ਚੰਡੀਗੜ੍ਹ, 16 ਮਾਰਚ 2023: ਭਾਰਤ ਦੀ ਸਟਾਰ ਮਹਿਲਾ ਮੁੱਕੇਬਾਜ਼ ਨਿਖ਼ਤ ਜ਼ਰੀਨ (Nikhat Zareen) ਨੇ ਵੀਰਵਾਰ ਨੂੰ ਨਵੀਂ ਦਿੱਲੀ ਵਿੱਚ ਮਹਿਲਾ ਵਿਸ਼ਵ ਚੈਂਪੀਅਨਸ਼ਿਪ ਦੇ ਸ਼ੁਰੂਆਤੀ ਦੌਰ ਵਿੱਚ ਸ਼ਾਨਦਾਰ ਜਿੱਤ ਦਰਜ ਕੀਤੀ ਹੈ । ਜ਼ਰੀਨ ਨੇ ਇਹ ਮੁਕਾਬਲਾ ਰੈਫਰੀ ਸਟਾਪਡ ਕੰਟੈਸਟ ਰਾਹੀਂ ਜਿੱਤਿਆ। ਨਿਖ਼ਤ ਇਸ ਸਾਲ ਖ਼ਿਤਾਬ ਦਾ ਬਚਾਅ ਕਰਨ ਆਈ ਹੈ | ਪਿਛਲੇ ਸਾਲ ਨਿਖ਼ਤ ਨੇ ਵਿਸ਼ਵ ਚੈਂਪੀਅਨਸ਼ਿਪ ਦਾ ਖ਼ਿਤਾਬ ਜਿੱਤਿਆ ਸੀ।

ਮਹਿਲਾ ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਟੂਰਨਾਮੈਂਟ ਦੀ ਸ਼ੁਰੂਆਤ ਨਿਖ਼ਤ ਜ਼ਰੀਨ ਦੇ ਮੁਕਾਬਲੇ ਨਾਲ ਹੋਈ ਅਤੇ ਮੁੱਕੇਬਾਜ਼ ਨੇ ਘਰੇਲੂ ਦਰਸ਼ਕਾਂ ਨੂੰ ਨਿਰਾਸ਼ ਨਹੀਂ ਕੀਤਾ। 50 ਕਿਲੋਗ੍ਰਾਮ ਵਰਗ ਵਿੱਚ ਮੁਕਾਬਲਾ ਕਰਦੇ ਹੋਏ, 2022 ਰਾਸ਼ਟਰਮੰਡਲ ਖੇਡਾਂ ਦੀ ਸੋਨ ਤਮਗਾ ਜੇਤੂ ਨੇ ਆਪਣੇ ਵਿਰੋਧੀ ਨੂੰ ਜਲਦੀ ਪੜ੍ਹਿਆ ਅਤੇ ਆਪਣਾ ਸਮਾਂ ਲਿਆ, ਪਰ ਇੱਕ ਵਾਰ ਜਦੋਂ ਉਸਨੇ ਅਜ਼ਰਬੈਜਾਨ ਦੀ ਮੁੱਕੇਬਾਜ਼ ਦੀ ਖੇਡ ਨੂੰ ਸਮਝ ਲਿਆ ਅਤੇ ਆਪਣੀ ਵਿਰੋਧੀ ਅਨਾਖਾਨਿਮ ਇਸਮਾਈਲੋਵਾ ‘ਤੇ ਮੁੱਕਿਆਂ ਦੀ ਵਰਖਾ ਕੀਤੀ ਅਤੇ ਮੁਕਾਬਲਾ ਜਿੱਤ ਲਿਆ |