ਚੰਡੀਗੜ੍ਹ, 19 ਦਸੰਬਰ 2023: ਆਈਪੀਐਲ 2024 ਲਈ ਖਿਡਾਰੀਆਂ ਦੀ ਨਿਲਾਮੀ ਦੁਬਈ ਵਿੱਚ ਹੋ ਰਹੀ ਹੈ। ਇਸ ਨਿਲਾਮੀ ਵਿੱਚ ਸਾਰੀਆਂ 10 ਟੀਮਾਂ ਦੀ ਕੁੱਲ 262.95 ਕਰੋੜ ਰੁਪਏ ਦੀ ਕੀਮਤ ਸੀ ਅਤੇ ਇਸ ਪਰਸ ਵਿੱਚੋਂ ਵੱਧ ਤੋਂ ਵੱਧ 77 ਖਿਡਾਰੀ ਖਰੀਦੇ ਜਾ ਸਕਦੇ ਸਨ। ਹੁਣ ਤੱਕ ਮਿਸ਼ੇਲ ਸਟਾਰਕ (Mitchell Starc) ਸਭ ਤੋਂ ਮਹਿੰਗਾ ਖਿਡਾਰੀ ਰਿਹਾ ਹੈ। ਸਟਾਰਕ ਨੂੰ ਕੋਲਕਾਤਾ ਨਾਈਟ ਰਾਈਡਰਜ਼ ਨੇ 24.75 ਕਰੋੜ ਰੁਪਏ ਵਿੱਚ ਖਰੀਦਿਆ ਹੈ । ਇਸ ਦੇ ਨਾਲ ਹੀ ਪੈਟ ਕਮਿੰਸ ਨੂੰ ਸਨਰਾਈਜ਼ਰਸ ਹੈਦਰਾਬਾਦ ਨੇ 20.50 ਕਰੋੜ ਰੁਪਏ ਵਿੱਚ ਖਰੀਦਿਆ ਹੈ।
ਵਨਿੰਦੂ ਹਸਾਰੰਗਾ: ਸ਼੍ਰੀਲੰਕਾਈ ਸਪਿਨਰ ਦੀ ਬੇਸ ਪ੍ਰਾਈਸ 1.5 ਕਰੋੜ ਰੁਪਏ ਸੀ ਅਤੇ ਹੈਦਰਾਬਾਦ ਨੇ ਉਸ ਨੂੰ ਆਪਣੀ ਟੀਮ ‘ਚ ਸ਼ਾਮਲ ਕੀਤਾ। ਕਿਸੇ ਹੋਰ ਟੀਮ ਨੇ ਹਸਾਰੰਗਾ ‘ਤੇ ਸੱਟਾ ਨਹੀਂ ਲਗਾਇਆ।
ਰਚਿਨ ਰਵਿੰਦਰ: 50 ਲੱਖ ਰੁਪਏ ਦੀ ਬੇਸ ਪ੍ਰਾਈਸ ਨਾਲ ਰਵਿੰਦਰਾ ਨੂੰ ਖਰੀਦਣ ਲਈ ਚੇਨਈ ਅਤੇ ਦਿੱਲੀ ਵਿਚਾਲੇ ਦੌੜ ਲੱਗੀ ਹੋਈ ਸੀ। ਚੇਨਈ ਨੇ ਉਸ ਨੂੰ 1.8 ਕਰੋੜ ‘ਚ ਖਰੀਦਿਆ। ਰਵਿੰਦਰ ਨੇ ਵਨਡੇ ਵਿਸ਼ਵ ਕੱਪ ‘ਚ ਨਿਊਜ਼ੀਲੈਂਡ ਲਈ ਗੇਂਦ ਅਤੇ ਬੱਲੇ ਨਾਲ ਕਮਾਲ ਕਰ ਦਿੱਤਾ ਸੀ।
ਸ਼ਾਰਦੁਲ ਠਾਕੁਰ: ਚੇਨਈ ਅਤੇ ਹੈਦਰਾਬਾਦ ਨੇ ਸ਼ਾਰਦੁਲ ਠਾਕੁਰ ਨੂੰ 2 ਕਰੋੜ ਰੁਪਏ ਦੀ ਬੇਸ ਕੀਮਤ ਨਾਲ ਖਰੀਦਣ ਵਿੱਚ ਦਿਲਚਸਪੀ ਦਿਖਾਈ। ਅੰਤ ਵਿੱਚ ਚੇਨਈ ਨੇ ਉਸਨੂੰ 4 ਕਰੋੜ ਰੁਪਏ ਵਿੱਚ ਖਰੀਦ ਲਿਆ।
ਅਜ਼ਮਤੁੱਲਾ ਉਮਰਜ਼ਈ: ਅਫਗਾਨਿਸਤਾਨ ਦੇ ਅਜ਼ਮਤੁੱਲਾ ਉਮਰਜ਼ਈ ਨੂੰ ਗੁਜਰਾਤ ਟਾਇਟਨਸ ਨੇ 50 ਲੱਖ ਰੁਪਏ ਦੀ ਬੇਸ ਕੀਮਤ ‘ਤੇ ਖਰੀਦਿਆ ਸੀ।
ਪੈਟ ਕਮਿੰਸ: ਚੇਨਈ ਅਤੇ ਮੁੰਬਈ ਨੇ ਕਮਿੰਸ ਨੂੰ 2 ਕਰੋੜ ਰੁਪਏ ਦੀ ਬੇਸ ਕੀਮਤ ਨਾਲ ਖਰੀਦਣ ਵਿੱਚ ਦਿਲਚਸਪੀ ਦਿਖਾਈ। ਬਾਅਦ ਵਿੱਚ ਆਰਸੀਬੀ ਅਤੇ ਹੈਦਰਾਬਾਦ ਇਸ ਦੌੜ ਵਿੱਚ ਸ਼ਾਮਲ ਹੋਏ। ਆਖਿਰਕਾਰ ਸਨਰਾਈਜ਼ਰਸ ਹੈਦਰਾਬਾਦ ਨੇ ਉਸ ਨੂੰ 20.5 ਕਰੋੜ ਰੁਪਏ ‘ਚ ਖਰੀਦਿਆ।
ਗੇਰਾਲਡ ਕੋਏਟਜ਼ੀ: ਚੇਨਈ ਅਤੇ ਮੁੰਬਈ ਨੇ 2 ਕਰੋੜ ਰੁਪਏ ਦੇ ਆਧਾਰ ਮੁੱਲ ਨਾਲ ਦੱਖਣੀ ਅਫ਼ਰੀਕੀ ਗੇਂਦਬਾਜ਼ ਨੂੰ ਖਰੀਦਣ ਵਿੱਚ ਦਿਲਚਸਪੀ ਦਿਖਾਈ। ਮੁੰਬਈ ਨੇ ਉਸ ਨੂੰ 5 ਕਰੋੜ ਰੁਪਏ ‘ਚ ਖਰੀਦਿਆ।
ਹਰਸ਼ਲ ਪਟੇਲ: ਹਰਸ਼ਲ ਪਟੇਲ ਨੂੰ 2 ਕਰੋੜ ਰੁਪਏ ਦੀ ਬੇਸ ਪ੍ਰਾਈਸ ਨਾਲ ਖਰੀਦਣ ਲਈ ਗੁਜਰਾਤ ਅਤੇ ਪੰਜਾਬ ਵਿੱਚ ਮੁਕਾਬਲਾ ਸੀ। ਅੰਤ ਵਿੱਚ ਪੰਜਾਬ ਕਿੰਗਜ਼ ਨੇ ਉਸਨੂੰ 11.75 ਕਰੋੜ ਰੁਪਏ ਵਿੱਚ ਖਰੀਦਿਆ।
ਡੇਰਿਲ ਮਿਸ਼ੇਲ: ਡੇਰਿਲ ਮਿਸ਼ੇਲ ਲਈ ਦਿੱਲੀ ਕੈਪੀਟਲਸ ਅਤੇ ਪੰਜਾਬ ਕਿੰਗਜ਼ ਵਿਚਾਲੇ ਮੁਕਾਬਲਾ ਹੋਇਆ, ਜਿਸ ਦੀ ਬੇਸ ਪ੍ਰਾਈਸ 1 ਕਰੋੜ ਰੁਪਏ ਸੀ। ਅੰਤ ਵਿੱਚ ਚੇਨਈ ਨੇ ਇਸ ਦੌੜ ਵਿੱਚ ਸ਼ਾਮਲ ਹੋ ਕੇ ਉਸ ਨੂੰ 14 ਕਰੋੜ ਰੁਪਏ ਵਿੱਚ ਖਰੀਦ ਲਿਆ।
ਕ੍ਰਿਸ ਵੋਕਸ: ਪੰਜਾਬ ਅਤੇ ਕੋਲਕਾਤਾ ਨੇ 2 ਕਰੋੜ ਰੁਪਏ ਦੀ ਬੇਸ ਪ੍ਰਾਈਸ ਨਾਲ ਕ੍ਰਿਸ ਵੋਕਸ ਨੂੰ ਖਰੀਦਣ ਵਿੱਚ ਦਿਲਚਸਪੀ ਦਿਖਾਈ। ਆਖਰ ਪੰਜਾਬ ਨੇ ਉਸ ਨੂੰ 4.2 ਕਰੋੜ ਰੁਪਏ ਵਿੱਚ ਖਰੀਦ ਲਿਆ।
