ਨਾਮੀਬੀਆ, 09 ਜੁਲਾਈ 2025: India and Namibia Agreements: ਭਾਰਤ ਅਤੇ ਨਾਮੀਬੀਆ ਵਿਚਾਲੇ ਬੁੱਧਵਾਰ ਨੂੰ ਚਾਰ ਮਹੱਤਵਪੂਰਨ ਸਮਝੌਤਿਆਂ ‘ਤੇ ਦਸਤਖਤ ਹੋਏ ਹਨ। ਇਹ ਸਮਝੌਤੇ ਊਰਜਾ ਅਤੇ ਸਿਹਤ ਸੰਭਾਲ ਸਮੇਤ ਕਈ ਖੇਤਰਾਂ ‘ਚ ਦੁਵੱਲੇ ਸਹਿਯੋਗ ਨੂੰ ਉਤਸ਼ਾਹਿਤ ਕਰਨ ਨਾਲ ਸਬੰਧਤ ਹਨ। ਇਹ ਗੱਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਰਾਸ਼ਟਰਪਤੀ ਨੇਟੁੰਮਬੋ ਨੰਦੀ-ਨਦਾਇਤਵ ਵਿਚਕਾਰ ਗੱਲਬਾਤ ਤੋਂ ਬਾਅਦ ਦੱਸੀ ਗਈ। ਆਪਣੇ ਪੰਜ ਦੇਸ਼ਾਂ ਦੇ ਦੌਰੇ ਦੇ ਆਖਰੀ ਪੜਾਅ ‘ਚ ਬ੍ਰਾਜ਼ੀਲ ਤੋਂ ਇੱਥੇ ਪਹੁੰਚੇ ਪ੍ਰਧਾਨ ਮੰਤਰੀ ਮੋਦੀ ਨੇ ਸਟੇਟ ਹਾਊਸ ਵਿਖੇ ਰਾਸ਼ਟਰਪਤੀ ਨੰਦੀ-ਨਦੈਤਵ ਨਾਲ ਵਫ਼ਦ-ਪੱਧਰੀ ਗੱਲਬਾਤ ਕੀਤੀ ਹੈ।
ਗੱਲਬਾਤ ਤੋਂ ਬਾਅ ਦੋਵਾਂ ਦੇਸ਼ਾਂ ਨੇ ਸਿਹਤ, ਦਵਾਈ, ਬਾਇਓਫਿਊਲ ਅਤੇ ਆਫ਼ਤ ਪ੍ਰਤੀਰੋਧ ਸਮੇਤ ਕਈ ਖੇਤਰਾਂ ‘ਚ ਚਾਰ ਸਮਝੌਤਿਆਂ ‘ਤੇ ਦਸਤਖਤ ਕੀਤੇ। ਇਹ ਪ੍ਰਧਾਨ ਮੰਤਰੀ ਮੋਦੀ ਦੀ ਨਾਮੀਬੀਆ ਦੀ ਪਹਿਲੀ ਯਾਤਰਾ ਹੈ ਅਤੇ ਕਿਸੇ ਭਾਰਤੀ ਪ੍ਰਧਾਨ ਮੰਤਰੀ ਦੀ ਨਾਮੀਬੀਆ ਦੀ ਤੀਜੀ ਯਾਤਰਾ ਹੈ। ਰਾਸ਼ਟਰਪਤੀ ਦੇ ਸੱਦੇ ‘ਤੇ ਇੱਥੇ ਪਹੁੰਚੇ ਪ੍ਰਧਾਨ ਮੰਤਰੀ ਮੋਦੀ ਨੇ ਨਾਮੀਬੀਆ ਨੂੰ ਅਫਰੀਕਾ ‘ਚ ਇੱਕ ਕੀਮਤੀ ਅਤੇ ਭਰੋਸੇਮੰਦ ਭਾਈਵਾਲ ਦੱਸਿਆ।
ਭਾਰਤ ਅਤੇ ਨਾਮੀਬੀਆ ਦੇ ਲੰਬੇ ਸਮੇਂ ਤੋਂ ਬਹੁਤ ਮਜ਼ਬੂਤ ਸਬੰਧ ਰਹੇ ਹਨ। ਨਵੀਂ ਦਿੱਲੀ ਨੇ ਨਾਮੀਬੀਆ ਨੂੰ ਆਜ਼ਾਦੀ ਤੋਂ ਬਹੁਤ ਪਹਿਲਾਂ ਮਾਨਤਾ ਦਿੱਤੀ ਸੀ। ਨਾਲ ਹੀ, ਇਨ੍ਹਾਂ ਨੇ 1946 ‘ਚ ਸੰਯੁਕਤ ਰਾਸ਼ਟਰ ਮਹਾਸਭਾ ‘ਚ ਇਸ ਮੁੱਦੇ ਨੂੰ ਉਠਾਇਆ। ਦੋਵਾਂ ਦੇਸ਼ਾਂ ਵਿਚਕਾਰ ਦੁਵੱਲਾ ਵਪਾਰ ਮੁੱਖ ਤੌਰ ‘ਤੇ ਜ਼ਿੰਕ ਅਤੇ ਹੀਰੇ ਦੀ ਪ੍ਰੋਸੈਸਿੰਗ ਵਰਗੇ ਖਣਿਜ ਸਰੋਤਾਂ ‘ਚ ਹੁੰਦਾ ਹੈ। ਨਾਮੀਬੀਆ ਇੱਕ ਸਰੋਤ-ਅਮੀਰ ਦੇਸ਼ ਹੈ। ਇਸ ‘ਚ ਯੂਰੇਨੀਅਮ, ਤਾਂਬਾ, ਕੋਬਾਲਟ, ਦੁਰਲੱਭ ਧਰਤੀ, ਲਿਥੀਅਮ, ਗ੍ਰੇਫਾਈਟ, ਟੈਂਟਲਮ ਵਰਗੇ ਕੁਦਰਤੀ ਸਰੋਤ ਹਨ। ਭਾਰਤ ਨੇ ਨਾਮੀਬੀਆ ਤੋਂ ਕੁਝ ਚੀਤੇ ਵੀ ਲਿਆਂਦੇ ਅਤੇ ਉਨ੍ਹਾਂ ਨੂੰ ਮੱਧ ਪ੍ਰਦੇਸ਼ ਦੇ ਕੁਨੋ ਨੈਸ਼ਨਲ ਪਾਰਕ ‘ਚ ਛੱਡ ਦਿੱਤਾ।
Read More: ਨਾਮੀਬੀਆ ਪਹੁੰਚੇ PM ਮੋਦੀ, ਦੋਵੇਂ ਦੇਸ਼ਾਂ ਵਿਚਾਲੇ ਅਹਿਮ ਮੁੱਦਿਆਂ ‘ਤੇ ਬਣੀ ਸਹਿਮਤੀ
