ਹਿਮਾਚਲ ਪ੍ਰਦੇਸ਼, 20 ਜੂਨ 2025: Himachal Pradesh Weather: ਹਿਮਾਚਲ ਪ੍ਰਦੇਸ਼ ‘ਚ ਦੱਖਣ-ਪੱਛਮੀ ਮਾਨਸੂਨ ਨੇ ਦਸਤਕ ਦੇ ਦਿੱਤੀ ਹੈ। ਮਾਨਸੂਨ ਸ਼ੁੱਕਰਵਾਰ ਨੂੰ ਸ਼ਿਮਲਾ ਸਮੇਤ ਸੂਬਿਆਂ ਦੇ ਕੁਝ ਹਿੱਸਿਆਂ ‘ਚ ਦਾਖਲ ਹੋ ਗਿਆ। ਹਿਮਾਚਲ ‘ਚ ਇਸ ਵਾਰ ਮਾਨਸੂਨ ਨੇ ਸੱਤ ਦਿਨ ਪਹਿਲਾਂ ਦਸਤਕ ਦਿੱਤੀ ਹੈ। ਪਿਛਲੇ ਸਾਲ, ਮਾਨਸੂਨ 27 ਜੂਨ ਨੂੰ ਸੂਬੇ ‘ਚ ਦਾਖਲ ਹੋਇਆ ਸੀ। ਹਿਮਾਚਲ ਦੀ ਰਾਜਧਾਨੀ ਅਤੇ ਹੋਰ ਹਿੱਸਿਆਂ ‘ਚ ਭਾਰੀ ਮੀਂਹ ਪੈ ਰਿਹਾ ਹੈ। ਸ਼ਿਮਲਾ ਸਵੇਰ ਤੋਂ ਹੀ ਸੰਘਣੀ ਧੁੰਦ ‘ਚ ਢੱਕਿਆ ਹੋਇਆ ਹੈ। ਧੁੰਦ ਕਾਰਨ ਦ੍ਰਿਸ਼ਟੀ ਬਹੁਤ ਘੱਟ ਹੈ।
ਇਸ ਕਾਰਨ ਵਾਹਨ ਚਾਲਕਾਂ ਨੂੰ ਵਾਹਨ ਚਲਾਉਣ ‘ਚ ਬਹੁਤ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਦੂਜੇ ਪਾਸੇ, ਭਾਰੀ ਬਾਰਿਸ਼ ਕਾਰਨ ਚੇਤੜੁ ਨੇੜੇ ਜ਼ਮੀਨ ਖਿਸਕਣ ਕਾਰਨ ਕਾਂਗੜਾ-ਧਰਮਸ਼ਾਲਾ ਸੜਕ ਬੰਦ ਹੋ ਗਈ ਸੀ। ਸਵੇਰੇ 8:30 ਵਜੇ ਤੋਂ ਸੜਕ ਬੰਦ ਰਹੀ। ਵਾਹਨਾਂ ਨੂੰ ਸ਼ੀਲਾ-ਔਰਾ-ਸਰਾਹ ਸੜਕ ਰਾਹੀਂ ਕਾਂਗੜਾ ਭੇਜਿਆ ਗਿਆ ਸੀ। ਇਸ ਦੇ ਨਾਲ ਹੀ ਸ਼ਿਮਲਾ ਦੇ ਜਾਤੋਗ ਛਾਉਣੀ ਖੇਤਰ ‘ਚ ਹਟਨੀ ਕੀ ਧਾਰ ਨੇੜੇ ਜ਼ਮੀਨ ਖਿਸਕਣ ਕਾਰਨ ਮੁੱਖ ਸੜਕ ਪੂਰੀ ਤਰ੍ਹਾਂ ਬੰਦ ਹੋ ਗਈ ਸੀ। ਇੱਕ ਵਾਹਨ ਵੀ ਜ਼ਮੀਨ ਖਿਸਕਣ ਦੀ ਲਪੇਟ ‘ਚ ਆ ਗਿਆ ਅਤੇ ਪੂਰੀ ਤਰ੍ਹਾਂ ਨੁਕਸਾਨਿਆ ਗਿਆ।
ਮੌਸਮ ਵਿਗਿਆਨ ਕੇਂਦਰ ਸ਼ਿਮਲਾ ਦੇ ਮੁਤਾਬਕ ਹਿਮਾਚਲ ਪ੍ਰਦੇਸ਼ ‘ਚ ਸੱਤ ਦਿਨਾਂ ਲਈ ਭਾਰੀ ਮੀਂਹ ਲਈ ਔਰੇਂਜ-ਯੈਲੋ ਅਲਰਟ ਜਾਰੀ ਕੀਤਾ ਹੈ। ਮੌਸਮ ਵਿਭਾਗ ਮੁਤਾਬਕ 20, 21 ਅਤੇ 24 ਜੂਨ ਨੂੰ ਸੂਬੇ ਦੇ ਕਈ ਹਿੱਸਿਆਂ ‘ਚ ਭਾਰੀ ਮੀਂਹ ਲਈ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ। ਜਦੋਂ ਕਿ 22, 23, 25 ਅਤੇ 26 ਜੂਨ ਨੂੰ ਔਰੇਂਜ ਅਲਰਟ ਜਾਰੀ ਕੀਤਾ ਗਿਆ ਹੈ।
Read More: Himachal Weather: ਹਿਮਾਚਲ ਛੇਤੀ ਪਹੁੰਚੇਗਾ ਮਾਨਸੂਨ, ਭਾਰੀ ਮੀਂਹ ਪੈਣ ਦੀ ਭਵਿੱਖਬਾਣੀ
