ਚੰਡੀਗੜ੍ਹ, 20 ਮਾਰਚ 2024: ਬਿਹਾਰ ‘ਚ ਜਨ ਅਧਿਕਾਰ ਪਾਰਟੀ ਦੇ ਸੁਪਰੀਮੋ ਪੱਪੂ ਯਾਦਵ (Pappu Yadav) ਦੀ ਪਾਰਟੀ ਦਾ ਕਾਂਗਰਸ ਵਿੱਚ ਰਲੇਵਾਂ ਹੋ ਗਿਆ ਹੈ। ਦਿੱਲੀ ਵਿੱਚ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਇਹ ਐਲਾਨ ਕੀਤਾ ਗਿਆ ਹੈ । ਕਾਂਗਰਸ ਨੇ ਇਸ ਨੂੰ ਇਤਿਹਾਸਕ ਰਲੇਵਾਂ ਕਰਾਰ ਦਿੱਤਾ ਹੈ। ਪੱਪੂ ਯਾਦਵ ਕਾਂਗਰਸ ਦੀ ਟਿਕਟ ‘ਤੇ ਪੂਰਨੀਆ ਤੋਂ ਲੋਕ ਸਭਾ ਚੋਣ ਲੜ ਸਕਦੇ ਹਨ। ਉਨ੍ਹਾਂ ਦੀ ਘਰਵਾਲੀ ਰਣਜੀਤ ਰੰਜਨ ਰਾਜ ਸਭਾ ਮੈਂਬਰ ਹਨ। ਕਾਂਗਰਸ ਨੇ ਉਨ੍ਹਾਂ ਨੂੰ ਛੱਤੀਸਗੜ੍ਹ ਤੋਂ ਰਾਜ ਸਭਾ ਭੇਜਿਆ ਸੀ।

ਬਿਹਾਰ ਦੇ ਕਾਂਗਰਸ ਇੰਚਾਰਜ ਮੋਹਨ ਪ੍ਰਕਾਸ਼ ਨੇ ਪੱਪੂ ਯਾਦਵ (Pappu Yadav) ਦੀ ਪਾਰਟੀ ਨੂੰ ਕਾਂਗਰਸ ‘ਚ ਮਿਲਾ ਦਿੱਤਾ ਹੈ। ਪੱਪੂ ਯਾਦਵ ਦੇ ਨਾਲ ਉਨ੍ਹਾਂ ਦਾ ਬੇਟਾ ਸਾਰਥਕ ਯਾਦਵ ਵੀ ਮੌਜੂਦ ਸੀ। ਸਾਰਥਕ ਰੰਜਨ ਨੇ ਰਣਜੀ ਖੇਡਦੇ ਹਨ। ਇਸ ਮੌਕੇ ਮੋਹਨ ਪ੍ਰਕਾਸ਼ ਨੇ ਕਿਹਾ ਕਿ ਭਾਈਵਾਲੀ ਇਨਸਾਫ ਤੋਂ ਪ੍ਰਭਾਵਿਤ ਹੋ ਕੇ ਪੱਪੂ ਯਾਦਵ ਨੇ ਕਾਂਗਰਸ ਵਿੱਚ ਰਲੇਵੇਂ ਦਾ ਫੈਸਲਾ ਕੀਤਾ ਹੈ। ਪੱਪੂ ਯਾਦਵ ਦੇ ਆਉਣ ਨਾਲ ਬਿਹਾਰ ‘ਚ ਕਾਂਗਰਸ ਦੇ ਨਾਲ-ਨਾਲ ਸੰਘਟਕ ਪਾਰਟੀਆਂ ਨੂੰ ਵੀ ਬਲ ਮਿਲੇਗਾ। ਰਲੇਵੇਂ ਸਮੇਂ ਜਦੋਂ ਪੱਪੂ ਯਾਦਵ ਦੇ ਸਮਰਥਕਾਂ ਨੇ ਨਾਅਰੇਬਾਜ਼ੀ ਕੀਤੀ ਤਾਂ ਕਾਂਗਰਸੀ ਆਗੂਆਂ ਨੇ ਉਨ੍ਹਾਂ ਨੂੰ ਰੋਕ ਦਿੱਤਾ ਸੀ।