ਮਨੋਰੰਜਨ, 23 ਸਤੰਬਰ 2025: Kantara Chapter 1 Review: ਰਿਸ਼ਭ ਸ਼ੈੱਟੀ ਦੀ ਬਹੁਤ ਉਡੀਕੀ ਜਾ ਰਹੀ ਫਿਲਮ “ਕਾਂਤਾਰਾ: ਚੈਪਟਰ ਵਨ” ਦਾ ਟ੍ਰੇਲਰ ਅੱਜ ਰਿਲੀਜ਼ ਹੋ ਗਿਆ। ਦਰਸ਼ਕ ਰਿਸ਼ਭ ਸ਼ੈੱਟੀ ਦੀ ਅਦਾਕਾਰੀ ਨੂੰ ਪਿਆਰ ਕਰ ਰਹੇ ਹਨ, ਜਿਸ ਨਾਲ ਫਿਲਮ ਪ੍ਰਤੀ ਉਨ੍ਹਾਂ ਦੀ ਉਡੀਕ ਵਧ ਗਈ ਹੈ।
ਦਰਸ਼ਕ “ਕਾਂਤਾਰਾ: ਚੈਪਟਰ 1” ਦੇ ਟ੍ਰੇਲਰ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਹੁਣ, ਜਿਵੇਂ ਹੀ ਟ੍ਰੇਲਰ ਰਿਲੀਜ਼ ਹੋਇਆ, ਪ੍ਰਸ਼ੰਸਕ ਫਿਲਮ ਨੂੰ ਦੇਖਣ ਲਈ ਉਤਸ਼ਾਹਿਤ ਹਨ। ਜ਼ਿਆਦਾਤਰ ਯੂਜਰਾਂ ਨੇ ਟ੍ਰੇਲਰ ਦੀ ਪ੍ਰਸ਼ੰਸਾ ਕੀਤੀ ਹੈ। ਇੱਕ ਯੂਜਰ ਨੇ ਕਿਹਾ ਕਿ “ਕਾਂਤਾਰਾ ਦੇ ਸਿਰਫ਼ ਆਖਰੀ 10 ਮਿੰਟ ਹੀ ਸ਼ਾਨਦਾਰ ਸਨ, ਪਰ ਪੂਰੀ ਫਿਲਮ, ਕੰਤਾਰਾ ਚੈਪਟਰ 1, ਉੱਚ ਪੱਧਰੀ ਲੱਗ ਰਹੀ ਹੈ।” ਇੱਕ ਹੋਰ ਯੂਜਰਾਂ ਨੇ ਕਿਹਾ ਕਿ ਟ੍ਰੇਲਰ ‘ਚ ਕੁਝ ਦ੍ਰਿਸ਼ ਸਿਰਫ਼ ਕਹਾਣੀ ਦਾ ਹਿੱਸਾ ਨਹੀਂ ਹਨ, ਸਗੋਂ ਇੱਕ ਪ੍ਰਾਰਥਨਾ ਵਾਂਗ ਹਨ।
“ਕਾਂਤਾਰਾ: ਚੈਪਟਰ ਵਨ” ਟ੍ਰੇਲਰ ਲੋਕਾਂ ਨੂੰ ਆਇਆ ਪਸੰਦ
“ਕਾਂਤਾਰਾ” ਦੇ ਟ੍ਰੇਲਰ ਦੀ ਪ੍ਰਸ਼ੰਸਾ ਕਰਦੇ ਹੋਏ ਇੱਕ ਯੂਜਰ ਨੇ ਕਿਹਾ, “ਇਹ ਸਿਰਫ਼ ਇੱਕ ਫਿਲਮ ਨਹੀਂ ਹੈ, ਸਗੋਂ ਇੱਕ ਰੂਹ ਨੂੰ ਹਿਲਾ ਦੇਣ ਵਾਲਾ ਅਤੇ ਰੋਂਗਟੇ ਖੜੇ ਕਰ ਦੇਣਾ ਵਾਲਾ ਅਨੁਭਵ ਹੈ। ਫਿਲਮ ਦੀ ਬੇਸਬਰੀ ਨਾਲ ਉਡੀਕ ਕੀਤੀ ਜਾ ਰਹੀ ਹੈ। ਇੱਕ ਹੋਰ ਯੂਜ਼ਰ ਨੇ ਫਿਲਮ ਦੇ ਬੈਕਗ੍ਰਾਊਂਡ ਸੰਗੀਤ ਦੀ ਪ੍ਰਸ਼ੰਸਾ ਕਰਦੇ ਹੋਏ ਇਸਨੂੰ ਪਹਿਲੀ ਫਿਲਮ ਨਾਲੋਂ ਵੱਡਾ ਅਤੇ ਬਿਹਤਰ ਦੱਸਿਆ।
ਮੀਡੀਆ ਨਾਲ ਗੱਲ ਕਰਦੇ ਹੋਏ, ਰਿਸ਼ਭ ਸ਼ੈੱਟੀ ਨੇ ਕਿਹਾ, “ਲਗਾਤਾਰ ਕੰਮ ਕਾਰਨ ਅਸੀਂ ਪਿਛਲੇ ਤਿੰਨ ਮਹੀਨਿਆਂ ਤੋਂ ਸਹੀ ਢੰਗ ਨਾਲ ਸੌਂ ਨਹੀਂ ਸਕੇ। ਸਾਰਿਆਂ ਨੇ ਇਸਦਾ ਸਮਰਥਨ ਇਸ ਤਰ੍ਹਾਂ ਕੀਤਾ ਜਿਵੇਂ ਇਹ ਉਨ੍ਹਾਂ ਦੀ ਆਪਣੀ ਫਿਲਮ ਹੋਵੇ।”
ਰਿਸ਼ਭ ਸ਼ੈੱਟੀ ਨੂੰ ਆਪਣੀ ਪਹਿਲੀ ਫਿਲਮ, ਕਾਂਤਾਰਾ ਲਈ ਸਰਵੋਤਮ ਅਦਾਕਾਰ ਦਾ ਰਾਸ਼ਟਰੀ ਪੁਰਸਕਾਰ ਮਿਲਿਆ, ਜਦੋਂ ਕਿ ਫਿਲਮ ਨੇ ਸਰਵੋਤਮ ਪ੍ਰਸਿੱਧ ਫਿਲਮ (ਮਨੋਰੰਜਨ) ਦਾ ਪੁਰਸਕਾਰ ਵੀ ਜਿੱਤਿਆ। ਕਾਂਤਾਰਾ: ਚੈਪਟਰ ਵਨ ਦਾ ਟ੍ਰੇਲਰ ਇੱਕ ਹੋਰ ਵੀ ਸ਼ਾਨਦਾਰ ਅਨੁਭਵ ਪੇਸ਼ ਕਰਦਾ ਹੈ, ਜੋ ਅਕਸਰ ਦੱਖਣੀ ਭਾਰਤੀ ਸੁਪਰਹਿੱਟ ਫਿਲਮ ਬਾਹੂਬਲੀ ਦੀ ਯਾਦ ਦਿਵਾਉਂਦਾ ਹੈ।
ਕਾਂਤਾਰਾ ਚੈਪਟਰ ਵਨ ‘ਚ ਭੂਤ ਕੋਲਾ ਪਰੰਪਰਾ ਨੂੰ ਵੀ ਦਰਸਾਇਆ
ਪਹਿਲੀ ਫਿਲਮ ਵਾਂਗ, ਟ੍ਰੇਲਰ ‘ਚ ਮਿਥਿਹਾਸ, ਲੋਕਧਾਰਾ, ਰਸਮਾਂ ਅਤੇ ਤੱਟਵਰਤੀ ਕਰਨਾਟਕ ਦੀ ਭੂਤ ਕੋਲਾ ਪਰੰਪਰਾ ਨੂੰ ਵੀ ਦਰਸਾਇਆ ਗਿਆ ਹੈ। ਕਹਾਣੀ ਰਾਜਸ਼ਾਹੀ ਅਤੇ ਆਦਿਵਾਸੀ ਲੋਕਾਂ ਵਿਚਕਾਰ ਟਕਰਾਅ ‘ਤੇ ਕੇਂਦਰਿਤ ਹੈ। ਗੁਲਸ਼ਨ ਦੇਵਈਆ (ਕੁਲਸ਼ੇਖਰ) ਖਲਨਾਇਕ ਦੀ ਭੂਮਿਕਾ ਨਿਭਾਉਂਦੇ ਹਨ, ਉਸਨੂੰ ਰਿਸ਼ਭ ਸ਼ੈੱਟੀ ਦੇ ਕਿਰਦਾਰ ਦੇ ਵਿਰੁੱਧ ਖੜ੍ਹਾ ਕਰਦੇ ਹਨ।
ਕਹਾਣੀ ਵਿੱਚ ਇੱਕ ਰਾਜਕੁਮਾਰੀ ਅਤੇ ਇੱਕ ਆਮ ਨੌਜਵਾਨ ਦੀ ਪ੍ਰੇਮ ਕਹਾਣੀ ਵੀ ਸ਼ਾਮਲ ਹੈ, ਜੋ ਇੱਕ ਵੱਡੇ ਐਕਸ਼ਨ ਡਰਾਮੇ ਲਈ ਮੰਚ ਤਿਆਰ ਕਰਦੀ ਹੈ। ਫਿਲਮ ਦੇ ਵਿਜ਼ੂਅਲ, ਸ਼ਾਨਦਾਰ ਸੈੱਟ ਅਤੇ ਲੜਾਈ ਦੇ ਦ੍ਰਿਸ਼ ਜ਼ਰੂਰ ਦਰਸ਼ਕਾਂ ਨੂੰ ਬਾਹੂਬਲੀ ਦੀ ਝਲਕ ਦੇਣਗੇ, ਜਿਸਨੇ ਹੁਣ ਪੌਪ ਸੱਭਿਆਚਾਰ ‘ਚ ਇੱਕ ਵਿਸ਼ੇਸ਼ ਸਥਾਨ ਪ੍ਰਾਪਤ ਕਰ ਲਿਆ ਹੈ।
ਫਿਲਮ ਦਾ ਨਿਰਦੇਸ਼ਨ ਰਿਸ਼ਭ ਸ਼ੈੱਟੀ ਦੁਆਰਾ ਕੀਤਾ ਗਿਆ ਹੈ। ਉਨ੍ਹਾਂ ਨੇ ਅਨਿਰੁੱਧ ਮਹੇਸ਼ ਅਤੇ ਸ਼ਨੀਲ ਗੁਰੂ ਨਾਲ ਕਹਾਣੀ ਸਾਂਝੀ ਕੀਤੀ। ਇਸ ਫਿਲਮ ‘ਚ ਰਿਸ਼ਭ ਸ਼ੈੱਟੀ, ਜੈਰਾਮ, ਰੁਕਮਣੀ ਵਸੰਤ ਅਤੇ ਗੁਲਸ਼ਨ ਦੇਵੈਆ ਨੇ ਅਭਿਨੈ ਕੀਤਾ ਹੈ। ਕਾਂਤਾਰਾ ਬਾਕਸ ਆਫਿਸ ‘ਤੇ ਸਫਲ ਰਹੀ। ਸੁਪਰਸਟਾਰ ਰਜਨੀਕਾਂਤ ਨੇ ਵੀ ਫਿਲਮ ਦੀ ਟੀਮ ਨੂੰ ਬੁਲਾਇਆ ਅਤੇ ਇਸਨੂੰ “ਸ਼ਾਨਦਾਰ ਮਾਸਟਰਪੀਸ” ਕਿਹਾ।
ਸ਼ੂਟਿੰਗ ਪੂਰੀ ਹੋਣ ਤੋਂ ਬਾਅਦ ਇੱਕ ਝਲਕਦੇ ਵੀਡੀਓ ‘ਚ ਰਿਸ਼ਭ ਸ਼ੈੱਟੀ ਨੇ ਕਿਹਾ, “ਮੇਰਾ ਇੱਕ ਸੁਪਨਾ ਹੈ: ਆਪਣੀ ਧਰਤੀ ਦੀ ਕਹਾਣੀ ਪੂਰੀ ਦੁਨੀਆ ਨੂੰ ਦੱਸਣਾ | ਉਨ੍ਹਾਂ ਕਿਹਾ ਕਿ ਸਾਡਾ ਪਿੰਡ, ਸਾਡੇ ਲੋਕ, ਸਾਡੇ ਵਿਸ਼ਵਾਸ। ਜਦੋਂ ਮੈਂ ਇਸ ਸੁਪਨੇ ਨੂੰ ਪੂਰਾ ਕਰਨ ਦਾ ਫੈਸਲਾ ਕੀਤਾ, ਤਾਂ ਹਜ਼ਾਰਾਂ ਲੋਕ ਮੇਰੇ ਨਾਲ ਖੜ੍ਹੇ ਸਨ।”
ਉਨ੍ਹਾਂ ਨੇ ਕਿਹਾ, “ਤਿੰਨ ਸਾਲ ਦੀ ਸਖ਼ਤ ਮਿਹਨਤ, 250 ਦਿਨਾਂ ਦੀ ਸ਼ੂਟਿੰਗ, ਭਾਵੇਂ ਕਿੰਨੀਆਂ ਵੀ ਮੁਸ਼ਕਿਲਾਂ ਆਈਆਂ, ਮੇਰਾ ਵਿਸ਼ਵਾਸ ਕਦੇ ਨਹੀਂ ਟੁੱਟਿਆ। ਮੇਰੀ ਟੀਮ, ਮੇਰੇ ਨਿਰਮਾਤਾ, ਹਰ ਕੋਈ ਮੇਰੀ ਤਾਕਤ ਬਣ ਗਿਆ। ਹਰ ਰੋਜ਼ ਜਦੋਂ ਮੈਂ ਹਜ਼ਾਰਾਂ ਲੋਕਾਂ ਨੂੰ ਕੰਮ ਕਰਦੇ ਦੇਖਿਆ, ਤਾਂ ਮੇਰੇ ਮਨ ‘ਚ ਸਿਰਫ਼ ਇੱਕ ਹੀ ਵਿਚਾਰ ਆਇਆ: ਇਹ ਸਿਰਫ਼ ਇੱਕ ਫਿਲਮ ਨਹੀਂ ਹੈ, ਇਹ ਇੱਕ ਬ੍ਰਹਮ ਸ਼ਕਤੀ ਹੈ। ਕਾਂਤਾਰਾ ਦੀ ਦੁਨੀਆ ‘ਚ ਤੁਹਾਡਾ ਸਵਾਗਤ ਹੈ।” ਕਾਂਤਾਰਾ: ਚੈਪਟਰ ਵਨ 2 ਅਕਤੂਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗਾ।
Read More: ਅਦਾਕਾਰਾ ਦੀਪਿਕਾ ਪਾਦੁਕੋਣ ‘ਕਲਕੀ 2898 ਏਡੀ’ ਦੇ ਸੀਕਵਲ ਤੋਂ ਬਾਹਰ
