ਚੰਡੀਗੜ੍ਹ, 09 ਅਗਸਤ 2023: ਭਾਰਤੀ ਕ੍ਰਿਕਟ ਟੀਮ ਦੇ ਸਟਾਰ ਆਲਰਾਊਂਡਰ ਰਵਿੰਦਰ ਜਡੇਜਾ (Ravindra Jadeja) ਸਾਲ 2023 ਵਿੱਚ ਸਭ ਤੋਂ ਵੱਧ ਡੋਪ ਟੈਸਟ ਕੀਤੇ ਜਾਣ ਵਾਲੇ ਪਹਿਲੇ ਭਾਰਤੀ ਖਿਡਾਰੀ ਬਣ ਗਏ ਹਨ ਅਤੇ ਇਸ ਦੇ ਨਾਲ ਜਡੇਜਾ ਦੇ ਪਹਿਲੇ ਪੰਜ ਮਹੀਨਿਆਂ ਵਿੱਚ ਲਗਭਗ 58 ਸੈਂਪਲ ਲਏ ਗਏ ਹਨ।

ਦਰਅਸਲ, ਨੈਸ਼ਨਲ ਐਂਟੀ-ਡੋਪਿੰਗ ਏਜੰਸੀ (NADA) ਦੁਆਰਾ ਜਾਰੀ ਅੰਕੜਿਆਂ ਦੇ ਅਨੁਸਾਰ, ਜਡੇਜਾ (Ravindra Jadeja) ਨੇ ਇਸ ਸਾਲ ਜਨਵਰੀ ਤੋਂ ਮਈ ਦੇ ਵਿਚਕਾਰ ਤਿੰਨ ਵਾਰ ਡੋਪ ਟੈਸਟ ਦਿੱਤਾ ਸੀ, ਜਿਸ ਨਾਲ ਉਹ ਸਾਲ 2023 ਵਿੱਚ ਸਭ ਤੋਂ ਵੱਧ ਟੈਸਟ ਕੀਤੇ ਗਏ ਕ੍ਰਿਕਟਰ ਬਣ ਗਏ ਸਨ।

ਰਾਸ਼ਟਰੀ ਡੋਪਿੰਗ ਰੋਕੂ ਏਜੰਸੀ ਦੁਆਰਾ ਜਾਰੀ ਤਾਜ਼ਾ ਸੂਚੀ ਦੇ ਅਨੁਸਾਰ, ਇਸ ਸਾਲ 2023 ਦੇ ਪਹਿਲੇ ਪੰਜ ਮਹੀਨਿਆਂ ਵਿੱਚ, ਕੁੱਲ 55 ਪੁਰਸ਼ ਅਤੇ ਮਹਿਲਾ ਕ੍ਰਿਕਟਰਾਂ ਦੇ 58 ਨਮੂਨਿਆਂ ਦੀ ਜਾਂਚ ਕੀਤੀ ਗਈ ਹੈ। ਹਾਲਾਂਕਿ ਪਿਛਲੇ ਦੋ ਸਾਲਾਂ ਦੇ ਮੁਕਾਬਲੇ ਇਸ ਸਾਲ ਸੈਂਪਲ ਲੈਣ ਵਾਲੇ ਖਿਡਾਰੀਆਂ ਦੀ ਗਿਣਤੀ ਬਹੁਤ ਜ਼ਿਆਦਾ ਹੋਣ ਦੀ ਉਮੀਦ ਹੈ।

ਜੇਕਰ ਨਾਡਾ ਦੇ ਅੰਕੜਿਆਂ ਦੀ ਮੰਨੀਏ ਤਾਂ ਸਾਲ 2021 ਅਤੇ 2022 ‘ਚ ਕ੍ਰਿਕਟਰਾਂ ਤੋਂ 54 ਅਤੇ 60 ਸੈਂਪਲ ਲਏ ਗਏ ਸਨ। ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਅਤੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਦਾ 2023 ਦੇ ਪਹਿਲੇ ਪੰਜ ਮਹੀਨਿਆਂ ਦੌਰਾਨ ਟੈਸਟ ਨਹੀਂ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ ਟੀ-20 ਟੀਮ ਦੇ ਕਪਤਾਨ ਹਾਰਦਿਕ ਪੰਡਯਾ ਦੇ ਪਿਸ਼ਾਬ ਦਾ ਨਮੂਨਾ ਵੀ ਅਪ੍ਰੈਲ ‘ਚ ਲਿਆ ਗਿਆ ਸੀ।

ਤੁਹਾਨੂੰ ਦੱਸ ਦਈਏ ਕਿ ਪਿਛਲੇ ਦੋ ਸਾਲਾਂ ਦੇ ਨਾਡਾ ਦੇ ਅੰਕੜਿਆਂ ਦੇ ਅਨੁਸਾਰ, ਸਾਲ 2021 ਅਤੇ 2022 ਵਿੱਚ, ਰੋਹਿਤ ਸ਼ਰਮਾ 3 ਵੱਖ-ਵੱਖ ਟੈਸਟ ਦੇਣ ਵਾਲੇ ਖਿਡਾਰੀ ਬਣੇ ਹਨ। ਜਿੱਥੇ ਵਿਰਾਟ ਕੋਹਲੀ ਵਿਰਾਟ ਦਾ ਇਨ੍ਹਾਂ ਦੋ ਸਾਲਾਂ ਵਿੱਚ ਇੱਕ ਵੀ ਟੈਸਟ ਨਹੀਂ ਹੋਇਆ। ਜਦੋਂ ਕਿ ਸਾਲ 2022 ਵਿੱਚ ਮਹਿਲਾ ਕ੍ਰਿਕਟਰਾਂ ਲਈ ਲਗਭਗ 20 ਟੈਸਟ ਖੇਡੇ ਗਏ। ਅਤੇ ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਸਿਰਫ ਦੋ ਮਹਿਲਾ ਖਿਡਾਰਨਾਂ ਹਰਮਨਪ੍ਰੀਤ ਕੌਰ ਅਤੇ ਸਮ੍ਰਿਤੀ ਮੰਧਾਨਾ ਦਾ ਇੱਕ-ਇੱਕ ਵਾਰ ਟੈਸਟ ਹੋਇਆ ਹੈ।

ਦਰਅਸਲ, ਸੂਰਿਆਕੁਮਾਰ ਯਾਦਵ, ਕੇਐਲ ਰਾਹੁਲ, ਈਸ਼ਾਨ ਕਿਸ਼ਨ, ਮੁਹੰਮਦ ਸਿਰਾਜ, ਦੀਪਕ ਚਾਹਰ, ਮਯੰਕ ਅਗਰਵਾਲ, ਰਾਹੁਲ ਤ੍ਰਿਪਾਠੀ, ਭੁਵਨੇਸ਼ਵਰ ਕੁਮਾਰ, ਰਿਧੀਮਾਨ ਸਾਹਾ, ਦਿਨੇਸ਼ ਕਾਰਤਿਕ, ਯਸ਼ਸਵੀ ਜੈਸਵਾਲ, ਅੰਬਾਤੀ ਰਾਇਡੂ, ਪੀਯੂਸ਼ ਚਾਵਲਾ ਅਤੇ ਮਨੀਸ਼ ਪਾਂਡੇ ਵਰਗੇ ਖਿਡਾਰੀਆਂ ਦਾ ਸਾਲ 2023 ਡੋਪ ਟੈਸਟ ਹੋਇਆ ਸੀ ।

ਇਸ ਤੋਂ ਇਲਾਵਾ ਇਸ ਸੂਚੀ ‘ਚ ਵਿਦੇਸ਼ੀ ਖਿਡਾਰੀ ਵੀ ਮੌਜੂਦ ਹਨ। ਡੇਵਿਡ ਵਿਜ਼, ਡੇਵਿਡ ਮਿਲਰ, ਕੈਮਰਨ ਗ੍ਰੀਨ, ਸੁਨੀਲ ਨਰਾਇਣ, ਆਂਦਰੇ ਰਸਲ, ਡੇਵਿਡ ਵਾਰਨਰ, ਰਾਸ਼ਿਦ ਖਾਨ, ਡੇਵਿਡ ਵਿਲੀ, ਟ੍ਰੇਂਟ ਬੋਲਟ, ਮਾਰਕਸ ਸਟੋਇਨਿਸ, ਸੈਮ ਕੁਰਾਨ, ਲਿਆਮ ਲਿਵਿੰਗਸਟੋਨ, ​​ਮਾਰਕ ਵੁੱਡ, ਐਡਮ ਜੈਂਪਾ ਅਤੇ ਜੋਫਰਾ ਆਰਚਰ ਵਰਗੇ ਕਈ ਵੱਡੇ ਖਿਡਾਰੀ ਸ਼ਾਮਲ ਹਨ। ਜਿਨ੍ਹਾਂ ਨੇ IPL ਦੌਰਾਨ ਡੋਪ ਟੈਸਟ ਦਿੱਤਾ ਹੈ।