ਵਿਸ਼ਾਖਾਪਟਨਮ, 03 ਅਪ੍ਰੈਲ 2026: ਭਾਰਤ ਦੀ ਸਮੁੰਦਰੀ ਸੁਰੱਖਿਆ ਨੂੰ ਮਜ਼ਬੂਤ ਕਰਨ ਵੱਲ ਸ਼ੁੱਕਰਵਾਰ ਨੂੰ ਇੱਕ ਨਵਾਂ ਅਧਿਆਇ ਜੁੜਿਆ। ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਵਿਸ਼ਾਖਾਪਟਨਮ ਦੇ ਨੇਵਲ ਡੌਕਯਾਰਡ ਵਿਖੇ ਸਵਦੇਸ਼ੀ ਅਤਿ-ਆਧੁਨਿਕ ਸਟੀਲਥ ਫ੍ਰੀਗੇਟ ਤਾਰਾਗਿਰੀ ਅਤੇ ਆਈਐਨਐਸ ਅਰਿਦਮਨ ਨੂੰ ਜਲ ਫੌਜ ‘ਚ ਸ਼ਾਮਲ ਕੀਤਾ। ਇਸ ਸਮਾਗਮ ‘ਚ ਸੀਡੀਐਸ ਜਨਰਲ ਅਨਿਲ ਚੌਹਾਨ, ਜਲ ਫੌਜ ਮੁਖੀ ਐਡਮਿਰਲ ਦਿਨੇਸ਼ ਕੁਮਾਰ ਤ੍ਰਿਪਾਠੀ ਅਤੇ ਹੋਰ ਸੀਨੀਅਰ ਫੌਜੀ ਅਧਿਕਾਰੀ ਸ਼ਾਮਲ ਹੋਏ।
ਇਸ ਸਮਾਗਮ ਦੌਰਾਨ, ਭਾਰਤ ਦੀ ਸਵਦੇਸ਼ੀ ਪਰਮਾਣੂ ਪਣਡੁੱਬੀ ਆਈਐਨਐਸ ਅਰਿਦਮਨ ਨੂੰ ਭਾਰਤੀ ਜਲ ਫੌਜ ‘ਚ ਸ਼ਾਮਲ ਕੀਤਾ ਗਿਆ। ਇਸ ਤੀਜੀ ਪਰਮਾਣੂ-ਸੰਚਾਲਿਤ ਅਤੇ ਬੈਲਿਸਟਿਕ ਮਿਜ਼ਾਈਲ ਨਾਲ ਲੈਸ ਪਣਡੁੱਬੀ ਦੇ ਸ਼ਾਮਲ ਹੋਣ ਨਾਲ ਜਲ ਫੌਜ ਦੀ ਤਾਕਤ ‘ਚ ਵਾਧਾ ਹੋਇਆ ਹੈ।
ਇਸ ਸਮਾਗਮ ਦੌਰਾਨ, ਰਾਜਨਾਥ ਸਿੰਘ ਨੇ ਕਿਹਾ, “ਆਈਐਨਐਸ ਤਾਰਾਗਿਰੀ ਦੀ ਸ਼ੁਰੂਆਤ ਭਾਰਤ ਦੀ ਜਲ ਫੌਜ ਦੀ ਤਾਕਤ ਨੂੰ ਹੋਰ ਵਧਾਉਂਦੀ ਹੈ। ਆਈਐਨਐਸ ਤਾਰਾਗਿਰੀ ਬ੍ਰਹਮੋਸ ਅਤੇ ਸੁਪਰਸੋਨਿਕ ਮਿਜ਼ਾਈਲਾਂ ਨਾਲ ਲੈਸ ਹੈ। ਉਨ੍ਹਾਂ ਕਿਹਾ ਕਿ ਇਤਿਹਾਸ ਸਾਨੂੰ ਦੱਸਦਾ ਹੈ ਕਿ ਕਿਸੇ ਵੀ ਦੇਸ਼ ਨੂੰ ਆਪਣੀ ਜਲ ਫੌਜ ਸ਼ਕਤੀ ਨੂੰ ਮਜ਼ਬੂਤ ਕੀਤੇ ਬਿਨਾਂ ਸ਼ਕਤੀਸ਼ਾਲੀ ਨਹੀਂ ਮੰਨਿਆ ਜਾ ਸਕਦਾ।”
ਪਾਣੀ ਦੇ ਅੰਦਰ ਲਗਭਗ 44 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਯਾਤਰਾ ਕਰਨ ਵਾਲੇ ਅਰਿਦਮਨ ਦਾ ਪਤਾ ਲਗਾਉਣਾ ਬਹੁਤ ਮੁਸ਼ਕਿਲ ਹੈ। K-15 ਅਤੇ K-4 ਵਰਗੀਆਂ ਘਾਤਕ ਬੈਲਿਸਟਿਕ ਮਿਜ਼ਾਈਲਾਂ ਨਾਲ ਲੈਸ, ਅਰਿਧਮਨ ਜਲ ਫੌਜ ਦੀ ਤੀਜੀ ਪ੍ਰਮਾਣੂ-ਸੰਚਾਲਿਤ ਪਣਡੁੱਬੀ ਹੈ। ਇਹ ਬੈਲਿਸਟਿਕ ਮਿਜ਼ਾਈਲ ਪਣਡੁੱਬੀ ਭਾਰਤ ਦੀ ਪ੍ਰਮਾਣੂ-ਸੰਚਾਲਿਤ ਬੈਲਿਸਟਿਕ ਮਿਜ਼ਾਈਲ ਪਣਡੁੱਬੀ (SSBN) ਪ੍ਰੋਜੈਕਟ ਦੇ ਤਹਿਤ ਪਹਿਲਾ ਜਹਾਜ਼ ਸੀ। INS ਅਰਿਧਮਨ ਨੂੰ ਬਾਅਦ ‘ਚ ਜਲ ਫੌਜ ‘ਚ ਕਮਿਸ਼ਨ ਕੀਤਾ ਸੀ ਅਤੇ ਜੁਲਾਈ 2009 ‘ਚ ਲਾਂਚ ਕੀਤਾ ਗਿਆ, INS ਅਰਿਧਮਨ ਨੂੰ 2016 ‘ਚ ਕਮਿਸ਼ਨ ਕੀਤਾ ਗਿਆ ਸੀ। ਦੂਜੀ ਸਵਦੇਸ਼ੀ ਤੌਰ ‘ਤੇ ਬਣੀ INS ਅਰਿਧਮਨ ਅਗਸਤ 2024 ‘ਚ ਕਮਿਸ਼ਨ ਕੀਤੀ ਸੀ।
INS ਅਰਿਧਮਨ ਆਕਾਰ ਅਤੇ ਸਮਰੱਥਾ ਦੇ ਮਾਮਲੇ ‘ਚ ਪਹਿਲੀਆਂ ਦੋ ਪਣਡੁੱਬੀਆਂ ਨਾਲੋਂ ਵੱਡੀ ਅਤੇ ਵਧੇਰੇ ਸ਼ਕਤੀਸ਼ਾਲੀ ਹੈ। ਲੜੀ ‘ਚ ਚੌਥੀ SSBN ਇਸ ਸਮੇਂ ਸਮੁੰਦਰੀ ਅਜ਼ਮਾਇਸ਼ਾਂ ‘ਚੋਂ ਲੰਘ ਰਹੀ ਹੈ ਅਤੇ ਅਗਲੇ ਸਾਲ ਜਲ ਫੌਜ ‘ਚ ਕਮਿਸ਼ਨ ਕੀਤੇ ਜਾਣ ਦੀ ਉਮੀਦ ਹੈ। ਇਹ ਚੌਥੀ ਪਣਡੁੱਬੀ ਵੀ ਅਰਿਧਮਨ ਸ਼੍ਰੇਣੀ ਦੀ ਹੋਵੇਗੀ।
Read More: ਪ੍ਰਧਾਨ ਮੰਤਰੀ ਮੋਦੀ ਦੇ ਖ਼ਿਲਾਫ ਬੋਲਣ ਤੋਂ ਝਿਜਕਦੇ ਹਨ ਰਾਘਵ ਚੱਢਾ: ‘ਆਪ’
