ਚੰਡੀਗੜ੍ਹ, 11 ਮਾਰਚ 2025: Jaat Movie Collection: ਅਦਾਕਾਰ ਸੰਨੀ ਦਿਓਲ (Sunny Deol) ਦੀ ਫਿਲਮ ‘ਗਦਰ 2’ ਤੋਂ ਬਾਅਦ ਫਿਲਮ ਫਿਲਮ ‘ਜਾਟ’ ਨਾਲ ਵੱਡੇ ਪਰਦੇ ‘ਤੇ ਵਾਪਸ ਆਏ ਹਨ | ਅਗਸਤ 2023 ‘ਚ ਰਿਲੀਜ਼ ਹੋਈ ਸੰਨੀ ਦਿਓਲ ਦੀ ਫਿਲਮ ‘ਗਦਰ 2’ ਨੇ ਬਾਕਸ ਆਫਿਸ ‘ਤੇ ਬਹੁਤ ਪ੍ਰਸਿੱਧੀ ਖੱਟੀ ਸੀ । ਇਸ ਫਿਲਮ ਨੇ ਦੇਸ਼ ਭਰ ‘ਚ 525 ਕਰੋੜ ਰੁਪਏ ਅਤੇ ਦੁਨੀਆ ਭਰ ‘ਚ 686 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ।
ਹੁਣ ਠੀਕ 20 ਮਹੀਨਿਆਂ ਬਾਅਦ ਸੰਨੀ ਦਿਓਲ (Sunny Deol) ਦੀ ਫਿਲਮ ‘ਜਾਟ’ ਦਾ ਜਾਦੂ ਬਾਕਸ ਆਫਿਸ ‘ਤੇ ਓਨਾ ਨਹੀਂ ਚਮਕਿਆ ਜਿੰਨਾ ਉਮੀਦ ਕੀਤੀ ਸੀ ਪਰ ਫਿਲਮ ਨੇ ਵੀ ਓਨਾ ਮਾੜਾ ਪ੍ਰਦਰਸ਼ਨ ਨਹੀਂ ਕੀਤਾ। ਫਿਲਮ ‘ਜਾਟ’ (Jaat Movie) ਸੰਨੀ ਦਿਓਲ ਦੇ ਕਰੀਅਰ ਦੀ ਦੂਜੀ ਸਭ ਤੋਂ ਵੱਡੀ ਓਪਨਰ ਬਣ ਗਈ ਹੈ। ਇਸ ਮਾਮਲੇ ‘ਚ, ‘ਗਦਰ 2’ ਪਹਿਲੇ ਨੰਬਰ ‘ਤੇ ਹੈ, ਜਿਸਨੇ ਪਹਿਲੇ ਦਿਨ 40.10 ਕਰੋੜ ਰੁਪਏ ਦੀ ਕਮਾਈ ਕੀਤੀ।
10 ਅਪ੍ਰੈਲ ਨੂੰ ਦੇਸ਼ ਭਰ ਦੇ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ਫਿਲਮ ‘ਜਾਟ’ ਨੇ ਪਹਿਲੇ ਦਿਨ ਲਗਭਗ 10 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ। ਇਹ ਉਮੀਦ ਨਾਲੋਂ ਬਹੁਤ ਘੱਟ ਹੈ। ਇਸ ਦੇ ਬਾਵਜੂਦ, ਇਹ ਸੰਨੀ ਦੇ ਕਰੀਅਰ ਦੀ ਦੂਜੀ ਸਭ ਤੋਂ ਵੱਡੀ ਓਪਨਿੰਗ ਫਿਲਮ ਬਣ ਗਈ ਹੈ।
ਇੰਡਸਟਰੀ ਟ੍ਰੈਕਰ ਸੈਕਾਨਿਲਕ ਦੇ ਮੁਤਾਬਕ ਸੰਨੀ ਦਿਓਲ ਦੀ ਫਿਲਮ ਨੇ ਆਪਣੀ ਰਿਲੀਜ਼ ਦੇ ਪਹਿਲੇ ਦਿਨ ਲਗਭਗ 8.51 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਇਹ SACNILC ਦਾ ਲਾਈਵ ਡੇਟਾ ਹੈ, ਜੋ ਬਦਲ ਸਕਦਾ ਹੈ। ਅੰਤਿਮ ਅੰਕੜੇ ਰਾਤ ਦੇ ਸ਼ੋਅ ਤੋਂ ਬਾਅਦ ਹੀ ਪਤਾ ਲੱਗਣਗੇ।
ਫਿਲਮ ਦੇ ਪਹਿਲੇ ਦਿਨ ਦੇ ਕਲੈਕਸ਼ਨ ਬਾਰੇ ਗੱਲ ਕਰਦੇ ਹੋਏ ਤਰਣ ਆਦਰਸ਼ ਨੇ ਕਿਹਾ, ‘ਇੰਡਸਟਰੀ ਦੇ ਲੋਕ ਕਹਿ ਰਹੇ ਸਨ ਕਿ ਫਿਲਮ ਦੀ ਓਪਨਿੰਗ ਸਿਰਫ 6 ਤੋਂ 7 ਕਰੋੜ ਹੋਵੇਗੀ, ਪਰ ਉਮੀਦ ਹੈ ਕਿ ਫਿਲਮ ਦੋਹਰੇ ਅੰਕਾਂ ‘ਚ ਓਪਨ ਕਰੇਗੀ। ਹਾਲਾਂਕਿ, ਉਮੀਦਾਂ ਹੋਰ ਵੀ ਬਿਹਤਰ ਸਨ ਪਰ ਕਿਉਂਕਿ ਫਿਲਮ ਦੀ ਐਡਵਾਂਸ ਬੁਕਿੰਗ ਇੱਕ ਦਿਨ ਪਹਿਲਾਂ ਸ਼ੁਰੂ ਹੋ ਗਈ ਸੀ, ਇਸਦਾ ਬਹੁਤ ਵੱਡਾ ਪ੍ਰਭਾਵ ਪਿਆ। ਸ਼ੁੱਕਰਵਾਰ ਇੱਕ ਕੰਮਕਾਜੀ ਦਿਨ ਹੈ, ਇਸ ਲਈ ਇਸਦੇ ਕਲੈਕਸ਼ਨ ‘ਚ ਗਿਰਾਵਟ ਆਵੇਗੀ, ਇਹ ਸ਼ਨੀਵਾਰ ਅਤੇ ਐਤਵਾਰ ਨੂੰ ਬਿਹਤਰ ਪ੍ਰਦਰਸ਼ਨ ਕਰ ਸਕਦਾ ਹੈ।
Read More: ਭਾਰਤੀ ਫਿਲਮ ਇਤਿਹਾਸ ਦੇ ਸੁਨਹਿਰੀ ਪਾਤਰ ਮਨੋਜ ਕੁਮਾਰ ਦੀ ਬੇਮਿਸਾਲ ਕਹਾਣੀ
