ਚੰਡੀਗੜ੍ਹ, 21 ਅਪ੍ਰੈਲ 2024: ਮਣੀਪੁਰ ਦੇ ਅੰਦਰੂਨੀ ਮਣੀਪੁਰ (Manipur) ਲੋਕ ਸਭਾ ਹਲਕੇ ਦੇ 11 ਪੋਲਿੰਗ ਸਟੇਸ਼ਨਾਂ ‘ਤੇ 22 ਅਪ੍ਰੈਲ ਨੂੰ ਦੁਬਾਰਾ ਵੋਟਿੰਗ ਹੋਵੇਗੀ। ਚੋਣ ਕਮਿਸ਼ਨ ਨੇ ਸ਼ਨੀਵਾਰ (20 ਅਪ੍ਰੈਲ) ਨੂੰ ਇਸ ਸਬੰਧੀ ਹੁਕਮ ਜਾਰੀ ਕੀਤਾ ਹੈ । ਲੋਕ ਸਭਾ ਚੋਣਾਂ ਦੇ ਪਹਿਲੇ ਪੜਾਅ ਦੀ ਵੋਟਿੰਗ ਦੌਰਾਨ 19 ਅਪ੍ਰੈਲ ਨੂੰ ਇਨ੍ਹਾਂ ਬੂਥਾਂ ‘ਤੇ ਹਿੰਸਾ ਅਤੇ ਭੰਨਤੋੜ ਹੋਈ ਸੀ।

19 ਅਪ੍ਰੈਲ ਨੂੰ ਹਿੰਸਾ ਪ੍ਰਭਾਵਿਤ ਮਣੀਪੁਰ (Manipur) ਦੀਆਂ ਦੋਵੇਂ ਲੋਕ ਸਭਾ ਸੀਟਾਂ – ਅੰਦਰੂਨੀ ਅਤੇ ਬਾਹਰੀ ਮਣੀਪੁਰ ਸੀਟਾਂ ਲਈ 72 ਪ੍ਰਤੀਸ਼ਤ ਵੋਟਿੰਗ ਹੋਈ। ਚੋਣਾਂ ਦੌਰਾਨ ਕਈ ਬੂਥਾਂ ‘ਤੇ ਗੋਲੀਬਾਰੀ, ਈਵੀਐਮ ਤੋੜਨ ਅਤੇ ਬੂਥਾਂ ‘ਤੇ ਕਬਜ਼ਾ ਕਰਨ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਸਨ।