ਇੰਗਲੈਂਡ, 26 ਜੂਨ 2025: ਇੰਗਲੈਂਡ ਕ੍ਰਿਕਟ ਬੋਰਡ ਨੇ ਭਾਰਤ ਖ਼ਿਲਾਫ ਦੂਜੇ ਟੈਸਟ ਤੋਂ ਪਹਿਲਾਂ ਜੋਫਰਾ ਆਰਚਰ (Jofra Archer) ਨੂੰ ਟੀਮ ‘ਚ ਸ਼ਾਮਲ ਕੀਤਾ ਹੈ। ਇੰਗਲੈਂਡ ਕ੍ਰਿਕਟ ਬੋਰਡ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ ਹੈ। ਬੋਰਡ ਨੇ ਪੋਸਟ ‘ਚ ਲਿਖਿਆ – ‘ਜੋਫਰਾ ਆਰਚਰ ਵਾਪਸ ਆ ਗਿਆ ਹੈ।’
30 ਸਾਲਾ ਆਰਚਰ (Jofra Archer) ਨੂੰ 4 ਦਿਨ ਪਹਿਲਾਂ 22 ਜੂਨ ਨੂੰ ਫਿਟਨੈਸ ਟੈਸਟ ਲਈ ਕਾਉਂਟੀ ਮੈਚ ਲਈ ਸਸੇਕਸ ਟੀਮ ‘ਚ ਚੁਣਿਆ ਗਿਆ ਸੀ। ਇਸ ਮੈਚ ‘ਚ ਆਰਚਰ ਨੇ 18 ਓਵਰ ਗੇਂਦਬਾਜ਼ੀ ਕੀਤੀ। ਉਨ੍ਹਾਂ ਨੇ 32 ਦੌੜਾਂ ਦੇ ਕੇ ਇੱਕ ਵਿਕਟ ਵੀ ਲਈ। ਆਰਚਰ ਨੇ ਆਖਰੀ ਟੈਸਟ ਮੈਚ 4 ਸਾਲ ਪਹਿਲਾਂ ਫਰਵਰੀ 2021 ‘ਚ ਖੇਡਿਆ ਸੀ। ਇਸ ਸਮੇਂ ਇੰਗਲੈਂਡ ਦੇ ਕਈ ਤੇਜ਼ ਗੇਂਦਬਾਜ਼ ਜ਼ਖਮੀ ਹਨ। ਇਨ੍ਹਾਂ ‘ਚ ਮਾਰਕ ਵੁੱਡ, ਓਲੀ ਸਟੋਨ ਅਤੇ ਗੁਸ ਐਟਕਿੰਸਨ ਸ਼ਾਮਲ ਹਨ। ਇਸ ਨਾਲ ਆਰਚਰ ਨੂੰ ਵਾਪਸੀ ਦਾ ਮੌਕਾ ਮਿਲਿਆ ਹੈ।
ਜੋਫਰਾ ਆਰਚਰ ਆਪਣੇ ਕਰੀਅਰ ‘ਚ ਲਗਾਤਾਰ ਸੱਟ ਤੋਂ ਪਰੇਸ਼ਾਨ ਰਿਹਾ ਹੈ। ਇਸਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਉਨ੍ਹਾਂ ਨੇ 2019 ‘ਚ ਆਪਣਾ ਅੰਤਰਰਾਸ਼ਟਰੀ ਡੈਬਿਊ ਕੀਤਾ ਸੀ, ਪਰ ਆਖਰੀ ਟੈਸਟ ਮੈਚ ਫਰਵਰੀ 2021 ‘ਚ ਖੇਡਿਆ ਸੀ।
ਭਾਰਤ-ਇੰਗਲੈਂਡ ਟੈਸਟ ਸੀਰੀਜ਼ ਦਾ ਦੂਜਾ ਮੈਚ 2 ਜੁਲਾਈ ਤੋਂ ਬਰਮਿੰਘਮ ‘ਚ ਖੇਡਿਆ ਜਾਵੇਗਾ। ਇਸ 5 ਮੈਚਾਂ ਦੀ ਸੀਰੀਜ਼ ‘ਚ ਮੇਜ਼ਬਾਨ ਇੰਗਲੈਂਡ 1-0 ਨਾਲ ਅੱਗੇ ਹੈ। ਇੰਗਲਿਸ਼ ਟੀਮ ਨੇ ਪਹਿਲਾ ਟੈਸਟ ਮੈਚ 5 ਵਿਕਟਾਂ ਨਾਲ ਜਿੱਤਿਆ ਸੀ।
Read More: IND ਬਨਾਮ ENG: ਭਾਰਤੀ ਟੀਮ ਨੇ ਤੇਜ਼ ਗੇਂਦਬਾਜ਼ ਹਰਸ਼ਿਤ ਰਾਣਾ ਨੂੰ ਕੀਤਾ ਰਿਲੀਜ਼
