ਵਿਦੇਸ਼, 24 ਨਵੰਬਰ 2025: ਅਰੁਣਾਚਲ ਪ੍ਰਦੇਸ਼ ਦੀ ਰਹਿਣ ਵਾਲੀ ਪ੍ਰੇਮਾ ਵਾਂਗਜੋਮ ਥੋਂਗਡੋਕ ਨੇ ਦਾਅਵਾ ਕੀਤਾ ਕਿ ਚੀਨੀ ਇਮੀਗ੍ਰੇਸ਼ਨ ਅਧਿਕਾਰੀਆਂ ਨੇ ਸ਼ੰਘਾਈ ਪੁਡੋਂਗ ਹਵਾਈ ਅੱਡੇ ‘ਤੇ ਉਸ ਨੂੰ ਪਰੇਸ਼ਾਨ ਕੀਤਾ ਕਿਉਂਕਿ ਉਸ ਕੋਲ ਭਾਰਤੀ ਪਾਸਪੋਰਟ ਸੀ। ਚੀਨੀ ਇਮੀਗ੍ਰੇਸ਼ਨ ਅਧਿਕਾਰੀਆਂ ਨੇ ਉਸ ਦੇ ਪਾਸਪੋਰਟ ਨੂੰ ਅਵੈਧ ਘੋਸ਼ਿਤ ਕਰ ਦਿੱਤਾ ਅਤੇ ਜਾਪਾਨ ਦੀ ਯਾਤਰਾ ‘ਚ ਦੇਰੀ ਕੀਤੀ।
ਥੋਂਗਡੋਕ ਨੇ ਕਿਹਾ, “ਜਦੋਂ ਮੈਂ ਉਨ੍ਹਾਂ ਤੋਂ ਸਵਾਲ ਪੁੱਛਣ ਅਤੇ ਮੁੱਦੇ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ, ਤਾਂ ਉਨ੍ਹਾਂ ਨੇ ਕਿਹਾ, ‘ਅਰੁਣਾਚਲ ਭਾਰਤ ਦਾ ਹਿੱਸਾ ਨਹੀਂ ਹੈ,’ ਅਤੇ ਮੇਰਾ ਮਜ਼ਾਕ ਉਡਾਉਣ ਲੱਗ ਪਏ। ਉਹ ਹੱਸ ਪਏ ਅਤੇ ਕਿਹਾ, ‘ਤੁਹਾਨੂੰ ਚੀਨੀ ਪਾਸਪੋਰਟ ਲਈ ਅਰਜ਼ੀ ਦੇਣੀ ਚਾਹੀਦੀ ਹੈ, ਤੁਸੀਂ ਚੀਨੀ ਹੋ, ਭਾਰਤੀ ਨਹੀਂ।'”
ਥੋਂਗਡੋਕ ਨੇ ਕਿਹਾ, “ਮੈਂ ਇੱਕ ਭਾਰਤੀ ਨਾਗਰਿਕ ਹਾਂ ਜੋ ਪਿਛਲੇ 14 ਸਾਲਾਂ ਤੋਂ ਯੂਕੇ ‘ਚ ਰਹਿ ਰਹੀ ਹਾਂ ਅਤੇ ਲੰਡਨ ਤੋਂ ਜਾਪਾਨ ਦੀ ਯਾਤਰਾ ਕਰ ਰਹੀ ਸੀ, ਜਿਸਦਾ ਇੱਕ ਟ੍ਰਾਂਜ਼ਿਟ ਸਟਾਪ ਸ਼ੰਘਾਈ ‘ਚ ਸੀ। ਇੱਕ ਚੀਨੀ ਇਮੀਗ੍ਰੇਸ਼ਨ ਅਧਿਕਾਰੀ ਆਇਆ ਅਤੇ ਥੋਂਗਡੋਕ ਨੂੰ ਕਤਾਰ ‘ਚੋਂ ਬਾਹਰ ਕੱਢਿਆ। ਮੈਂ ਪੁੱਛਿਆ ਕਿ ਕੀ ਹੋ ਰਿਹਾ ਹੈ ਅਤੇ ਉਨ੍ਹਾਂ ਕਿਹਾ, ‘ਅਰੁਣਾਚਲ ਪ੍ਰਦੇਸ਼ ਭਾਰਤ ਦਾ ਨਹੀਂ, ਚੀਨ ਦਾ ਹੈ। ਤੁਹਾਡਾ ਵੀਜ਼ਾ ਅਵੈਧ ਹੈ। ਤੁਹਾਡਾ ਪਾਸਪੋਰਟ ਅਵੈਧ ਹੈ।'” ਜਦੋਂ ਮੈਂ ਦੁਬਾਰਾ ਪੁੱਛਣ ਦੀ ਕੋਸ਼ਿਸ਼ ਕੀਤੀ ਕਿ ਸਮੱਸਿਆ ਕੀ ਹੈ, ਤਾਂ ਉਨ੍ਹਾਂ ਨੇ ਕਿਹਾ, “ਅਰੁਣਾਚਲ ਭਾਰਤ ਦਾ ਹਿੱਸਾ ਨਹੀਂ ਹੈ।” ਉਹ ਮੇਰਾ ਮਜ਼ਾਕ ਉਡਾਉਣ ਲੱਗ ਪਏ, ਹੱਸਣ ਲੱਗ ਪਏ, ਅਤੇ ਕਹਿਣ ਲੱਗੇ, “ਤੁਹਾਨੂੰ ਚੀਨੀ ਪਾਸਪੋਰਟ ਲੈਣਾ ਚਾਹੀਦਾ ਹੈ |
ਥੋਂਗਡੋਕ ਨੇ ਕਿਹਾ, “ਮੈਂ ਪਹਿਲਾਂ ਵੀ ਕਈ ਵਾਰ ਸ਼ੰਘਾਈ ‘ਚੋਂ ਲੰਘ ਚੁੱਕੀ ਹਾਂ ਅਤੇ ਕਦੇ ਕੋਈ ਸਮੱਸਿਆ ਨਹੀਂ ਆਈ। ਮੈਂ ਆਪਣੇ ਪਰਿਵਾਰ ਨਾਲ ਲੰਬੇ ਸਮੇਂ ਤੱਕ ਸੰਪਰਕ ਵੀ ਨਹੀਂ ਕਰ ਸਕੀ।” ਉਸਨੇ ਕਿਹਾ, “ਚਾਈਨਾ ਈਸਟਰਨ ਏਅਰਲਾਈਨਜ਼ ਦੇ ਕਰਮਚਾਰੀ ਅਤੇ ਦੋ ਹੋਰ ਇਮੀਗ੍ਰੇਸ਼ਨ ਅਧਿਕਾਰੀ ਇੱਕ ਦੂਜੇ ਨਾਲ ਆਪਣੀ ਭਾਸ਼ਾ ‘ਚ ਗੱਲ ਕਰ ਰਹੇ ਸਨ। ਉਹ 21 ਨਵੰਬਰ ਨੂੰ ਲੰਡਨ ਤੋਂ ਜਾਪਾਨ ਜਾ ਰਹੀ ਸੀ।”
ਉਸਨੇ ਨੇ ਦੋਸ਼ ਲਗਾਇਆ ਕਿ ਇਮੀਗ੍ਰੇਸ਼ਨ ਕਾਊਂਟਰ ‘ਤੇ ਅਧਿਕਾਰੀਆਂ ਨੇ ਉਸ ਤੋਂ 18 ਘੰਟੇ ਪੁੱਛਗਿੱਛ ਕੀਤੀ ਗਈ ਅਤੇ ਮਜ਼ਾਕ ਉਡਾਇਆ ਗਿਆ। ਥੋਂਗਡੋਕ ਨੇ ਪ੍ਰਧਾਨ ਮੰਤਰੀ ਮੋਦੀ ਅਤੇ ਹੋਰ ਸੀਨੀਅਰ ਅਧਿਕਾਰੀਆਂ ਨੂੰ ਇੱਕ ਸ਼ਿਕਾਇਤ ਪੱਤਰ ਲਿਖਿਆ ਹੈ, ਜਿਸ ‘ਚ ਇਸ ਵਿਵਹਾਰ ਨੂੰ ਭਾਰਤ ਦੀ ਪ੍ਰਭੂਸੱਤਾ ਅਤੇ ਅਰੁਣਾਚਲ ਪ੍ਰਦੇਸ਼ ਦੇ ਨਾਗਰਿਕਾਂ ਦਾ ਅਪਮਾਨ ਦੱਸਿਆ ਹੈ।”
ਥੋਂਗਡੋਕ ਨੇ ਦਾਅਵਾ ਕੀਤਾ ਕਿ ਅਧਿਕਾਰੀਆਂ ਨੇ ਉਨ੍ਹਾਂ ‘ਤੇ ਵਾਰ-ਵਾਰ ਦਬਾਅ ਪਾਇਆ ਕਿ ਉਹ ਉਨ੍ਹਾਂ ਦਾ ਪਾਸਪੋਰਟ ਵਾਪਸ ਕਰਨ ਤੋਂ ਪਹਿਲਾਂ ਚੀਨ ਪੂਰਬੀ ‘ਤੇ ਇੱਕ ਨਵੀਂ ਟਿਕਟ ਖਰੀਦਣ। ਇਸ ਦੇ ਨਤੀਜੇ ਵਜੋਂ ਉਡਾਣ ਅਤੇ ਹੋਟਲ ਬੁਕਿੰਗ ਲਈ ਕਾਫ਼ੀ ਨੁਕਸਾਨ ਹੋਇਆ।
ਅੰਤ ‘ਚ ਯੂਕੇ ‘ਚ ਇੱਕ ਦੋਸਤ ਦੀ ਮੱਦਦ ਨਾਲ, ਥੋਂਗਡੋਕ ਨੇ ਸ਼ੰਘਾਈ ‘ਚ ਭਾਰਤੀ ਦੂਤਾਵਾਸ ਨਾਲ ਸੰਪਰਕ ਕੀਤਾ। ਭਾਰਤੀ ਅਧਿਕਾਰੀਆਂ ਨੇ ਉਨ੍ਹਾਂ ਨੂੰ ਰਾਤ ਦੀ ਉਡਾਣ ‘ਤੇ ਬਿਠਾ ਕੇ ਸ਼ੰਘਾਈ ਤੋਂ ਬਾਹਰ ਨਿਕਲਣ ‘ਚ ਮੱਦਦ ਕੀਤੀ।
ਉਨ੍ਹਾਂ ਭਾਰਤ ਸਰਕਾਰ ਨੂੰ ਇਸ ਮੁੱਦੇ ਨੂੰ ਬੀਜਿੰਗ ਕੋਲ ਉਠਾਉਣ ਅਤੇ ਇਮੀਗ੍ਰੇਸ਼ਨ ਅਧਿਕਾਰੀਆਂ ਅਤੇ ਏਅਰਲਾਈਨ ਸਟਾਫ ਵਿਰੁੱਧ ਕਾਰਵਾਈ ਦੀ ਮੰਗ ਕਰਨ ਦੀ ਅਪੀਲ ਕੀਤੀ ਅਤੇ ਇਹ ਯਕੀਨੀ ਬਣਾਉਣ ਲਈ ਕਿ ਅਰੁਣਾਚਲ ਪ੍ਰਦੇਸ਼ ਦੇ ਭਾਰਤੀ ਨਾਗਰਿਕਾਂ ਨੂੰ ਭਵਿੱਖ ‘ਚ ਅਜਿਹੀਆਂ ਸਮੱਸਿਆਵਾਂ ਦਾ ਸਾਹਮਣਾ ਨਾ ਕਰਨਾ ਪਵੇ।
Read More: ਬ੍ਰਾਜ਼ੀਲ ‘ਚ UN ਜਲਵਾਯੂ ਸੰਮੇਲਨ ਵਾਲੀ ਥਾਂ ‘ਤੇ ਲੱਗੀ ਅੱ.ਗ, ਭਾਰਤ ਦੇ ਵਾਤਾਵਰਣ ਮੰਤਰੀ ਭੂਪੇਂਦਰ ਯਾਦਵ ਵੀ ਸਨ ਮੌਜੂਦ
