਕੀਤਾ।
Read More: ਹਰਿਆਣਾ ‘ਚ ਪੈਰਾ ਏਸ਼ੀਅਨ ਸੋਨ ਤਮਗਾ ਜੇਤੂ ਖਿਡਾਰੀਆਂ ਲਈ 19.72 ਕਰੋੜ ਰੁਪਏ ਦੀ ਇਨਾਮੀ ਰਾਸ਼ੀ ਮਨਜ਼ੂਰ
