ਮੁੰਬਈ, 30 ਅਕਤੂਬਰ 2025: ਮੁੰਬਈ ਪੁਲਿਸ ਨੇ 60 ਸਾਲਾ ਨਕਲੀ ਵਿਗਿਆਨੀ ਅਖਤਰ ਕੁਤੁਬੁੱਦੀਨ ਹੁਸੈਨੀ ਨੂੰ ਵਰਸੋਵਾ ਤੋਂ ਗ੍ਰਿਫ਼ਤਾਰ ਕੀਤਾ। ਉਨ੍ਹਾਂ ਨੇ ਭਾਭਾ ਪਰਮਾਣੂ ਖੋਜ ਕੇਂਦਰ (BARC) ਦਾ ਅਧਿਕਾਰੀ ਹੋਣ ਦਾ ਦਾਅਵਾ ਕੀਤਾ ਸੀ ਅਤੇ BARC ‘ਚ ਵੀ ਘੁਸਪੈਠ ਕੀਤੀ ਸੀ।
ਪੁਲਿਸ ਮੁਤਾਬਕ ਅਖਤਰ ਤੋਂ ਚੌਦਾਂ ਨਕਸ਼ੇ, ਪ੍ਰਮਾਣੂ ਬਲੂਪ੍ਰਿੰਟ ਅਤੇ ਤਿੰਨ ਪਾਸਪੋਰਟ ਬਰਾਮਦ ਕੀਤੇ ਗਏ ਹਨ, ਜਿਨ੍ਹਾਂ ਦੀ ਵਰਤੋਂ ਉਨ੍ਹਾਂ ਕਈ ਵਿਦੇਸ਼ ਯਾਤਰਾਵਾਂ ਲਈ ਕੀਤੀ ਸੀ। ਇਨ੍ਹਾਂ ਯਾਤਰਾਵਾਂ ਨੂੰ ਜਾਸੂਸੀ ਜਾਂ ਗੁਪਤ ਜਾਣਕਾਰੀ ਦੇ ਆਦਾਨ-ਪ੍ਰਦਾਨ ਨਾਲ ਜੋੜਨ ਦਾ ਸ਼ੱਕ ਹੈ।
ਅਧਿਕਾਰੀ ਪਿਛਲੇ ਦੋ ਸਾਲਾਂ ਤੋਂ ਅਖਤਰ ਨੂੰ ਟਰੈਕ ਕਰ ਰਹੇ ਸਨ। NIA ਅਤੇ IB ਤੋਂ ਮਿਲੀ ਜਾਣਕਾਰੀ ਤੋਂ ਬਾਅਦ ਅਪਰਾਧ ਸ਼ਾਖਾ ਨੇ ਉਸਨੂੰ ਗ੍ਰਿਫਤਾਰ ਕੀਤਾ। ਘਰ ਦੀ ਤਲਾਸ਼ੀ ਦੌਰਾਨ, ਪੁਲਿਸ ਨੇ ਨਕਲੀ ਪਾਸਪੋਰਟ, ਆਧਾਰ ਕਾਰਡ, ਪੈਨ ਕਾਰਡ ਅਤੇ ਨਕਲੀ BARC ਆਈਡੀ ਕਾਰਡ ਬਰਾਮਦ ਕੀਤੇ।
ਇੱਕ ਪਛਾਣ ਪੱਤਰ ‘ਤੇ ਅਲੀ ਰਜ਼ਾ ਹੁਸੈਨ ਦਾ ਨਾਮ ਸੀ, ਜਦੋਂ ਕਿ ਦੂਜੇ ‘ਤੇ ਅਲੈਗਜ਼ੈਂਡਰ ਪਾਮਰ ਦਾ ਨਾਮ ਸੀ। ਪੁਲਿਸ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਹੁਸੈਨੀ ਨੇ ਪਿਛਲੇ ਕੁਝ ਮਹੀਨਿਆਂ ‘ਚ ਕਈ ਅੰਤਰਰਾਸ਼ਟਰੀ ਕਾਲਾਂ ਕੀਤੀਆਂ ਸਨ।
ਇਹ ਸ਼ੱਕ ਹੈ ਕਿ ਉਸਦਾ ਵਿਦੇਸ਼ੀ ਨੈੱਟਵਰਕਾਂ ਨਾਲ ਸੰਪਰਕ ਸੀ ਜੋ ਬਰਾਮਦ ਕੀਤੇ ਗਏ ਸ਼ੱਕੀ ਪ੍ਰਮਾਣੂ ਡੇਟਾ ਨਾਲ ਜੁੜੇ ਹੋ ਸਕਦੇ ਹਨ ਅਤੇ ਉਹ ਉਨ੍ਹਾਂ ਨੂੰ ਸੰਵੇਦਨਸ਼ੀਲ ਦਸਤਾਵੇਜ਼ ਵੇਚਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
Read More: ਬਿਹਾਰ ‘ਚ ਸਰਕਾਰ ਨਿਤੀਸ਼ ਕੁਮਾਰ ਨਹੀਂ, ਅਮਿਤ ਸ਼ਾਹ ਤੇ PM ਮੋਦੀ ਚਲਾਉਂਦੇ ਹਨ: ਰਾਹੁਲ ਗਾਂਧੀ
