ਮੁਕਤਸਰ 19 ਅਕਤੂਬਰ 2024: ਬਠਿੰਡਾ ਮਾਰਗ ‘ਤੇ ਸਥਿਤ ਪਿੰਡ ਭੁੱਲਰ ਵਿਖੇ ਨਹਿਰ ‘ਚ ਸ਼ੱਕੀ ਹਲਾਤਾਂ ਵਿਚ ਕਾਰ ਸਮੇਤ ਡਿੱਗੇ ਬੈਂਕ ਮੈਨੇਜਰ ਦੀ ਕਾਰ ਅਤੇ ਲਾਸ਼ ਨੂੰ ਸ਼ਾਮ ਸਮੇਂ ਨਹਿਰ ਵਿਚੋਂ ਕੱਢ ਲਿਆ ਗਿਆ। ਘਟਨਾ ਕਿਸ ਤਰ੍ਹਾਂ ਵਾਪਰੀ ਇਸ ਸਬੰਧੀ ਪੁਲਿਸ ਅਜੇ ਜਾਂਚ ਕਰ ਰਹੀ ਹੈ।
ਮੁਕਤਸਰ ਸਾਹਿਬ ਵਾਸੀ ਬੈਂਕ ਮੈਨੇਜਰ ਸਿਮਰਨਦੀਪ ਸਿੰਘ ਬੀਤੇ ਦਿਨ ਤੋਂ ਸ਼ੱਕੀ ਹਾਲਤ ਵਿਚ ਲਾਪਤਾ ਸੀ। ਇਸ ਮਾਮਲੇ ਵਿਚ ਪੁਲਿਸ ਵੱਲੋਂ ਜਾਂਚ ਕਰਨ ਤੇ ਸਾਹਮਣੇ ਆਇਆ ਕਿ ਸਿਮਰਨਦੀਪ ਸਿੰਘ ਆਪਣੇ ਦੋਸਤਾਂ ਨਾਲ ਸ੍ਰੀ ਮੁਕਤਸਰ ਸਾਹਿਬ ਬਠਿੰਡਾ ਮਾਰਗ ਤੇ ਲੰਘਦੀ ਨਹਿਰ ਕੋਲ ਪਾਰਟੀ ਕਰ ਰਿਹਾ ਸੀ|
ਅੱਜ ਸਵੇਰ ਤੋਂ ਹੀ ਐਨ.ਡੀ.ਆਰ.ਐਫ ਦੀਆਂ ਟੀਮਾਂ ਅਤੇ ਗੋਤਾਖੋਰ ਨਹਿਰ ਵਿਚ ਭਾਲ ਕਰ ਰਹੇ ਸਨ। ਇਸ ਦੌਰਾਨ ਗੋਤਾਖੋਰਾਂ ਨੇ ਨਹਿਰ ਵਿਚ ਕਾਰ ਅਤੇ ਕਾਰ ਵਿਚ ਲਾਸ਼ ਹੋਣ ਦੀ ਪੁਸ਼ਟੀ ਕੀਤੀ। ਜਿਸ ਉਪਰੰਤ ਕਰੇਨ ਮੰਗਵਾ ਕੇ ਨਹਿਰ ਵਿਚੋ ਕਾਰ ਨੂੰ ਲਾਸ਼ ਸਮੇਤ ਕੱਢ ਲਿਆ ਗਿਆ। ਇਸ ਮਾਮਲੇ ਵਿਚ ਪੁਲਿਸ ਅਜੇ ਜਾਂਚ ਕਰ ਰਹੀ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਬੈਂਕ ਮੈਨੇਜਰ ਸਿਮਰਨਦੀਪ ਸਿੰਘ ਅਤੇ ਉਸਦੇ ਦੋਸਤ ਜੋ ਸ਼ਹਿਰ ਦੇ ਨਾਮਵਰ ਡਾਕਟਰ ਹਨ ਦੇਰ ਰਾਤ ਤੱਕ ਨਹਿਰ ਕਿਨਾਰੇ ਪਾਰਟੀ ਕਰਦੇ ਰਹੇ, ਇਸ ਦੌਰਾਨ ਹੀ ਇਹ ਹਾਦਸਾ ਵਾਪਰਿਆ। ਹਾਦਸਾ ਕਿਸ ਤਰ੍ਹਾਂ ਵਾਪਰਿਆ ਇਸ ਸਬੰਧੀ ਪੁਲਿਸ ਜਾਂਚ ਕਰ ਰਹੀ ਹੈ।
