ਚੰਡੀਗੜ੍ਹ, 17 ਅਕਤੂਬਰ 2024: ਹਰਿਆਣਾ ‘ਚ ਵਿਧਾਨ ਸਭਾ ਚੋਣਾਂ ‘ਚ 2024 ਭਾਜਪਾ ਨੇ ਤੀਜੀ ਵਾਰ ਇਤਿਹਾਸਕ ਜਿੱਤ ਹਾਸਲ ਕੀਤੀ ਹੈ। ਨਾਇਬ ਸੈਣੀ (Nayab Saini) ਨੇ ਅੱਜ ਦੂਜੀ ਵਾਰ ਹਰਿਆਣਾ ਦੇ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕੀ ਹੈ | ਇਸ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ, ਰਾਜਨਾਥ ਸਿੰਘ, ਕੇਂਦਰੀ ਮੰਤਰੀ ਅਮਿਤ ਸ਼ਾਹ ਆਦਿ ਵੱਡੇ ਆਗੂ ਹਾਜ਼ਰ ਹਨ | ਇਹ ਸਹੁੰ ਚੁੱਕ ਸਮਾਗਮ ਪੰਚਕੂਲਾ ਦੇ ਦੁਸਹਿਰਾ ਗਰਾਊਂਡ ‘ਚ ਹੋ ਰਿਹਾ ਹੈ।

ਹਰਿਆਣਾ ਦੀ ਨਵੀਂ ਮੰਤਰੀ ਮੰਡਲ ‘ਚ ਨਾਇਬ ਸੈਣੀ ਦੇ ਨਾਲ 13 ਮੰਤਰੀ ਸਹੁੰ ਚੁੱਕਣਗੇ। ਇਨ੍ਹਾਂ ‘ਚ ਅਨਿਲ ਵਿੱਜ, ਸ਼ਿਆਮ ਸਿੰਘ ਰਾਣਾ, ਮਹੀਪਾਲ ਢਾਂਡਾ, ਕ੍ਰਿਸ਼ਨ ਲਾਲ ਪੰਵਾਰ, ਅਰਵਿੰਦ ਸ਼ਰਮਾ, ਰਣਬੀਰ ਸਿੰਘ ਗੰਗਵਾ, ਆਰਤੀ ਰਾਓ, ਸ਼ਰੂਤੀ ਚੌਧਰੀ, ਰਾਓ ਨਰਬੀਰ ਸਿੰਘ, ਵਿਪੁਲ ਗੋਇਲ, ਰਾਜੇਸ਼ ਨਾਗਰ ਗੁੱਜਰ, ਗੌਰਵ ਗੌਤਮ ਅਤੇ ਕ੍ਰਿਸ਼ਨ ਕੁਮਾਰ ਬੇਦੀ ਦੇ ਨਾਂ ਸ਼ਾਮਲ ਹਨ। ਸਾਰੇ ਵਿਧਾਇਕ ਸਟੇਜ ‘ਤੇ ਪਹੁੰਚ ਗਏ ਹਨ।