Isha Yoga Centre’s Mahashivratri 2025: ਮਹਾਂਸ਼ਿਵਰਾਤਰੀ ਹਿੰਦੂ ਧਰਮ ਦੇ ਮਹੱਤਵਪੂਰਨ ਅਤੇ ਵੱਡੇ ਤਿਉਹਾਰਾਂ ‘ਚੋਂ ਇੱਕ ਹੈ, ਜਿਸਨੂੰ ਹਿੰਦੂ ਧਰਮ ‘ਚ ਵਿਸ਼ਵਾਸ ਰੱਖਣ ਵਾਲੇ ਲੋਕ ਬੜੀ ਸ਼ਰਧਾ ਭਾਵਨਾ ਨਾਲ ਮਨਾਉਂਦੇ ਹਨ। ਇਸ ਸਾਲ ਮਹਾਸ਼ਿਵਰਾਤਰੀ ਦੀ ਇਹ ਖਾਸ ਰਾਤ 26 ਫਰਵਰੀ 2025 ਨੂੰ ਹੈ। ਹਰ ਸਾਲ ਵਾਂਗ ਇਸ ਸਾਲ ਵੀ ਈਸ਼ਾ ਫਾਊਂਡੇਸ਼ਨ ਇਸ ਤਿਉਹਾਰ ਨੂੰ ਕੋਇੰਬਟੂਰ ਦੇ ਆਪਣੇ ਯੋਗਾ ਕੇਂਦਰ ‘ਚ ਮਨਾਏਗੀ। ਮਹਾਂਸ਼ਿਵਰਾਤਰੀ ਕੋਇੰਬਟੂਰ ‘ਚ 112 ਫੁੱਟ ਉੱਚੀ ਆਦਿਯੋਗੀ ਮੂਰਤੀ ਦੀ ਰੋਸ਼ਨੀ ਨਾਲ ਮਨਾਈ ਜਾਂਦੀ ਹੈ ਅਤੇ ਇਸਨੂੰ ਮਹਾਨ ਅਧਿਆਤਮਿਕ ਤਿਉਹਾਰਾਂ ‘ਚੋਂ ਇੱਕ ਮੰਨਿਆ ਜਾਂਦਾ ਹੈ।
ਮਹਾਂਸ਼ਿਵਰਾਤਰੀ ਨੂੰ ‘ਸ਼ਿਵ ਦੀ ਮਹਾਨ ਰਾਤ’ ਵੀ ਕਿਹਾ ਜਾਂਦਾ ਹੈ, ਇਹ ਤਿਉਹਾਰ ਭਗਵਾਨ ਸ਼ਿਵ ਨੂੰ ਸਮਰਪਿਤ ਹੈ ਅਤੇ ਕ੍ਰਿਸ਼ਨ ਪਕਸ਼ ਦੀ ਚਤੁਰਦਸ਼ੀ ਤਾਰੀਖ਼ ਨੂੰ ਮਨਾਇਆ ਜਾਂਦਾ ਹੈ। ਦੱਖਣੀ ਭਾਰਤੀ ਕੈਲੰਡਰ ਦੇ ਅਨੁਸਾਰ, ਮਹਾਸ਼ਿਵਰਾਤਰੀ ਮਾਘ ਮਹੀਨੇ ਵਿੱਚ ਮਨਾਈ ਜਾਂਦੀ ਹੈ, ਜਦੋਂ ਕਿ ਉੱਤਰੀ ਭਾਰਤੀ ਕੈਲੰਡਰ ‘ਚ ਇਹ ਫੱਗਣ ਮਹੀਨੇ ‘ਚ ਮਨਾਈ ਜਾਂਦੀ ਹੈ। ਭਾਰਤ ਭਰ ਦੇ ਸ਼ਰਧਾਲੂ ਵਰਤ ਰੱਖਦੇ ਹਨ, ਸ਼ਿਵ ਮੰਦਰਾਂ ‘ਚ ਜਾਂਦੇ ਹਨ ਅਤੇ ਭਗਵਾਨ ਸ਼ਿਵ ਤੋਂ ਅਸ਼ੀਰਵਾਦ ਲੈਣ ਲਈ ਰਾਤ ਭਰ ਪ੍ਰਾਰਥਨਾ ਕਰਦੇ ਹਨ।
ਈਸ਼ਾ ਮਹਾਸ਼ਿਵਰਾਤਰੀ 2025 ਟਿਕਟਾਂ ਦੀ ਰਜਿਸਟ੍ਰੇਸ਼ਨ (Isha Mahashivratri 2025 Ticket Registration)
112 ਫੁੱਟ ਉੱਚੀ ਭਗਵਾਨ ਸ਼ਿਵ ਦੀ ਆਦਿਯੋਗੀ ਮੂਰਤੀ ਦੀ ਰੌਸ਼ਨੀ ‘ਚ ਕੋਇੰਬਟੂਰ ਦੇ ਈਸ਼ਾ ਯੋਗਾ ਸੈਂਟਰ ਵਿਖੇ ਮਹਾਂਸ਼ਿਵਰਾਤਰੀ ਭਾਰਤ ਦੇ ਸਭ ਤੋਂ ਵੱਡੇ ਅਧਿਆਤਮਿਕ ਜਸ਼ਨਾਂ ‘ਚੋਂ ਇੱਕ ਹੈ। ਸਦਗੁਰੂ ਦੀ ਅਗਵਾਈ ਹੇਠ ਸਾਰੀ ਰਾਤ ਚੱਲਣ ਵਾਲਾ ਇਹ ਤਿਉਹਾਰ ਧਿਆਨ, ਸੰਗੀਤ ਅਤੇ ਇੱਕ ਦਿਲਚਸਪ ਮਾਹੌਲ ਪੇਸ਼ ਕਰਦਾ ਹੈ ਜੋ ਹਜ਼ਾਰਾਂ ਸ਼ਰਧਾਲੂਆਂ ਅਤੇ ਅਧਿਆਤਮਿਕ ਖੋਜੀਆਂ ਨੂੰ ਆਕਰਸ਼ਿਤ ਕਰਦਾ ਹੈ।
ਈਸ਼ਾ ਮਹਾਸ਼ਿਵਰਾਤਰੀ 2025 ਦੀਆਂ ਮੁੱਖ ਗੱਲਾਂ (Highlights of Isha Mahashivratri 2025)
ਮਹਾਸ਼ਿਵਰਾਤਰੀ ਤੋਂ ਪਹਿਲਾਂ ਅਤੇ ਉਸ ਦਿਨ ਵੱਖ-ਵੱਖ ਪ੍ਰੋਗਰਾਮ ਹੁੰਦੇ ਹਨ। 23-25 ਫਰਵਰੀ ਤੱਕ ਈਸ਼ਾ ਯੋਗਾ ਸੈਂਟਰ ਵਿਖੇ ਯਕਸ਼ ਉਤਸਵ ਕਰਵਾਇਆ ਜਾ ਰਿਹਾ ਹੈ, ਜੋ ਕਿ ਮਹਾਨ ਕਲਾਕਾਰਾਂ ਦੁਆਰਾ ਪ੍ਰਦਰਸ਼ਨਾਂ ਦੇ ਨਾਲ ਭਾਰਤ ਦੇ ਵੱਖ-ਵੱਖ ਕਲਾ ਰੂਪਾਂ, ਜਿਸ ‘ਚ ਨਾਚ ਅਤੇ ਸੰਗੀਤ ਸ਼ਾਮਲ ਹਨ |
26 ਤਾਰੀਖ਼ ਨੂੰ ਮਹਾਂਸ਼ਿਵਰਾਤਰੀ ਦੇ ਦਿਨ ਸ਼ਾਮ 6 ਵਜੇ ਪੰਚ ਭੂਤ ਕਿਰਿਆ ਨਾਲ ਸ਼ੁਰੂ ਹੋਵੇਗੀ, ਜੋ ਕਿ ਮਨੁੱਖੀ ਪ੍ਰਣਾਲੀ ਦੇ ਅੰਦਰ ਪੰਜ ਤੱਤਾਂ ਦੀ ਸ਼ੁੱਧਤਾ ਲਈ ਇੱਕ ਸ਼ਕਤੀਸ਼ਾਲੀ ਪ੍ਰਕਿਰਿਆ ਹੈ। ਇਸ ਤੋਂ ਬਾਅਦ ਲਿੰਗ ਭੈਰਵੀ ਜਲੂਸ ਦੇ ਨਾਲ-ਨਾਲ ਰਾਤ ਭਰ ਰਵਾਇਤੀ ਅਤੇ ਸਮਕਾਲੀ ਸੰਗੀਤ ਅਤੇ ਨਾਚ ਪ੍ਰਦਰਸ਼ਨ ਹੋਣਗੇ। ਤੁਸੀਂ ਆਦਿਯੋਗੀ ਮੂਰਤੀ ‘ਤੇ ਪ੍ਰਦਰਸ਼ਿਤ ਇੱਕ ਸ਼ਾਨਦਾਰ ਲਾਈਟ ਐਂਡ ਸਾਊਂਡ ਸ਼ੋਅ ਦਾ ਵੀ ਅਨੁਭਵ ਕਰ ਸਕਦੇ ਹੋ। ਦਿਨ ਦਾ ਮੁੱਖ ਆਕਰਸ਼ਣ ਸਦਗੁਰੂ ਨਾਲ ਅੱਧੀ ਰਾਤ ਦਾ ਧਿਆਨ ਸੈਸ਼ਨ ਹੋਵੇਗਾ।
ਸਦਗੁਰੂ ਮਹਾਂਸ਼ਿਵਰਾਤਰੀ 2025 ਲਾਈਵ ਇਵੈਂਟ ਵੇਰਵੇ (Sadhguru Mahashivratri 2025 Live Event Details)
ਸ਼ਾਮ 6:00 ਵਜੇ: ਪੰਚਭੂਤ ਕਿਰਿਆ
ਸ਼ਾਮ 06:15: ਭੈਰਵੀ ਮਹਾਂਯਾਤਰਾ
ਸ਼ਾਮ 07:00: ਵਜੇ ਆਦਿਯੋਗੀ ਬ੍ਰਹਮ ਦਰਸ਼ਨ
ਸ਼ਾਮ 07:15: ਵਜੇ ਸੰਗੀਤ, ਨਾਚ ਅਤੇ ਸੱਭਿਆਚਾਰਕ ਪ੍ਰਦਰਸ਼ਨ
ਰਾਤ 10:50: ਵਜੇ ਸਦਗੁਰੂ ਪ੍ਰਵਚਨ ਅਤੇ ਅੱਧੀ ਰਾਤ ਦਾ ਧਿਆਨ
01:25: ਅੱਧੀ ਰਾਤ ਸੰਗੀਤ, ਨਾਚ ਅਤੇ ਸੱਭਿਆਚਾਰਕ ਪ੍ਰਦਰਸ਼ਨ
03:40 ਸਵੇਰ: ਸਦਗੁਰੂ – ਬ੍ਰਹਮਾ ਮਹੂਰਤ ਪ੍ਰਵਚਨ ਅਤੇ ਸ਼ੰਭੋ ਧਿਆਨ
04:20 ਸਵੇਰ: ਸੰਗੀਤ, ਨਾਚ ਅਤੇ ਸੱਭਿਆਚਾਰਕ ਪ੍ਰਦਰਸ਼ਨ
ਪ੍ਰੋਗਰਾਮ ਸਵੇਰੇ 5:45 ਵਜੇ ਖਤਮ |
ਮਹਾਂਸ਼ਿਵਰਾਤਰੀ ਦੀ ਲਾਈਵ ਸਟ੍ਰੀਮਿੰਗ (Live Streaming of Mahashivratri 2025)
ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈ ਤੁਹਾਨੂੰ ਰਜਿਸਟਰ ਕਰਨਾ ਪਵੇਗਾ। ਇਸ ਤੋਂ ਇਲਾਵਾ, ਤੁਸੀਂ ਇਸ ਸਾਰੀ ਰਾਤ ਚੱਲਣ ਵਾਲੇ ਤਿਉਹਾਰ ਦਾ ਹਿੱਸਾ ਵਰਚੁਅਲੀ, ਔਨਲਾਈਨ ਜਾਂ ਯੂਟਿਊਬ ਰਾਹੀਂ ਵੀ ਬਣ ਸਕਦੇ ਹੋ। ਇਸਦੇ ਲਈ ਤੁਸੀਂ https://isha.sadhguru.org/mahashivratri/live-webstream/ ‘ਤੇ ਜਾ ਸਕਦੇ ਹੋ। ਇਸ ਲਿੰਕ ਨੂੰ ਸੇਵ ਕਰੋ ਅਤੇ ਸੰਭਾਲ ਕੇ ਰੱਖੋ। ਇਸ ਤੋਂ ਇਲਾਵਾ, ਤੁਸੀਂ 100 ਤੋਂ ਵੱਧ ਟੀਵੀ ਚੈਨਲਾਂ ‘ਤੇ ਪ੍ਰੋਗਰਾਮ ਦੀ ਲਾਈਵ ਸਟ੍ਰੀਮਿੰਗ ਵੀ ਦੇਖ ਸਕਦੇ ਹੋ।
ਈਸ਼ਾ ਮਹਾਂਸ਼ਿਵਰਾਤਰੀ 2025 ਟਿਕਟ ਦੀ ਕੀਮਤ ਤੇ ਰਜਿਸਟ੍ਰੇਸ਼ਨ (Isha Mahashivratri 2025 Ticket Price and Registration)
ਈਸ਼ਾ ਯੋਗਾ ਸੈਂਟਰ ਵਿਖੇ ਮਹਾਂਸ਼ਿਵਰਾਤਰੀ ਸਮਾਗਮ ‘ਚ ਸ਼ਾਮਲ ਹੋਣ ਲਈ, ਤੁਹਾਨੂੰ ਪਹਿਲਾਂ ਤੋਂ ਰਜਿਸਟਰ ਕਰਵਾਉਣ ਦੀ ਲੋੜ ਹੈ। ਵੱਖ-ਵੱਖ ਕੀਮਤਾਂ ‘ਤੇ ਵੱਖ-ਵੱਖ ਸੀਟਾਂ ਦੀਆਂ ਸ਼੍ਰੇਣੀਆਂ ਉਪਲਬੱਧ ਹਨ:
ਈਸ਼ਾ ਮਹਾਂਸ਼ਿਵਰਾਤਰੀ 2025 ਲਈ ਕੈਟਾਗਿਰੀ ਵਾਈਜ ਟਿਕਟ (Tickets for Isha Mahashivratri 2025)
Image Credit: Isha Foundation
ਗੰਗਾ: 50,000 ਰੁਪਏਯਮੁਨਾ: 25,000 ਰੁਪਏ
ਮਹਾਂਨਦੀ: 10,000 ਰੁਪਏ
ਨਰਮਦਾ: 5,000 ਰੁਪਏ
ਬ੍ਰਹਮਪੁੱਤਰ: 2,500 ਰੁਪਏ
ਗੋਦਾਵਰੀ: 1000 ਰੁਪਏ
ਕਾਵੇਰੀ: 500 ਰੁਪਏ
ਤਾਪੀ: 250 ਰੁਪਏ
ਤਾਮੀਰਾਪਰਨੀ: ਮੁਫ਼ਤ
ਅਮਿਤ ਸ਼ਾਹ ਸਮੇਤ ਨਾਮਵਰ ਹਸਤੀਆਂ ਹੋਣਗੀਆਂ ਸ਼ਾਮਲ :-
ਮਹਾਸ਼ਿਵਰਾਤਰੀ (Mahashivratri 2025) ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਤਿਉਹਾਰ ਦੀ ਸ਼ਾਨਦਾਰ ਸਫਲਤਾ ਦੀ ਕਾਮਨਾ ਕੀਤੀ ਹੈ। ਹਾਲ ਹੀ ‘ਚ ਪ੍ਰਧਾਨ ਮੰਤਰੀ ਮੋਦੀ ਨੇ ਇਸ ਸਬੰਧ ‘ਚ ਸਦਗੁਰੂ ਜੱਗੀ ਵਾਸੂਦੇਵ ਨੂੰ ਇੱਕ ਪੱਤਰ ਲਿਖਿਆ। ਉਨ੍ਹਾਂ ਨੇ ਪੱਤਰ ‘ਚ ਲਿਖਿਆ, ‘ਈਸ਼ਾ ਫਾਊਂਡੇਸ਼ਨ ਦੇ ਸਾਰੇ ਲੋਕਾਂ ਅਤੇ ਭਗਵਾਨ ਸ਼ਿਵ ਦੇ ਅਣਗਿਣਤ ਭਗਤਾਂ ਨੂੰ ਕੋਇੰਬਟੂਰ ਦੇ ਈਸ਼ਾ ਯੋਗਾ ਸੈਂਟਰ ਵਿਖੇ ਕਰਵਾਏ ਜਾ ਰਹੇ ਮਹਾਸ਼ਿਵਰਾਤਰੀ ਸਮਾਗਮ 2025 ਦੇ ਸ਼ੁਭ ਮੌਕੇ ‘ਤੇ ਹਾਰਦਿਕ ਸ਼ੁਭਕਾਮਨਾਵਾਂ ਅਤੇ ਵਧਾਈਆਂ ਦਿੱਤੀਆਂ ਹਨ।
ਪੀਐੱਮ ਨੇ ਲਿਖਿਆ ਕਿ ਸਭ ਤੋਂ ਮਹੱਤਵਪੂਰਨ ਤਿਉਹਾਰਾਂ ਵਿੱਚੋਂ ਇੱਕ ਵਜੋਂ ਵਿਆਪਕ ਤੌਰ ‘ਤੇ ਮਨਾਇਆ ਜਾਣ ਵਾਲਾ, ਮਹਾਂਸ਼ਿਵਰਾਤਰੀ ਆਪਣੇ ਅਧਿਆਤਮਿਕ ਤੌਰ ‘ਤੇ ਉੱਚਾ ਚੁੱਕਣ ਵਾਲੇ ਗੁਣ ਲਈ ਡੂੰਘੀ ਸ਼ਰਧਾ ਪੈਦਾ ਕਰਦਾ ਹੈ। ਈਸ਼ਾ ਯੋਗਾ ਸੈਂਟਰ ਦੇ ਸੰਸਥਾਪਕ ਸਦਗੁਰੂ ਜੱਗੀ ਵਾਸੂਦੇਵ ਨੇ ਮਹਾਂ ਸ਼ਿਵਰਾਤਰੀ ਦੇ ਮੌਕੇ ‘ਤੇ ਪ੍ਰਧਾਨ ਮੰਤਰੀ ਮੋਦੀ ਦੀਆਂ ਸ਼ੁਭਕਾਮਨਾਵਾਂ ਲਈ ਧੰਨਵਾਦ ਕੀਤਾ ਹੈ।
ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਕਰਨਾਟਕ ਦੇ ਉਪ ਮੁੱਖ ਮੰਤਰੀ ਡੀਕੇ ਸ਼ਿਵਕੁਮਾਰ 26 ਫਰਵਰੀ ਨੂੰ ਕੋਇੰਬਟੂਰ ‘ਚ ਪ੍ਰਸਿੱਧ ਅਧਿਆਤਮਿਕ ਗੁਰੂ ਸਦਗੁਰੂ ਦੇ ਈਸ਼ਾ ਯੋਗਾ ਕੇਂਦਰ ਵਿੱਚ ਮਹਾਸ਼ਿਵਰਾਤਰੀ ਦੇ ਜਸ਼ਨਾਂ ‘ਚ ਸ਼ਾਮਲ ਹੋਣਗੇ। ਇਸਦੇ ਨਾਲ ਹੀ ਉੜੀਸਾ ਦੇ ਮਾਣਯੋਗ ਰਾਜਪਾਲ ਸ਼੍ਰੀ ਹਰੀ ਬਾਬੂ ਕੰਭਮਪਤੀ, ਪੰਜਾਬ ਦੇ ਮਾਣਯੋਗ ਰਾਜਪਾਲ, ਗੁਲਾਬ ਚੰਦ ਕਟਾਰੀਆ, ਕੇਂਦਰੀ ਕਾਨੂੰਨ ਅਤੇ ਸੰਸਦੀ ਮਾਮਲਿਆਂ ਬਾਰੇ ਮੰਤਰੀ ਅਰਜੁਨ ਰਾਮ ਮੇਘਵਾਲ, ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਰਾਜ ਮੰਤਰੀ, ਸ਼੍ਰੀ ਐੱਲ. ਮੁਰੂਗਨ, ਮਹਾਰਾਸ਼ਟਰ ਦੇ ਭੂਮੀ ਅਤੇ ਜਲ ਸੰਭਾਲ ਮੰਤਰੀ ਸੰਜੇ ਰਾਠੌੜ, ਤਾਮਿਲਨਾਡੂ ਅਤੇ ਕਰਨਾਟਕ ਦੇ ਵਿਧਾਇਕਾਂ ਦੇ ਨਾਲ ਮੌਜੂਦ ਰਹਿਣਗੇ।
ਈਸ਼ਾ ਦੇ ਸਭ ਤੋਂ ਵੱਧ ਉਡੀਕੇ ਜਾਣ ਵਾਲੇ ਸਾਲਾਨਾ ਸਮਾਗਮ ‘ਚ ਪ੍ਰਸਿੱਧ ਅਦਾਕਾਰਾਂ, ਗਾਇਕਾਂ, ਕਲਾਕਾਰਾਂ, ਉਦਯੋਗ ਦੇ ਆਗੂਆਂ ਅਤੇ ਖੇਡ ਸ਼ਖਸੀਅਤਾਂ ਨਾਲ ਸ਼ਾਮਲ ਹੋਣਗੇ, ਜੋ ਹਰ ਸਾਲ ਹਜ਼ਾਰਾਂ ਸੈਲਾਨੀਆਂ ਨੂੰ ਕੋਇੰਬਟੂਰ ਆਕਰਸ਼ਿਤ ਕਰਦਾ ਹੈ |
ਈਸ਼ਾ ਯੋਗਾ ਸੈਂਟਰ ਕੋਇੰਬਟੂਰ ਕਿਵੇਂ ਪਹੁੰਚੀਏ ?
ਹਵਾਈ ਰਸਤੇ: ਸਭ ਤੋਂ ਨੇੜਲਾ ਹਵਾਈ ਅੱਡਾ ਕੋਇੰਬਟੂਰ ਅੰਤਰਰਾਸ਼ਟਰੀ ਹਵਾਈ ਅੱਡਾ (ਲਗਭਗ 40 ਕਿਲੋਮੀਟਰ ਦੂਰ) ਹੈ।
ਰੇਲਗੱਡੀ ਰਾਹੀਂ: ਕੋਇੰਬਟੂਰ ਜੰਕਸ਼ਨ ਸਭ ਤੋਂ ਨਜ਼ਦੀਕੀ ਰੇਲਵੇ ਸਟੇਸ਼ਨ ਹੈ, ਜਿੱਥੋਂ ਈਸ਼ਾ ਯੋਗਾ ਸੈਂਟਰ ਲਈ ਟੈਕਸੀਆਂ ਅਤੇ ਬੱਸਾਂ ਉਪਲਬੱਧ ਹਨ।
ਸੜਕ ਰਾਹੀਂ: ਚੇਨਈ, ਬੰਗਲੌਰ ਅਤੇ ਕੋਇੰਬਟੂਰ ਵਰਗੇ ਵੱਡੇ ਸ਼ਹਿਰਾਂ ਨਾਲ ਸੜਕ ਰਾਹੀਂ ਚੰਗੀ ਤਰ੍ਹਾਂ ਜੁੜਿਆ ਹੋਇਆ ਹੈ।
Read More: Mahashivratri 2025: ਮਹਾਂਸ਼ਿਵਰਾਤਰੀ ਤੇ ਸ਼ਿਵਰਾਤਰੀ ‘ਚ ਕੀ ਅੰਤਰ ? ਇਸ ਵਾਰ 60 ਸਾਲ ਬਾਅਦ ਬਣ ਰਿਹੈ ਦੁਰਲੱਭ ਸੰਯੋਗ
