ਸਪੋਰਟਸ, 28 ਨਵੰਬਰ 2025: ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਅੰਡਰ-19 ਏਸ਼ੀਆ ਕੱਪ ਲਈ ਭਾਰਤੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਆਯੁਸ਼ ਮਹਾਤਰੇ 15 ਮੈਂਬਰੀ ਟੀਮ ਦੀ ਅਗਵਾਈ ਕਰਨਗੇ, ਜਦੋਂ ਕਿ ਵਿਸਫੋਟਕ ਬੱਲੇਬਾਜ਼ ਵੈਭਵ ਸੂਰਿਆਵੰਸ਼ੀ ਨੂੰ ਵੀ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ। ਏਸ਼ੀਆ ਕੱਪ 12 ਦਸੰਬਰ ਤੋਂ 21 ਦਸੰਬਰ ਤੱਕ ਦੁਬਈ ‘ਚ ਹੋਵੇਗਾ। ਇਹ ਟੂਰਨਾਮੈਂਟ 50 ਓਵਰਾਂ ਦੇ ਫਾਰਮੈਟ ‘ਚ ਖੇਡਿਆ ਜਾਵੇਗਾ। ਵਿਹਾਨ ਮਲਹੋਤਰਾ ਇਸ ਸਮੇਂ ਦੌਰਾਨ ਟੀਮ ਦੇ ਉਪ-ਕਪਤਾਨ ਵਜੋਂ ਕਮਾਨ ਸੰਭਾਲਣਗੇ |
ਮਹਾਤਰੇ ਨੇ ਪਹਿਲਾਂ ਸਤੰਬਰ ਅਤੇ ਅਕਤੂਬਰ ‘ਚ ਆਸਟ੍ਰੇਲੀਆ ਦੇ ਮਲਟੀ-ਫਾਰਮੈਟ ਦੌਰੇ ਦੌਰਾਨ ਭਾਰਤ ਦੀ ਅਗਵਾਈ ਕੀਤੀ ਸੀ। ਇਹ ਟੂਰਨਾਮੈਂਟ ਅਗਲੇ ਸਾਲ ਜਨਵਰੀ-ਫਰਵਰੀ ‘ਚ ਜ਼ਿੰਬਾਬਵੇ ਅਤੇ ਨਾਮੀਬੀਆ ‘ਚ ਖੇਡੇ ਜਾਣ ਵਾਲੇ ਅੰਡਰ-19 ਵਿਸ਼ਵ ਕੱਪ ਦੀ ਤਿਆਰੀ ਵਜੋਂ ਕੰਮ ਕਰੇਗਾ। 14 ਸਾਲਾ ਸੂਰਿਆਵੰਸ਼ੀ ਨੇ ਹਾਲ ਹੀ ‘ਚ ਰਾਈਜ਼ਿੰਗ ਸਟਾਰਜ਼ ਏਸ਼ੀਆ ਕੱਪ ‘ਚ UAE ਵਿਰੁੱਧ 32 ਗੇਂਦਾਂ ‘ਚ ਸੈਂਕੜਾ ਲਗਾਇਆ ਸੀ। 42 ਗੇਂਦਾਂ ‘ਚ 144 ਦੌੜਾਂ ਦੀ ਆਪਣੀ ਧਮਾਕੇਦਾਰ ਪਾਰੀ ਦੌਰਾਨ, ਉਹ ਪੁਰਸ਼ਾਂ ਦੇ T20 ਫਾਰਮੈਟ ‘ਚ ਸੈਂਕੜਾ ਬਣਾਉਣ ਵਾਲਾ ਤੀਜਾ ਸਭ ਤੋਂ ਤੇਜ਼ ਬੱਲੇਬਾਜ਼ ਬਣ ਗਿਆ।
ਅੰਡਰ-19 ਏਸ਼ੀਆ ਕੱਪ ਲਈ ਭਾਰਤੀ ਅੰਡਰ-19 ਟੀਮ:
ਆਯੁਸ਼ ਮਹਾਤਰੇ (ਕਪਤਾਨ), ਵੈਭਵ ਸੂਰਿਆਵੰਸ਼ੀ, ਵਿਹਾਨ ਮਲਹੋਤਰਾ (ਉਪ-ਕਪਤਾਨ), ਵੇਦਾਂਤ ਤ੍ਰਿਵੇਦੀ, ਅਭਿਗਿਆਨ ਕੁੰਡੂ (ਵਿਕਟਕੀਪਰ), ਹਰਵੰਸ਼ ਸਿੰਘ (ਵਿਕਟਕੀਪਰ), ਯੁਵਰਾਜ ਗੋਹਿਲ, ਕਨਿਸ਼ਕ ਚੌਹਾਨ, ਖਿਲਾਨ ਏ. ਪਟੇਲ, ਨਮਨ ਪੁਸ਼ਪਕ, ਡੀ. ਦੀਪੇਸ਼, ਹੇਨਿਲ ਪਟੇਲ, ਕਿਸ਼ਨ ਕੁਮਾਰ ਸਿੰਘ, ਊਧਵ ਮੋਹਨ, ਆਰੋਨ ਜਾਰਜ।
ਸਟੈਂਡਬਾਏ ਖਿਡਾਰੀ: ਰਾਹੁਲ ਕੁਮਾਰ, ਹੇਮਚੂਦੇਸਨ ਜੇ, ਬੀ.ਕੇ. ਕਿਸ਼ੋਰ, ਆਦਿਤਿਆ ਰਾਵਤ।
ਬੀ.ਸੀ.ਸੀ.ਆਈ. ਦੇ ਮੁਤਾਬਕ ਟੀਮ ‘ਚ ਸ਼ਾਮਲ ਕਿਸ਼ਨ ਕੁਮਾਰ ਸਿੰਘ ਨੂੰ ਟੂਰਨਾਮੈਂਟ ਤੋਂ ਪਹਿਲਾਂ ਆਪਣੀ ਫਿਟਨੈਸ ਸਾਬਤ ਕਰਨੀ ਪਵੇਗੀ। ਭਾਰਤੀ ਟੀਮ ਆਪਣੀ ਮੁਹਿੰਮ ਇੱਕ ਕੁਆਲੀਫਾਇਰ ਟੀਮ ਵਿਰੁੱਧ ਸ਼ੁਰੂ ਕਰੇਗੀ। ਅੰਡਰ-19 ਏਸ਼ੀਆ ਕੱਪ ‘ਚ ਹਿੱਸਾ ਲੈਣ ਵਾਲੀਆਂ ਤਿੰਨ ਕੁਆਲੀਫਾਇਰ ਟੀਮਾਂ ਦਾ ਖੁਲਾਸਾ ਬਾਅਦ ਵਿੱਚ ਕੀਤਾ ਜਾਵੇਗਾ।
ਭਾਰਤ ਅੰਡਰ-19 14 ਦਸੰਬਰ ਨੂੰ ਪਾਕਿਸਤਾਨ ਅੰਡਰ-19 ਦਾ ਸਾਹਮਣਾ ਕਰੇਗਾ, ਜਦੋਂ ਕਿ ਟੀਮ 16 ਦਸੰਬਰ ਨੂੰ ਇੱਕ ਹੋਰ ਕੁਆਲੀਫਾਇਰ ਖੇਡੇਗੀ। ਟੂਰਨਾਮੈਂਟ ਦੇ ਦੋਵੇਂ ਸੈਮੀਫਾਈਨਲ ਮੈਚ 19 ਦਸੰਬਰ ਨੂੰ ਖੇਡੇ ਜਾਣਗੇ, ਜਦੋਂ ਕਿ ਫਾਈਨਲ 21 ਦਸੰਬਰ ਨੂੰ ਹੋਵੇਗਾ।
Read More: WPL 2025: ਵਿਸ਼ਵ ਚੈਂਪੀਅਨ ਭਾਰਤ ਟੀਮ ਦੀ 16 ਖਿਡਾਰਨਾਂ ਨੂੰ ₹22.65 ਕਰੋੜ ‘ਚ ਖਰੀਦਿਆ
