ਲੁਧਿਆਣਾ, 17 ਜੂਨ 2023: ਮਨਦੀਪ ਸਿੰਘ ਸਿੱਧੂ, ਆਈ.ਪੀ.ਐਸ., ਕਮਿਸ਼ਨਰ ਪੁਲਿਸ, ਲੁਧਿਆਣਾ ਨੇ CMS ਲੁੱਟ ਕੇਸ, ਜਿਸ ਦੇ ਸਬੰਧ ਵਿੱਚ ਮੁਕੱਦਮਾ ਨੰਬਰ 81 ਮਿਤੀ 10-06-2023 ਅ/ਧ 395,342,323,506,427, 120-ਬੀ ਭ:ਦੰਡ ਅਤੇ 25-54-59 ਅਸਲਾ ਐਕਟ ਥਾਣਾ ਸਰਾਭਾ ਨਗਰ, ਲੁਧਿਆਣਾ ਦਰਜ ਹੈ |
ਮਾਮਲੇ ਸਬੰਧੀ ਦੱਸਿਆ ਕਿ ਸੋਮਿਆ ਮਿਸ਼ਰਾ, ਆਈ.ਪੀ.ਐਸ, ਜੁਆਇੰਟ ਕਮਿਸ਼ਨਰ ਪੁਲਿਸ, ਸਿਟੀ, ਲੁਧਿਆਣਾ, ਹਰਮੀਤ ਸਿੰਘ ਹੁੰਦਲ, ਪੀ.ਪੀ.ਐਸ, ਡਿਪਟੀ ਕਮਿਸਨਰ ਪੁਲਿਸ, ਇੰਨਵੈਸਟੀਗੇਸ਼ਨ, ਲੁਧਿਆਣਾ, ਸੁਭਮ ਅਗਰਵਾਲ, ਆਈ.ਪੀ.ਐਸ., ਵਧੀਕ ਡਿਪਟੀ ਕਮਿਸ਼ਨਰ ਪੁਲਿਸ, ਜੋਨ-3, ਲੁਧਿਆਣਾ, ਸਮੀਰ ਵਰਮਾ, ਪੀ.ਪੀ.ਐਸ., ਵਧੀਕ ਡਿਪਟੀ ਕਮਿਸ਼ਨਰ ਪੁਲਿਸ, ਓਪਰੇਸ਼ਨ, ਲੁਧਿਆਣਾ, ਮਨਦੀਪ ਸਿੰਘ, ਪੀ.ਪੀ.ਐਸ., ਸਹਾਇਕ ਕਮਿਸ਼ਨਰ ਪੁਲਿਸ, ਪੱਛਮੀ, ਲੁਧਿਆਣਾ, ਇੰਸ: ਕੁਲਵੰਤ ਸਿੰਘ, ਇੰਚਾਰਜ ਸੀ.ਆਈ.ਏ.-1 ਲੁਧਿਆਣਾ, ਇੰਸ, ਬੇਅੰਤ ਜੁਨੇਜਾ, ਇੰਚਾਰਜ ਸੀ.ਆਈ.ਏ.-2, ਲੁਧਿਆਣਾ ਇੰਸ: ਅਵਤਾਰ ਸਿੰਘ, ਇੰਚਾਰਜ ਸੀ.ਆਈ.ਏ.-3 ਲੁਧਿਆਣਾ ਅਤੇ ਕਾਊਂਟਰ ਇੰਟਲੈਜੱਸ ਦੀ ਟੀਮ ਨੇ ਹੋਰ ਸਫਲਤਾ ਹਾਸਲ ਕਰਦੇ ਹੋਏ ਇਸ ਮੁੱਕਦਮਾ ਵਿੱਚ ਇਸ ਲੁੱਟ ਦੀ ਮਾਸਟਰ ਮਾਈਂਡ ਦੋਸ਼ਣ ਮਨਦੀਪ ਕੌਰ ਉਰਫ ਮੋਨਾ ਅਤੇ ਇਸਦੇ ਪਤੀ ਜਸਵਿੰਦਰ ਸਿੰਘ ਵਾਸੀਆਨ ਮਕਾਨ ਨੰਬਰ 530, ਰਾਮ ਗੁੜੀਆ ਰੋਡ, ਬਰਨਾਲਾ ਨੂੰ ਉਤਰਾਖੰਡ ਤੋ ਗ੍ਰਿਫਤਾਰ ਕੀਤਾ ਹੈ। ਜੋ ਦੋਸ਼ੀਆ ਦੀ ਪੁੱਛ-ਗਿੱਛ ਪਰ ਦੋਸ਼ਣ ਮਨਦੀਪ ਕੌਰ ਉਰਫ ਮੋਨਾ ਦੀ ਸਕੂਟਰੀ ਜੂਪੀਟਰ ਵਿੱਚੋ ਜੋ ਕਿ ਉਸਨੇ ਆਪਣੇ ਘਰਵਾਲੇ ਦੇ ਰਿਸ਼ਤੇਦਾਰ ਦੇ ਘਰ ਦਿੜਬੇ ਖੜੀ ਕੀਤੀ ਹੋਈ ਸੀ ਵਿਚੋਂ ਲੁੱਟੇ ਹੋਏ 12 ਲੱਖ ਰੁਪਏ ਅਤੇ ਜਸਵਿੰਦਰ ਸਿੰਘ ਦੇ ਬਰਨਾਲਾ ਵਿਖੇ ਘਰ ਤੋਂ ਲੁੱਟ ਦੇ 9 ਲੱਖ ਰੁਪਏ ਬ੍ਰਾਮਦ ਕੀਤੇ ਹਨ।
ਇਸ ਤੋਂ ਇਲਾਵਾ ਇਸ ਮੁੱਕਦਮਾ ਵਿੱਚ ਇਕ ਹੋਰ ਦੋਸ਼ੀ ਗੋਰਵ ਉਰਫ ਗੁਲਸ਼ਨ ਪੁੱਤਰ ਗੁਲਸ਼ਨ ਵਾਸੀ 214, ਬਾਲਮਿਕੀ ਕਲੋਨੀ, ਕੇ.ਸੀ. ਰੋਡ, ਬਰਨਾਲਾ ਨੂੰ ਗਿਦੜਬਾਹਾ, ਜ਼ਿਲ੍ਹਾ ਮੁਕਤਸਰ ਤੋ ਮਿਤੀ 17-06-2023 ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਜਿਸਨੇ ਪੁੱਛ-ਗਿੱਛ ਦੌਰਾਨ ਮੰਨਿਆ ਕਿ ਵਾਰਦਾਤ ਵਾਲੇ ਦਿਨ ਸੁਭਾ ਗੋਪਾ ਕਾਲੀ ਸ਼ੈਵਰਲੇ ਕਰੂਜ ਗੱਡੀ ਲੈ ਕਰ ਉਸਦੇ ਘਰ ਬਰਨਾਲਾ ਆਇਆ ਅਤੇ ਇਹ ਦੋਨੋ ਦੋਸ਼ੀਆਨ ਅਰੂਣ ਕੋਚ ਅਤੇ ਨੰਨੀ ਨੂੰ ਲੁਧਿਆਣਾ ਲੈਣ ਲਈ ਉੱਕਤ ਗੱਡੀ ਵਿੱਚ ਬੱਸ ਸਟੈਂਡ ਗਏ ਅਤੇ ਲੁੱਟੇ ਹੋਏ ਕੈਸ਼ ਸਮੇਤ ਉੱਕਤ ਦੋਸ਼ੀਆਨ ਨੂੰ ਲੈ ਕਰ ਵਾਪਸ ਬਰਨਾਲਾ ਆ ਗਏ। ਗ੍ਰਿਫਤਾਰ ਦੋਸ਼ੀਆ ਪਾਸੋ ਡੂੰਘਾਈ ਨਾਲ ਪੁੱਛ-ਗਿੱਛ ਜਾਰੀ ਹੈ।
