ਲੰਬੀ, 21 ਜੂਨ 2023: ਥਾਣਾ ਲੰਬੀ ਪੁਲਿਸ (Lambi Police Station) ਨੇ ਟਰੈਕਟਰ ਤੇ ਮੋਟਰਸਾਈਕਲ ਚੋਰੀ ਕਰਨ ਵਾਲੇ 6 ਮੈਂਬਰਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਸ ਸੰਬੰਧੀ ਪੁਲਿਸ ਵੱਲੋਂ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਬਲਜਿੰਦਰ ਸਿੰਘ, ਰਵਿੰਦਰਪਾਲ ਸਿੰਘ, ਲਖਵਿੰਦਰ ਸਿੰਘ ਪੁੱਤਰ ਸੁਰਜੀਤ ਸਿੰਘ ਅਤੇ ਗਗਨਦੀਪ ਸਿੰਘ ਨਿੰਮ ਵਾਲੀ ਗਲੀ ਇਹਨਾਂ ਦੋਸ਼ੀਆ ਨੇ ਮਿਲ ਕੇ ਗੈਂਗ ਬਣਾਇਆ ਹੋਇਆ ਹੈ, ਜੋ ਬੈਂਕ ਤੋਂ ਟਰੈਕਟਰ ਟਰਾਲੇ ਵਗੈਰਾ ਲੋਨ ਤੇ ਲੈ ਕੇ ਆਪਣੇ ਆਪ ਹੀ ਪਾਸੇ ਕਰਕੇ/ਲੁਕਾ ਛਪਾ ਕੇ ਪੁਲਿਸ ਨੂੰ ਚੋਰੀ ਦੀ ਗਲਤ ਇਤਲਾਹ ਦੇ ਕੇ ਬੈਂਕ ਅਤੇ ਪੁਲਿਸ ਨਾਲ ਧੋਖਾਧੜੀ ਕਰਦੇ ਹਨ।

ਇਸ ਤੋਂ ਇਲਾਵਾ ਇਹਨਾਂ ਨੇ ਆਪਣੇ ਆਪ ਹੋਰ ਵੀ ਟਰੈਕਟਰ ਟਰਾਲੇ ਚੋਰੀ ਕਰਕੇ ਜਾਂ ਪਾਸੇ ਕਰਕੇ ਅੱਗੇ ਵੇਚ ਦਿੰਦੇ ਸਨ । ਦੂਜੇ ਪਾਸੇ ਮੋਟਰਸਾਈਕਲ ਚੋਰੀ ਕਰਨ ਵਾਲੇ ਸੰਦੀਪ ਸਿੰਘ ਉਰਫ ਮਨਦੀਪ ਸਿੰਘ ਉਰਫ ਪੰਨਾ, ਬਲਜੀਤ ਸਿੰਘ ਉਰਫ ਸੋਨੀ, ਮਨਜੀਤ ਕੁਮਾਰ ਅਤੇ ਮਨਦੀਪ ਸਿੰਘ ਵਾਸੀਆਨ ਪਿੰਡ ਪੁਲਿਸ ਦੇ ਹੱਥੀਂ ਚੜ੍ਹੇ ਗਏ, ਪੁਲਿਸ ਮੁਤਾਬਕ ਇਹ ਮੋਟਰਸਾਈਕਲ, ਤਾਂਬੇ ਦੀਆਂ ਤਾਰਾਂ ਅਤੇ ਹੋਰ ਚੋਰੀਆਂ ਕਰਨ ਦੇ ਆਦੀ ਹਨ ਅਤੇ ਤਫਤੀਸ਼ ਦੌਰਾਨ ਚੋਰੀ ਦੇ 2 ਟਰੈਕਟਰ ਅਤੇ 2 ਮੋਟਰਸਾਈਕਲ ਬਰਾਮਦ ਕੀਤੇ ਗਏ ਹਨ। ਪੁਲਿਸ ਵੱਲੋਂ ਮੁਕੱਦਮੇ ਦੀ ਡੂੰਘਾਈ ਨਾਲ ਤਫ਼ਤੀਸ਼ ਕੀਤੀ ਜਾ ਰਹੀ ਹੈ।