ਚੰਡੀਗੜ੍ਹ, 17 ਅਪ੍ਰੈਲ 2025: JEE Main Result 2025: ਜੇਈਈ ਮੇਨ 2025 ਸੈਸ਼ਨ-2 ਦਾ ਨਤੀਜਾ ਨੈਸ਼ਨਲ ਟੈਸਟਿੰਗ ਏਜੰਸੀ (NTA) ਦੁਆਰਾ ਕਿਸੇ ਵੀ ਸਮੇਂ ਜਾਰੀ ਕੀਤਾ ਜਾ ਸਕਦਾ ਹੈ। ਜੇਈਈ ਮੇਨ ਸੈਸ਼ਨ-2 ਦਾ ਨਤੀਜਾ ਅੱਜ ਰਾਤ ਦੇਰ ਤੱਕ ਜਾਰੀ ਕੀਤਾ ਜਾ ਸਕਦਾ ਹੈ।
ਜੇਈਈ ਮੇਨ ਸੈਸ਼ਨ 2 ਦਾ ਨਤੀਜਾ ਐਨਟੀਏ ਦੀ ਅਧਿਕਾਰਤ ਵੈੱਬਸਾਈਟ jeemain.nta.nic.in ‘ਤੇ ਔਨਲਾਈਨ ਜਾਰੀ ਕੀਤਾ ਜਾਵੇਗਾ। ਐਨਟੀਏ ਵੱਲੋਂ ਜਾਰੀ ਕੀਤੇ ਗਏ ਬਰੋਸ਼ਰ ਦੇ ਮੁਤਾਬਕ, ਸੈਸ਼ਨ-2 ਦੀ ਪ੍ਰੀਖਿਆ ਦਾ ਨਤੀਜਾ 17 ਅਪ੍ਰੈਲ 2025 ਤੱਕ ਘੋਸ਼ਿਤ ਕੀਤਾ ਜਾਣਾ ਹੈ। ਨਤੀਜਾ ਘੋਸ਼ਿਤ ਹੋਣ ਤੋਂ ਬਾਅਦ ਵਿਦਿਆਰਥੀ ਆਪਣਾ ਐਪਲੀਕੇਸ਼ਨ ਨੰਬਰ, ਪਾਸਵਰਡ ਅਤੇ ਕੈਪਚਾ ਕੋਡ ਦਰਜ ਕਰਕੇ ਆਪਣੇ ਨਤੀਜੇ ਦੇਖ ਸਕਣਗੇ ਅਤੇ ਆਪਣੇ ਸਕੋਰਕਾਰਡ ਡਾਊਨਲੋਡ ਕਰ ਸਕਣਗੇ। ਇਸ ਨਤੀਜੇ ਦੇ ਨਾਲ ਟਾਪਰਜ਼ ਸੂਚੀ (ਏਆਈਆਰ) ਵੀ ਜਾਰੀ ਕੀਤੀ ਜਾਵੇਗੀ।
ਇਸ ਤਰ੍ਹਾਂ ਡਾਊਨਲੋਡ ਕਰੋ ਨਤੀਜਾ
ਜੇਈਈ ਮੇਨ ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾਓ।
ਫਿਰ JEE ਮੁੱਖ ਨਤੀਜਾ ਲਿੰਕ ‘ਤੇ ਕਲਿੱਕ ਕਰੋ।
ਹੁਣ ਤੁਹਾਡੀ ਸਕਰੀਨ ‘ਤੇ ਇੱਕ ਨਵਾਂ ਪੰਨਾ ਖੁੱਲ੍ਹੇਗਾ।
ਮੰਗੀ ਜਾਣਕਾਰੀ ਇੱਥੇ ਭਰੋ ਕਰੋ ਅਤੇ ਇਸਨੂੰ ਸਬਮਿਟ ਕਰੋ।
ਹੁਣ ਵਿਦਿਆਰਥੀ ਆਪਣੇ ਨਤੀਜੇ ਡਾਊਨਲੋਡ ਕਰ ਸਕਦੇ ਹਨ।
ਜਿਕਰਯੋਗ ਹੈ ਕਿ ਜੇਈਈ ਮੇਨਜ਼ ਸੈਸ਼ਨ-1 ਲਈ 22 ਜਨਵਰੀ, 23 ਜਨਵਰੀ, 24 ਜਨਵਰੀ, 28 ਜਨਵਰੀ ਅਤੇ 29 ਜਨਵਰੀ, 2025 ਨੂੰ ਕਰਵਾਇਆ ਗਿਆ ਸੀ। ਜਦੋਂ ਕਿ ਇਸਦਾ ਨਤੀਜਾ 11 ਫਰਵਰੀ ਨੂੰ ਜਾਰੀ ਕੀਤਾ ਗਿਆ ਸੀ।
Read More: GATE 2025 Result: GATE ਪ੍ਰੀਖਿਆ ਦਾ ਨਤੀਜਾ ਛੇਤੀ ਹੋਵੇਗਾ ਜਾਰੀ, ਜਾਣੋ ਨਤੀਜਾ ਚੈੱਕ ਕਰਨ ਦੇ ਸਟੈਪ
