2 ਮਈ 2025: ਇੰਡੀਗੋ ਏਅਰਲਾਈਨਜ਼ (IndiGo Airlines) 5 ਜੂਨ ਤੋਂ ਆਦਮਪੁਰ ਹਵਾਈ ਅੱਡੇ ਤੋਂ ਆਪਣੀ ਨਿਯਮਤ ਹਵਾਈ ਸੇਵਾ ਸ਼ੁਰੂ ਕਰਨ ਜਾ ਰਹੀ ਹੈ। ਦੱਸ ਦੇਈਏ ਕਿ ਇਸ ਸਬੰਧ ਵਿੱਚ, ਇੰਡੀਗੋ ਕੰਪਨੀ (IndiGo company) ਦੀ ਇੱਕ ਸੀਨੀਅਰ ਟੀਮ ਵੀਰਵਾਰ ਨੂੰ ਆਦਮਪੁਰ ਪਹੁੰਚੀ ਅਤੇ ਹਵਾਈ ਅੱਡੇ ਦਾ ਚੰਗੀ ਤਰ੍ਹਾਂ ਨਿਰੀਖਣ ਕੀਤਾ। ਇੰਡੀਗੋ (indigo) ਦੇ ਮੁੰਬਈ ਸਥਿਤ ਮੁੱਖ ਦਫ਼ਤਰ ਦੇ ਅਧਿਕਾਰੀਆਂ ਨੇ ਉਡਾਣਾਂ ਨੂੰ ਸੁਚਾਰੂ ਢੰਗ ਨਾਲ ਮੁੜ ਸ਼ੁਰੂ ਕਰਨ ਨੂੰ ਯਕੀਨੀ ਬਣਾਉਣ ਲਈ ਹਵਾਈ ਅੱਡੇ ਦੇ ਰਨਵੇ, ਯਾਤਰੀ ਇਮਾਰਤ ਅਤੇ ਮੁੱਖ ਗੇਟ ਖੇਤਰ ਸਮੇਤ ਪੂਰੇ ਅਹਾਤੇ ਦਾ ਮੁਆਇਨਾ ਕੀਤਾ।
ਟੀਮ ਵਿੱਚ ਇੰਡੀਗੋ ਕੰਪਨੀ ਦੇ ਡਾਇਰੈਕਟਰ ਸੁਰਿੰਦਰਪਾਲ ਸਿੰਘ (surinderpal singh) ਨਾਇਰਿਲ, ਏਅਰ ਟ੍ਰੈਫਿਕ ਮੈਨੇਜਮੈਂਟ ਤੋਂ ਵਿਕਾਸ ਮਹਿਤਾ, ਏਅਰਪੋਰਟ ਓਪਰੇਸ਼ਨ ਅਤੇ ਪੈਸੇਂਜਰ ਸਰਵਿਸ ਤੋਂ ਦੀਪਕ ਦਹੀਆ, ਏਅਰਪੋਰਟ ਓਪਰੇਸ਼ਨ ਅਤੇ ਗਾਹਕ ਸਹਾਇਤਾ ਅਧਿਕਾਰੀ ਸੁਨੀਲ ਕੁਮਾਰ ਸਿੰਘ, ਸੁਰੱਖਿਆ (ਸੀਆਈਐਸਐਫ), ਏਅਰਪੋਰਟ ਅਥਾਰਟੀ ਆਫ ਇੰਡੀਆ ਦੇ ਪੁਸ਼ਪੇਂਦਰ ਕੁਮਾਰ ਨਿਰਾਲਾ, ਅਮਿਤ ਕੁਮਾਰ (ਸਹਾਇਕ ਜਨਰਲ ਮੈਨੇਜਰ), ਸੂਰਜ ਯਾਦਵ, ਸੂਰਿਆ ਪ੍ਰਤਾਪ ਅਤੇ ਮੋਹਨ ਪੰਵਾਰ ਆਦਿ ਸ਼ਾਮਲ ਸਨ।
ਸੂਤਰਾਂ ਅਨੁਸਾਰ, ਨਿਰੀਖਣ ਦੇ ਨਤੀਜੇ ਸਕਾਰਾਤਮਕ ਰਹੇ ਹਨ ਅਤੇ ਇੰਡੀਗੋ ਵੱਲੋਂ ਜਲਦੀ ਹੀ ਆਦਮਪੁਰ ਹਵਾਈ ਅੱਡੇ ਤੋਂ ਨਿਯਮਤ ਯਾਤਰੀ ਉਡਾਣਾਂ ਸ਼ੁਰੂ ਕਰਨ ਦੀ ਸੰਭਾਵਨਾ ਹੈ। ਇਸ ਨਾਲ ਸਥਾਨਕ ਲੋਕਾਂ ਨੂੰ ਸਿੱਧੀ ਹਵਾਈ ਯਾਤਰਾ ਦੀ ਸਹੂਲਤ ਮਿਲੇਗੀ।
Read More: ਏਅਰ ਇੰਡੀਆ ਨੂੰ ਹੋਵੇਗਾ ਕਰੋੜ੍ਹਾਂ ਦਾ ਨੁਕਸਾਨ, ਸਰਕਾਰ ਨੂੰ ਵਿੱਤੀ ਮਦਦ ਦਾ ਦਿੱਤਾ ਸੁਝਾਅ
