26 ਜੁਲਾਈ 2025: ਯੂਪੀ ਵਿੱਚ ਇੱਕ ਵਾਰ ਫਿਰ ਮੌਨਸੂਨ (monsoon) ਸਰਗਰਮ ਹੋ ਗਿਆ ਹੈ। ਮੌਸਮ ਵਿਭਾਗ ਨੇ ਅੱਜ 59 ਜ਼ਿਲ੍ਹਿਆਂ ਵਿੱਚ ਮੀਂਹ ਦੀ ਚੇਤਾਵਨੀ ਜਾਰੀ ਕੀਤੀ ਹੈ। ਸ਼ੁੱਕਰਵਾਰ ਨੂੰ ਲਖਨਊ, ਬਾਰਾਬੰਕੀ ਸਮੇਤ 20 ਤੋਂ ਵੱਧ ਜ਼ਿਲ੍ਹਿਆਂ ਵਿੱਚ ਭਾਰੀ ਮੀਂਹ ਪਿਆ। ਸੜਕਾਂ ਪਾਣੀ ਵਿੱਚ ਡੁੱਬ ਗਈਆਂ। ਤੇਜ਼ ਤੂਫ਼ਾਨ ਕਾਰਨ ਕਈ ਥਾਵਾਂ ‘ਤੇ ਬਿਜਲੀ ਦੇ ਖੰਭੇ ਉੱਖੜ ਗਏ। ਇਸ ਕਾਰਨ ਬਿਜਲੀ ਸਪਲਾਈ ਠੱਪ ਹੋ ਗਈ। ਬਿਜਲੀ ਡਿੱਗਣ ਅਤੇ ਮੀਂਹ ਕਾਰਨ 6 ਲੋਕਾਂ ਦੀ ਮੌਤ ਹੋ ਗਈ।
ਖਰਾਬ ਮੌਸਮ ਕਾਰਨ ਲਖਨਊ ਆ ਰਹੀ ਉਡਾਣ ਆਗਰਾ ਤੋਂ ਜੈਪੁਰ (jaipur) ਵਾਪਸ ਪਰਤੀ। ਲਖਨਊ ਵਿੱਚ ਸ਼ਾਮ 4 ਵਜੇ 40 ਤੋਂ 50 ਕਿਲੋਮੀਟਰ ਦੀ ਰਫ਼ਤਾਰ ਨਾਲ ਹਵਾ ਚੱਲੀ। ਕਈ ਥਾਵਾਂ ‘ਤੇ ਦਰੱਖਤ ਉੱਖੜ ਗਏ। ਗੋਮਤੀ ਨਗਰ ਦੇ ਵਿਭੂਤੀ ਖੰਡ ਵਿੱਚ ਸਾਈਬਰ ਟਾਵਰ ਦੀ ਇਮਾਰਤ ਦੀ ਬਾਲਕੋਨੀ ਡਿੱਗ ਗਈ। ਮਲਬੇ ਹੇਠ ਦੱਬਣ ਕਾਰਨ ਬਾਰਾਬੰਕੀ ਦੇ ਇੱਕ ਨੌਜਵਾਨ ਦੀ ਮੌਤ ਹੋ ਗਈ।
ਅਯੁੱਧਿਆ ਵਿੱਚ ਮੀਂਹ ਕਾਰਨ ਰਾਮਘਾਟ ਚੌਰਾਹੇ ‘ਤੇ 3 ਫੁੱਟ ਪਾਣੀ ਭਰ ਗਿਆ। ਬਾਰਾਬੰਕੀ ਵਿੱਚ ਤੇਜ਼ ਤੂਫ਼ਾਨ ਕਾਰਨ ਪੀਡਬਲਯੂਡੀ ਦਾ ਸਾਈਨਬੋਰਡ ਡਿੱਗ ਗਿਆ। ਸਕੂਟਰ ਚਕਨਾਚੂਰ ਹੋ ਗਿਆ।
ਲਲਿਤਪੁਰ ਵਿੱਚ 4 ਡੈਮ ਓਵਰਫਲੋ ਹੋ ਗਏ। ਮਾਟਾਟੀਲਾ ਦੇ 20 ਅਤੇ ਗੋਵਿੰਦ ਸਾਗਰ ਦੇ 8 ਗੇਟ ਖੋਲ੍ਹ ਕੇ ਪਾਣੀ ਛੱਡਿਆ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਰਾਜਘਾਟ ਅਤੇ ਸ਼ਾਹਜਹਾਂ ਡੈਮ ਦੇ ਗੇਟ ਵੀ ਖੋਲ੍ਹ ਦਿੱਤੇ ਗਏ ਹਨ।
Read More: ਅਸਮਾਨੀ ਬਿਜਲੀ ਦਾ ਕਹਿਰ, ਉੱਤਰ ਪ੍ਰਦੇਸ਼ ‘ਚ ਹੁਣ ਤੱਕ 25 ਜਣਿਆਂ ਦੀ ਮੌ.ਤ
