ਪੰਜਾਬ, 01 ਮਾਰਚ 2026: LPG cylinder New prices: ਮਾਰਚ ਦੀ ਸ਼ੁਰੂਆਤ ਦੇ ਨਾਲ ਦੇਸ਼ ਭਰ ‘ਚ ਐਲਪੀਜੀ ਗੈਸ ਸਿਲੰਡਰਾਂ ਦੀਆਂ ਨਵੀਆਂ ਕੀਮਤਾਂ ਲਾਗੂ ਹੋ ਗਈਆਂ ਹਨ। ਹੋਲੀ ਵਰਗੇ ਤਿਉਹਾਰ ਤੋਂ ਠੀਕ ਪਹਿਲਾਂ, ਗੈਸ ਦੀਆਂ ਕੀਮਤਾਂ ‘ਚ ਬਦਲਾਅ ਨੇ ਬਾਜ਼ਾਰ ਅਤੇ ਕਾਰੋਬਾਰ ਨਾਲ ਜੁੜੇ ਲੋਕਾਂ ਦੀਆਂ ਚਿੰਤਾਵਾਂ ਵਧਾ ਦਿੱਤੀਆਂ ਹਨ।
ਆਮ ਘਰੇਲੂ ਖਪਤਕਾਰਾਂ ਦੁਆਰਾ ਵਰਤੇ ਜਾਣ ਵਾਲੇ 14.2 ਕਿਲੋਗ੍ਰਾਮ ਐਲਪੀਜੀ ਸਿਲੰਡਰ ਦੀ ਕੀਮਤ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਹਾਲਾਂਕਿ, 19 ਕਿਲੋਗ੍ਰਾਮ ਵਪਾਰਕ ਐਲਪੀਜੀ ਸਿਲੰਡਰ ਦੀ ਕੀਮਤ ‘ਚ ਵਾਧੇ ਦਾ ਸਿੱਧਾ ਅਸਰ ਮਠਿਆਈਆਂ, ਸਨੈਕਸ ਅਤੇ ਭੋਜਨ ਕਾਰੋਬਾਰਾਂ ‘ਤੇ ਪੈ ਸਕਦਾ ਹੈ।
ਨਵੀਨਤਮ ਸੋਧ ਨੇ 19 ਕਿਲੋਗ੍ਰਾਮ ਵਪਾਰਕ ਐਲਪੀਜੀ ਸਿਲੰਡਰ ਦੀ ਕੀਮਤ ਲਗਭੱਗ ₹28 ਤੋਂ ₹31 ਤੱਕ ਵਧਾ ਦਿੱਤੀ ਹੈ। ਇਹ ਸਿਲੰਡਰ ਮੁੱਖ ਤੌਰ ‘ਤੇ ਹੋਟਲਾਂ, ਰੈਸਟੋਰੈਂਟਾਂ, ਢਾਬਿਆਂ, ਕੇਟਰਿੰਗ ਅਦਾਰਿਆਂ ਅਤੇ ਮਿਠਾਈਆਂ ਦੇ ਕਾਰੋਬਾਰਾਂ ‘ਚ ਵਰਤਿਆ ਜਾਂਦਾ ਹੈ, ਇਸ ਲਈ ਇਹ ਸਿੱਧੇ ਤੌਰ ‘ਤੇ ਬਾਜ਼ਾਰ ‘ਚ ਭੋਜਨ ਦੀਆਂ ਕੀਮਤਾਂ ਨੂੰ ਪ੍ਰਭਾਵਤ ਕਰਦਾ ਹੈ।
ਨਵੀਆਂ ਦਰਾਂ ਦੇ ਅਨੁਸਾਰ, ਦਿੱਲੀ’ਚ 19 ਕਿਲੋਗ੍ਰਾਮ ਵਪਾਰਕ ਸਿਲੰਡਰ ਹੁਣ ₹1768.50 ‘ਚ ਉਪਲਬੱਧ ਹੋਵੇਗਾ, ਜੋ ਪਹਿਲਾਂ ₹1740.50 ਸੀ। ਕੋਲਕਾਤਾ ‘ਚ ਇਸਦੀ ਕੀਮਤ ₹1,875.50 ਤੱਕ ਵਧ ਗਈ ਹੈ, ਜਦੋਂ ਕਿ ਮੁੰਬਈ ‘ਚ ਇਹ ₹1,720 ਅਤੇ ਚੇਨਈ ‘ਚ ₹1,929 ਤੱਕ ਪਹੁੰਚ ਗਈ ਹੈ। ਪਟਨਾ ਵਰਗੇ ਸ਼ਹਿਰਾਂ ‘ਚ ਵੀ ਇਸਦੀ ਕੀਮਤ ਲਗਭੱਗ ₹1,989.50 ਦਰਜ ਕੀਤੀ ਹੈ।
Read More: ਹਰਿਆਣਾ ਦੇ ਸੈਰ-ਸਪਾਟਾ ਮੰਤਰੀ ਵੱਲੋਂ ਸਦਨ ਦੇ ਮੈਂਬਰਾਂ ਨੂੰ ਰੰਗੋਤਸਵ ਪ੍ਰੋਗਰਾਮ ਲਈ ਸੱਦਾ
