ਚੰਡੀਗੜ੍ਹ 08 ਮਈ 2025: ਪਾ.ਕਿ.ਸ.ਤਾ.ਨ ਨੇ ਵੀਰਵਾਰ ਰਾਤ ਨੂੰ ਲਗਾਤਾਰ ਦੂਜੇ ਦਿਨ ਡਰੋਨ ਅਤੇ ਮਿਜ਼ਾਈਲ ਹਮਲੇ ਕੀਤੇ ਹਨ। ਇਹ ਹਮਲੇ ਜੰਮੂ-ਕਸ਼ਮੀਰ, ਪੰਜਾਬ ਅਤੇ ਰਾਜਸਥਾਨ ‘ਚ ਕੀਤੇ ਗਏ ਸਨ। ਪਾਕਿਸਤਾਨ ਨੇ ਆਤਮਘਾਤੀ ਡਰੋਨ ਅਤੇ ਮਿਜ਼ਾਈਲਾਂ ਦਾਗੀਆਂ, ਜਿਨ੍ਹਾਂ ਨੂੰ ਭਾਰਤ ਦੇ S-400 ਹਵਾਈ ਰੱਖਿਆ ਮਿਜ਼ਾਈਲ ਪ੍ਰਣਾਲੀ ਨੇ ਮਾਰ ਸੁੱਟਿਆ ਹੈ।
ਜੰਮੂ ਅਤੇ ਪਠਾਨਕੋਟ ‘ਤੇ ਆਤਮਘਾਤੀ ਡਰੋਨਾਂ ਨਾਲ ਹਮਲਾ ਕੀਤਾ ਗਿਆ। ਪਾਕਿਸਤਾਨੀ ਡਰੋਨਾਂ ਨੇ ਜੰਮੂ ਹਵਾਈ ਅੱਡੇ ਅਤੇ ਪਠਾਨਕੋਟ ਹਵਾਈ ਫੌਜ ਸਟੇਸ਼ਨ ਨੂੰ ਨਿਸ਼ਾਨਾ ਬਣਾਇਆ, ਜਿਨ੍ਹਾਂ ਨੂੰ ਭਾਰਤੀ ਹਵਾਈ ਰੱਖਿਆ ਪ੍ਰਣਾਲੀਆਂ ਨੇ ਨਾਕਾਮ ਕਰ ਦਿੱਤਾ।
ਆਰਐਸ ਪੁਰਾ ਸੈਕਟਰ ‘ਚ ਪਾ.ਕਿ.ਸ.ਤਾ.ਨ ਵਾਲੇ ਪਾਸਿਓਂ ਭਾਰੀ ਗੋਲੀਬਾਰੀ ਹੋ ਰਹੀ ਹੈ। ਕੰਟਰੋਲ ਰੇਖਾ (LoC) ਦੇ ਨੇੜੇ ਕੁਪਵਾੜਾ ਅਤੇ ਬਾਰਾਮੂਲਾ ‘ਚ ਪਾਕਿਸਤਾਨ ਵਾਲੇ ਪਾਸਿਓਂ ਭਾਰੀ ਗੋਲੀਬਾਰੀ ਹੋ ਰਹੀ ਹੈ, ਜਿਸਦਾ ਭਾਰਤੀ ਫੌਜ ਜਵਾਬ ਦੇ ਰਹੀ ਹੈ। ਸਤਵਾਰੀ, ਸਾਂਬਾ, ਆਰਐਸ ਪੁਰਾ ਸੈਕਟਰ ਅਤੇ ਅਰਨੀਆ ‘ਚ 8 ਮਿਜ਼ਾਈਲਾਂ ਦਾਗੀਆਂ ਗਈਆਂ। ਇਹਨਾਂ ਨੂੰ ਭਾਰਤੀ S-400 ਹਵਾਈ ਰੱਖਿਆ ਪ੍ਰਣਾਲੀ ਨੇ ਵੀ ਨਾਕਾਮ ਕਰ ਦਿੱਤਾ।
Read More: ਚੰਡੀਗੜ੍ਹ ਅਤੇ ਮੋਹਾਲੀ ‘ਚ ਵਜੇ ਸਾਇਰਨ, ਬਲੈਕਆਊਟ ਦੇ ਹੁਕਮ ਜਾਰੀ
